自己生日會自己搞 貼地生日派對實用小貼士

我哋自己做搞手！

野人8歲生日會上星期剛剛完滿結束👏🏼👏🏼即係代表我每年嘅Year-end Project又完成😊

我兩個係孖人，一年搞一次生日會，有兩個人開心，總覺得好抵😜所以8年嚟都堅持幫野人搞生日會，搞搞下我已變成「資深」生日會搞手 (雖然每年只有一個JOB😜)

我搞嗰啲係「貼地」生日會🤪即係唔會搵Party Planner、唔會整大型佈置🎈唔會請Party姐姐搞氣氛🎤唔會請魔術師表演🤹🏻‍♂️每年，我都會因應野人當時嘅喜好，自己搵佈置材料、設計生日蛋糕桌擺設、諗遊戲俾小朋友玩，統統一手包辦，務求搞個最啱兩位主角嘅主題生日會😎🤓經過「咁多年」嘅網購經驗，有啲價格OK，質素更OK嘅購物連結可推薦俾大家👇🏼👇🏼

氣球/充氣彈床

1）http://www.hbparty.com/

2）http://www.happyhappybirthday.com.hk

3）www.rainbowballoon.com.hk/

另外，淘寶訂嘅生日會物資，質料都好OK😊

「愛町喜品旗艦店」

「PartyAce派對皇牌」

生日蛋糕

千奇唔好誤會生日蛋糕、公仔壽司係我親手整(邊有咁叻😜）之但係每年生日蛋糕個設計確係我諗出嚟之後，再隔空同整蛋糕姐姐溝通出嚟嘅成果。呢間網上蛋糕店，由野人3歲生日會開始，我就年年都幫襯，當然我哋係冇利益關係啦，只係年年都肯聽我講嗰啲憑空想像嘅生日蛋糕、Cupcakes、CakePop設計而又願意幫我整嘅，除咗呢間都應該冇乜邊間會咁有耐性☺️☺️

🎂蛋糕：

https://m.facebook.com/sweetfty/

(https://www.sweethk.com/)

公仔壽司

🍣壽司：

https://www.facebook.com/mtksushi/

佈置小點子😬

第一）由於我唔鍾意有野人嘜頭嘅佈置(總覺得生日會完，要掉咗有佢哋樣嘅嘢，感覺唔太好😜）所以取而代之，我會整一個小小嘅Theme Board，放喺生日蛋糕桌，有「個人化」效果、又可以DIY、用完又可以當相架放喺屋企，一舉3得✌🏼

二）野人4歲生日會嗰年，都未識字，身邊大部份嚟生日會嘅朋友仔都係一樣未識字😜 所以就整咗塊「掛牆」大CardBoard，請出席嘅小賓客，喺CardBoard上面打手印，小朋友有得玩，我又可以留個念(事隔4年，我仲Keep住塊CardBoard，個個小朋友隻手都大哂，好得意）

希望以上實用小貼士都幫到你哋幫自己屋企嘅王子公主搞生日會啦😉