謝寧：女人係需要男人呵吓你、嗲吓佢

阿李媽媽的電台節目《敏感時刻》訪問「曲奇皇后」謝寧，很喜歡她的謙遜丶坦白丶樂觀，她老實地把自己所犯的錯跟大家share：「同阿John（岑建勳）一齊嘅時候我係好獨立㗎，我咩都唔煩佢，我要搞掂晒自己，等佢可以無後顧之憂。原來唔得㗎，你係需要一個男人呵你、錫吓你、嗲吓佢咁樣㗎嘛。」

聽後有點像收到wake up call，相信很多姊妹嫁給自己丈夫是因為「他」在關係的初期呵過你、錫過你，而你又嗲過佢；但是，隨著結婚和生仔帶來的實際問題和煩瑣事越來越多，性格較獨立的女人為怕打搞老公，由換電燈膽到教功課，到全家的生養死葬都一邊學一邊做，女人自己可能還要返工，日子有功成了獨立自主的女強人。獨立是初衷？不一定，只是環境逼成，不是能者多勞而是勞者多能。

丈夫要工作，又怕的士、小巴飛車，阿李媽媽由驚驚青青的假日司機已成為天空海闊任我闖的司機，只要有GPS，總會到達終點，有埋Uber更方便（希望香港不要ban Uber)！如有自動泊車系統用，連女人最弱的環節也有電腦輔助，那麼教我如何需要請教他？都冇嘢要佢呵護咯。

香港女人要獨立，其實很容易，即使汽車、電腦、投資丶家居維修⋯⋯上網睇wiki、YouTube或Whatsapp／WeChat／Line朋友，總有一個在附近。

婚後產後做了人妻、媽咪，為了家人不得不終身學習。又聽吓謝寧點講：「我唔會俾自己唔長大㗎⋯⋯我覺得我最努力嘅階段就係做人太太，做人媽咪，我有啲朋友都係唔長大嘅，我係極度頂唔順㗎。」

很多女人在年輕時，返工返得累，以為結婚有老公照顧，什麼也不用想，嫁啦！點知⋯⋯結咗婚後要想更多，除了自己和自己娘家，還要想丈夫和夫家，仔女現在和仔女將來，想不通又不可以找丈夫傾訴，因為丈夫的事已是問題的一部分，仔細女細又未明，女人偶感孤軍作戰。如果人緣好，還有幾個好姊妹傾訴一下，否則會谷出真．抑鬱症！

當然，看FB時常見到有些很幸運的女人，成日曬幸福，男友、老公如何呵護備至，羨煞旁人。但這可遇不可求，你選的男朋友將來變成一個怎樣的老公，真的沒有人能說實。窮變富、富變窮、瘦變肥、肥變瘦、勤力變懶散、廢青變才俊，鬼知咩？即使給你回到未嫁時，命運仍然要你唔知結局都是揀他嫁啦！正如誰能預測1985年的香港小姐冠軍謝寧會變成今天的曲奇皇后謝寧，每天賣數百罐曲奇和數百罐蝴蝶酥，她與朋友創造的品牌「曲奇四重奏」已成為本地搶手貨和香港手信。