攀石

【親子好去處】大人細路都玩得!室內攀石場 18項挑戰 @ 鰂魚涌 VERM CITY

專欄

廣告

畏高家庭去攀石, 真的是2018年最大的挑戰…我們肯接受挑戰, 因為SY話:「豬仔都去, 我又要去, 我想同豬仔一齊玩」

撰文:大仁生活

商場仁又怎會大熱天時去考驗自己呢? 今次去的是鰂魚涌的室內攀石場, 有冷氣, 有18款不同攀石項目, 大人小朋友都玩得, 就算全無經驗的膽小鬼(如我們)一樣無問題.

SY:「爸爸! 其實我好驚」; 我:「洗乜驚吖, 有安全帶, 我哋又唔係比賽, 你覺得太高唔敢再爬咪落返你囉, 最緊要係嘗試, 今次爬3步, 下次爬到4步, 咁就即係有進步囉」

其實, 全個攀石場分為兩個部份, 我們全無經驗玩的是, 「Clip N’ Climb Park」, 另一個體驗區設有Augment Wall 的, 則要先付$500上堂, 當教練認為你有能力, 才可以玩的.

要進入「Clip N’ Climb Park」, 先要聽工人人員指示, 例如扣上及解除安全帶也要舉手讓工作人員過來幫手, 不可以自行進行.

其實, 兩位小朋友已經急不及待, 當一穿上了安全帶便9秒9的衝了出去, 進行攀爬任動.

在有安全帶的情況下, 其實攀石是相當無任何危險性的, 只是我們要克服高度的問題, 我們一家也是「腳踏實地」的人, 所以當爬到一半再望一望地下, 真的個心也會離一離.

所以, SY說:「我唔敢再上啦…」我:「咁快D落返嚟啦…」

不過, 最初落回地面也要克服放開雙手, 讓安全帶帶整個人慢慢著地…

我最初只敢慢慢沿石爬回地面, 但第二次我便嘗試, 放開雙手…我對SY說:「原來被安全帶索緊慢慢降落個感覺好正呀!」

SY:「係呀! 我最初都唔敢, 不過頭先試咗, 個感覺好得意呀…爸爸, 你望吓媽媽!! 佢仲水皮過我」

原來, 阿太只是爬了兩格, 便已經「目無表情…無奈又驚恐」, SY:「媽媽..你驚就落返嚟啦」, 結果, 大嬸只是輕輕一跳, 便已經完美著地, 我:「你好似爬咗4呎都無喎」

其實, 場內有一個6米U形垂直瀡滑梯, 但今日維修暫停開放…不知道實際驚不驚嚇的呢?

個人認為梅花樁是18款項目中最困難及挑戰膽量, 因為13支樁柱, 可以容許雙腳的位置有限, 狹窄又無扶手, 愈高便一定愈驚心!

豬仔很犀利, 玩了兩次, 兩次也完美的走到上頂, 其實..最後跳下來 的勇氣也一定需要不少, 豬仔很勁呀!(SY行了4條樁柱, 老仁連上也不敢上…)。

不同形狀的攀石項目也有, 波波球的, LEGO形的, 有俄羅斯方塊的…真的包羅萬有.

雙人透明牆, 最啱情侶, 或親子一齊玩, 原來遊戲規則是要模仿對方, 跟足對方的每一手, 每一腳…絶不簡單的呀!

我們一致認為最好玩的就是「計時鬥快」的一款…其實, 工作人員已經說明, 最盡頭的是最簡單的.

哈哈!! 就是因為簡單, 最合適我們的BB級人士啦.

VERM CITY 室內攀石中心
收費︰Clip N’ Climb Park 每人$180/小時;攀石牆區 每人$200/全日(需懂得攀石)
地址︰鰂魚涌柯達大廈一期4樓
營業時間︰星期一至五11am – 11pm、星期六、日及公眾假期 9am – 9pm
備註:須於網站預約 www.vermcity.com
大仁生活facebook