止咳潤肺

止咳潤肺 龍利葉海底椰無花果蘋果水

專欄

廣告

開始入秋,天氣開始乾乾哋,Nunu呢幾晚瞓覺都有幾聲咳,成晚係咁醒。做阿媽最驚就係小朋友病,所以我拿拿聲上網search下有咩 止咳潤肺 湯水啱小朋友飲。經一輪挑選之後,我揀咗最方便易煲嘅 龍利葉海底椰無花果蘋果水。

 

材料:
龍利葉
海底椰(要一片片,乾嗰d,唔係一個個透明嗰d)
蘋果
南北杏
無花果/蜜棗

*如果想煲湯就加埋瘦肉啦!

做法好簡單!
將材料洗乾淨,蘋果切件去芯,然後落凍水開火大滾半個鐘,再細滾兩個鐘,搞掂!飲得!
如果加瘦肉,我就會切件,飛一飛水,去咁d血水同污糟嘢,然後同其他材料一齊煲,同樣簡單!

至於份量,你地可以去買材料時話俾街市阿姐阿哥知大概幾多人飲,佢會教你材料落幾多買幾多ga lar~

呢款湯水味道清甜易入口,小朋友一般都唔會抗拒,大人細路都啱飲。Nunu第一日飲完,當晚好似真係唔覺有咳,第二日再飲多次,真係無再咳喇。大家都可以試下!不過如果真係唔舒服記住睇醫生呀!

龍利葉的功效:清肺,治肺熱咳嗽。

海底椰的功效:清燥熱、止咳、滋陰補腎、潤肺養顏、強壯身體機能。可治熱病之後,餘熱未清,虛煩不安,失眠多夢等症。