【聖誕免費親子好去處】Little Twin Stars聖誕夢幻樂園 @九龍灣 MegaBox

Nov 28 2018

從港島搬到九龍其實仲有另一個好處，就係每逢聖誕或大時大節時，附近嘅大型商場實有好多靚靚嘅佈置及裝飾。今日趁住等爸爸放工之際，我就帶咗小JM去遊走附近嘅商場，欣賞一下靚靚嘅裝飾，順便感受一下節日氣氛添！

撰文、圖片：傑。斯與晴

舊年MegaBox就有Peppa Pig家同大家慶祝，今年就揾咗Little Twin Stars來打造「聖誕夢幻樂園」來陪大家過聖誕添。

MegaBox中庭樓底極高，所以係呢度佈置咗一棵30呎高嘅夢幻聖誕樹，而且仲有戶外玫瑰花海、8呎巨型 Lala 等嘅打卡影相位添！唔單止咁，呢度仲會有音樂燈光表演添架，真係啱晒一眾Little Twin Star迷及一家大小來歡度聖誕架！場內30呎高夢幻聖誕樹仲會每15分鐘舉行一次音樂燈光表演，帶連場內嘅二萬粒LED燈飾都會隨著音樂節奏閃爍，而Kiki同Lala 亦會隨住音樂向你揮手Say Hiya添架。

粉紫和粉紅色、30 呎高的夢幻聖誕樹，掛上玫瑰花和啤牌等裝飾。

戶外 LED 玫瑰花海

今次係戶外平台仲佈置成玫瑰花園咁，日間會看到Kiki同Lala係心形拱門度打高爾夫球；而入夜後嘅玫瑰花園仲會變成粉紅色LED嘅浪漫玫瑰花海添。在 Little Twin Stars 攝影區，Lala 與 Kiki 與其他精靈會與小朋友們拍照，另外也有照相館可以與 Little Twin Stars 合影，並製作獨一無二的聖誕卡。

場內並設有 Little Twin Stars 期間限定店，由 11 月 17 日起，消費滿指定金額就可換領 MegaBox 聯乘 Little Twin Stars 限量禮品。