海灘裝備 ???????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????

【湊b貼士】小朋友去海灘裝備+注意事項

專欄

廣告

我地一家真係好鍾意去海灘玩啊!除咗免費好玩外,其實玩沙玩水對小朋友都有好多好處啊!既能活動身體、發展動手能力、豐富佢地嘅感覺統合,又可以親子一齊玩,真係一個唔錯嘅親子活動。不過香港好多沙灘都比較遠,而且準備嘅配件又多,其實只要識著識揀就可以省卻好多嘢呀啦~以下係我地去海灘時嘅裝備同注意事項小分享~

撰文&圖片:Alfred成長日記

【湊b貼士】小朋友去海灘裝備+注意事項

1. 泳衣及吸水大毛巾:去到唔同地方,都要配合唔同衣著。而海灘適當嘅衣著就係泳衣。另外,個人推薦又簿又輕身嘅吸水毛巾。

2. SPF30以上的防曬:係預防曬傷、防止肌膚老化同預防皮膚癌等。

3. 水/飲料:個人經驗,流汗流得多,自己帶可以即時補充水份,消暑降溫。

4. 玩具(如需要):我家Alfred超喜歡玩沙同玩水,而且佢亦指明要帶玩沙玩具比佢。

5. 其他(如需要):太陽眼鏡(保護眼睛)、太陽帽、沙灘墊等。

▲太陽眼鏡及著上涼鞋

另外,想玩得開心又安全,亦要注意以下事項。

1. 小心暴曬:避免喺艷陽高照嘅時候去沙灘,避免過度暴曬同大量流失水份而中暑。

2. 全程陪伴:沙灘人多嘅時候或玩水時,一定要有成人照顧,以免發生意外。

3. 著上涼鞋:除咗方便清理沙外,亦可以避免赤腳落水時或喺沙灘被尖石或垃圾整傷腳。

4. 安全配件:如小朋友想玩水,但又擔心安全問題,家長可以為小朋友買一啲合安全規格嘅配件,如充氣浮具,但切勿過份依賴。

5. 身心配合:如太攰同太飽都不宜游水。

▲全程陪伴除咗以免發生意外,亦係親子遊嘅重要原素!

更多游泳安全守則,可瀏覽:https://www.lcsd.gov.hk/tc/beach/atten-general.html

而家去玩水玩得多,所以對揀選泳衣嘅要求都高咗,最好就係質料好又可以防曬,而我個人就推薦Arena最新推出嘅All-in-One系列嘅水陸兩用運動裝,時尚得嚟又具功能性, 而且一件衫可「玩晒」兩類運動,佢既係防曬泳衣,亦適合做陸上運動,如慢跑、瑜伽、排球Pilates及負重訓練等嘅運動套裝!最重要係佢透氣度高唔焗身,又不易變色變型,一物兩用,性價比高!

 

▲媽媽著嘅係Arena最新推出嘅All-in-One系列

 

另外,我地都揀咗呢個品牌嘅泳衣比Alfred,之前幫佢揀嘅泳衣都忽略咗要買防曬功能,所以今次都想買返件靚料小小嘅泳衣比佢。而呢件泳衣除咗有UPF50+防曬功能外,顏色配搭同圖案亦好吸引,而設計方面用上長袖設計,咁就可以幫小朋友阻擋更多紫外線攻擊,再加上呢款泳衣更用上3mm簿嘅neoprene物料製造,呢個適中厚度既能保留小朋友喺水中嘅靈活度,同時亦帶嚟最佳嘅保暖效果,減低著涼嘅機會!!!最後背後拉鏈方便穿著,幾曬都可以盡情玩樂啦!

▲3mm簿嘅neoprene物料

▲保留小朋友喺水中嘅靈活度,同時亦保暖

最後,比個保養防曬泳衣小貼士比大家,由於防曬泳衣以UPF50+防曬物料製造,而佢阻隔紫外線嘅能力會因為日照次數增加而減低,所以為

保護泳衣物料嘅最佳狀態,建議用手洗代替機洗,而且每次清洗完之後,最好等佢自然風乾,唔好放喺烈日之下曬晾,因為咁樣係會做成損耗架!

 

備註:

媽媽示範(身高157cm,體重:145lbs ) :

M size – arena黑色拼藍色飾邊鏤空長褲

Lsize–arena UPF50+防曬露背上衣

 

Alfred示範(身高95cm,體重:30lbs ) :

110(幼童尺碼)-arena後背拉鍊防曬保暖neoprene連身泳裝

**********************************

(以上資料更新至撰文當日)

聯絡電郵:[email protected]

最近開始玩IG,歡迎追縱:allaboutalfred

最近開始玩YouTube,歡迎追縱:allaboutalfred

追踪更多育兒生活分享,請按Alfred成長日記