【武漢肺炎】孕媽分享 疫症下公院生仔實錄｜抗疫特集
撰文、圖片：和牛B的成長日記
疫症下公院生仔實錄
轉眼間嚟到38週4嘅晚上，我有規律性嘅陣痛。覺得肚底抽住痛一陣，一個鐘頭每隔15分鐘就痛一痛。所以，老公就陪我入醫院待産了。好彩我哋搭的士，唔選擇揸車。依家雖然係疫症期間，其實我間中陣痛，都好需要有老公依靠。
生仔實錄：孕媽産房做分流留、檢查、登記
入到醫院，首先要到臨時區探熱量體溫。然後拎住入院嘅VIP卡，直踩上B4産房做分流登記。咁呢個時候，老公同平時一樣都係唔入得去住。太太入去産房做分流留、檢查、登記。
疫症期間，所以姑娘會問得比較詳細，例如有無離開香港、去過中國或者其他地方，有無發燒、傷風咳嘅症狀等。然後就進行一般檢查，例如磅重，瞓上床聽BB心跳、度肚、摸肚等。
姑娘整理排版同時，都做埋入院用文件，等老公同步去辦理入院手續。完成入院手續，拎埋排版。就可以去産前病房，疫症期間老公只可以陪我去到病房門口，就要將行李交俾姑娘，姑娘幫手拎。
孤身生仔大作戰
而我就開始孤身生仔大作戰了！以前無疫症，基本上都入到産房，一般情況下老公都可以嚟陪産。
但疫症爆發下，政府醫院取消咗陪産。而我喺産前病房，為保障自己安全健康，都需要戴口罩。無論陣痛幾痛都好，我哋都要戴住口罩。
生二寶，痛嘅速度都快咗，痛到大概4點幾5點穿水，搞完一輪上産房催生。
其實我已經好攰，亦覺得無力好痛。同上胎一樣，帶住行李坐輪椅，有姑娘推住。所以行李真係盡量輕便，就會方便啲。特別係，而家疫症嘅時勢。
上到産房，由於我一穿水就喺産前病房，將所有胸圍除去，換上紫色手術袍。所以上到産房除咗底褲、m巾就可以直接瞓上床，等生。
戴住口罩咁吸笑氣生仔
重點嚟啦，仲戴住口罩，咁QE仲有無笑氣㗎？
答案係，仲有笑氣，放題任吸。但産婦要戴住口罩咁吸，我覺得係比起上胎用更大嘅力去吸先吸到笑氣。今胎，疫症期間老公無得陪産。所以，幾痛都要獨力承受，好想揾個人依靠、搣、扭、鬧都無。
所以，今胎陣痛一痛除咗碌、吸笑氣、大嗌。
生完之後，醫院無減BB同媽媽合照呢部份。為咗見證呢次疫症生B，我口罩都唔除，影低呢一刻啦！
然後，産後大家都一定想知探病呢？答案係，無嘅。
成間醫院，已經取消所有探病時間。如果有物資想要，可以照樣叫老公或屋企人拎到病房門口交收，又或者講清楚床位，俾姑娘轉交亦得嘅。
當我知道自己有咗二寶之後，我即刻睇返屋企平日用開嘅護膚品，到底係咪適合懷孕期間使用。因為當女性陀咗BB之後，體內嘅雌激素就會產生變化，皮膚容易變得乾燥、暗黃、仲容易出現敏感等問題。同時間亦唔可以化濃妝，(好彩我本身鍾意自然妝容，近乎素顏)。但就算唔化濃妝、唔化妝日常嘅護膚都係好重要嘅。
【爸媽心聲】 懷孕一胎 VS 二胎大不同
幾年後，我又再度懷孕了。陀和牛B嘅時候同二寶嘅發現時間都好相近，當年都係大概5週左右就發現有咗BB。陀和牛B嘅時候除咗因為經期遲咗，就係我飲凍嘢、追車個小腹有少少痛，之後我先驗。二寶就純粹係經期遲，不過自己有預料到生二寶。所以，好快就驗一驗。我仲記得以前陀第一胎(和牛B)，我成個孕期都超級舒服。由懷孕初期，已經係好舒服，完全沒有孕吐，步速、胃口同平時一樣。只係懷孕初期超易攰，其他地方根本同正常人一樣無分別。但今胎可能我伴隨住生病。7週前我除咗有強烈嘅孕吐感、無胃口 (我直情有啲驚食物)、好驚雞蛋(聽到、望到都好想嘔)、長期覺得疲憊。唯有飲滴雞精補充營養吧！7週後，我開始有返胃口，食到嘢。但夜晚時份，瞓覺就唔多舒服。打平瞓又唔得，打側身瞓又唔得⋯⋯總之唔識講，總之瞓得唔好啦。今胎，除咗有老公照顧我，仲有和牛B照顧我。和牛B超乖，知道要做姐姐，佢開心到不得了。佢係極之關懷我，就算好想去玩，但知道我攰或者唔舒服。佢都唔會扭計，會乖乖留喺屋企玩玩具，好讓我可以同BB一齊休息下。
參考資料：衛生處網頁
