至窩心母親節晚餐@Dining娜

專欄

廣告

(Present by Toshiba)

仲有兩個星期就到母親節,身邊唔少朋友都問我到底母親節帶媽媽去食咩好。其實母親節係俾大家一個機會向媽媽表達關心同愛嘅,如果大家可以落手落腳親手煮餐飯俾媽媽,咁係咪更sweet先?

想親手整番幾味,點煮法最方便又好味?最近我買咗呢個東芝純蒸氣烤焗水波爐,無論烤焗、炆燉、整甜品都無難度。所以今次我Dining娜決定教大家煮番幾道菜,喺母親節?媽媽開心!

 

蟲草花響螺燉豬腱

媽媽日日喺屋企做家務照顧屋企人咁辛苦,今次首先教大家炮製蟲草花響螺燉豬腱,俾媽媽滋潤一下!

1. 首先要準備好豬腱(切件)、雞(去皮切件)汆水備用、冬菇浸軟並將冬菇水留用,紅棗去核,蟲草花、杞子、南北杏及圓肉略沖水。然後燒熱白鑊,爆香薑片,將螺頭煎透,並灒入1杯水煮滾,螺頭及螺頭水留用。

2. 將所有材料包括冬菇水及螺頭水放喺燉盅內再蓋好。

3.揀東芝水波爐嘅「過熱水蒸氣」不預熱模式,以300°C燉60分鐘,如果想更入味,可以250°C再燉30分鐘。

4.最後以鹽調味就完成喇!

材料:

新鮮蟲草花 50克

南北杏 少許

乾冬菇 4隻

螺頭 5隻

豬腱 1隻

雞 半隻

紅棗 4粒

圓肉 30克

杞子 1湯匙

薑 2片

水 5杯

鹽 少許

 

韓式免炸雞槌

媽媽近排成日追韓劇追到入晒迷,仲話要去韓國朝聖。韓國旅行就未咁快去到喇,不如教大家整個韓式免炸雞槌,俾媽媽感受一下「韓」風嘅威力先!

製作呢款雞槌時,只需用少許食油掃在雞槌表面,就可用水波爐做出香脆雞槌,比一般油炸方法健康,絕對啱晒媽媽!

1. 首先將雞槌抺乾,加入醃料拌勻醃30分鐘,再加入蛋拌勻。

2. 將豆粉、糯米粉、麵粉及梳打粉混合,沾滿雞槌表面,掃少許油。

3. 烤架掃少許油,放上雞槌並放入水波爐下層。揀東芝水波爐嘅「熱風對流」不預熱模式,以300°C烤28分鐘。將雞槌烤至金黃色。

4. 喺烤雞槌期間,大家可把握時間準備韓式甜辣醬。首先燒熱少許油,落蒜茸爆香,並落茄汁、燒烤蜜糖及韓國辣椒醬再拌勻,細火煮至稠身。

5. 最後將韓式甜辣醬與脆雞拌勻,韓式免炸雞槌就完成喇,炸雞再配埋杯啤酒就prefect啦!

炸雞槌材料:

雞槌 12隻

炒香白芝麻 少許

脆皮:

蛋 1隻

豆粉/生粉 1/4杯

糯米粉 1/8杯

麵粉 1/8杯

梳打粉 1/4茶匙

醃料:

鹽 1/2茶匙

黑椒碎 1/2茶匙

韓式甜辣醬材料:

蒜茸 1/2湯匙

茄汁 3湯匙

燒烤蜜糖 4-6湯匙

韓國辣椒醬 2湯匙

 

抹茶芝士蛋糕

一個圓滿嘅晚餐當然唔少得甜品啦,抹茶芝士蛋糕甜而不膩,媽媽必定喜歡!

1. 首先要準備餅底。將牛油紙鋪在模底中,喺蛋糕模內掃上牛油。

2. 將消化餅碎及溶牛油攪勻,放喺模底上按平,再放入雪櫃冷凍。

3. 待忌廉芝士軟身,放入攪拌器皿,以電動打蛋器打鬆,再逐少加入糖打勻。

4. 逐少加入蛋液,慢速打滑。分次篩入抹茶粉及打至沒有粉粒。加入厚忌廉打勻,篩入中筋麵粉,輕輕拌勻。

5. 將蛋糕模從雪櫃取出,再注入抹茶忌廉芝士。

6. 揀東芝水波爐嘅「過熱水蒸氣」模式,以170°C預熱。

7. 預熱後將蛋糕模放喺焗盤上,放入水波爐,以170°C焗15分鐘。

8. 打開水波爐,蛋糕以錫紙蓋面,再將水波爐調校至120°C焗60分鐘,取出待涼後,再放入雪櫃後冷凍3個鐘,抹茶芝士蛋糕大功告成!

又有滋補靚湯,又有甜蜜蜜蛋糕,一家人共聚天倫,今個母親節媽媽仲唔冧到暈?

而家買東芝水波爐,仲送價值$538 嘅 LE CREUSET焗盤,係咪好吸引先 ?

東芝純蒸氣烤焗水波爐

型號:ER-LD430HK (31公升)

售價:$7,398

東芝產品查詢電話:2111 0883

網址:www.toshiba.com.hk