石屋家園 |香港歷史遊

專欄

廣告

隨著野人長大,週末好去處都要作出調整。由以前密密去嘅各大小公園、草地、遊樂場、Playhouse(s)、迪士尼、海洋公園等等放電熱點。。。到現在轉型去D加入少少靜態元素嘅周末好去處。早前我哋去咗位於九龍城嘅「石屋家園」。

從前嘅「何家村」石屋,2015年經活化後,成為現在嘅「石屋家園」。石屋入面其中一部分係一個介紹九龍城歷史嘅小小展覽館。透過展板、影片播放、懷舊展品,我哋可以認識九龍城嘅變化。當中最為香港人熟識嘅歷史,一定係舊機場搬遷。另外,場內仲有少量懷舊玩意可供借玩 🙂

舊式「撥號」電話、上下格床,野人都係第一次見 😛

「石屋」另一部分就係一間備有室內外坐位嘅石屋咖啡冰室”Stone Houses”。室內裝修充滿懷舊風味,我就當係集體回憶,野仔就當係見到全新事物 😛

如果遇上好天氣,坐喺室外位置食下嘢、享受一個laid-back嘅週末都唔錯 🙂 而且室外有個大空地,野人又趁機狂跑放電,所以「石屋家園」可以俾小朋友認識歷史之餘,又可以跑下放下電,絕對係一個”動靜皆宜”嘅週末好地方!

石屋家園不定時會舉辦活動,大人同小朋友都可以參加,欲知詳情,可參考石屋家園網址或Facebook Fanpage。

網址﹕http://www.stonehouses.org/

Facebook Fanpage﹕https://www.facebook.com/hk.stonehouses/