名校

【趙sir分享】三個用不同方法入名校的故事

專欄

廣告

好多家長對入名校都有一定的迷思,從事教育工作多年的趙sir,一直以來都為香港家長提供了很多入學意見,不少家長希望聽趙sir講小一自行分配及叩門成功的有趣故事。一個是關於自行分配,一個是叩門,一個是直資面試的成功故事。家長可以此作為參考。

撰文:趙榮德 圖片:新傳媒資料室 編輯:Joanne

(一)自行分配故事

話說兩三年前,在自行分配放榜當日,有一位和的熟落的校友,早上九點給我電話。

「趙sir,我個仔入唔到母校呀,點算?」

「你個仔有幾多分?」我問。

「佢有25分㗎!連宗教分都有都入唔到!」

「咁你唯有翌年6月去母校叩門啦!」

「叩門?要等成7個月咁耐喎,除咗叩門仲有咩辦法?」

名校

「仲有一個辦法,祈禱,你成家人都係天主教徒,上主會幫你嘅!」我笑着答。

「好啦,我試吓啦!呢個都算係冇辦法中嘅辦法嘅。」

誰知,第二日早上,校友竟然一早來電。

「趙sir,頭先母校畀電話我,話學校而家仲有一個位,問我是否會接受,我已經立即接受,而家同個仔回母校註冊,趙sir,原來祈禱有用,上主果然助我一臂之力,唔該趙sir!」

原來,小學有一個學生註咗冊後退學,留空一個學位,讓畀校友個仔。邊個話祈禱冇用!

名校

(二)叩門的故事

有一個朋友,個仔只得15分,因此一早搭通「天地線」,竟然找到心儀小學的一位校董,寫了封推薦信。朋友以為越早寄越好,於9月「自行分配」開始便寄了給校長。

11月放榜,朋友滿懷希望去學校找兒子的編號,誰知找來找去都沒有。他滿面惶恐的走來,問我點解學校唔收佢個仔。

「你個仔幾多分?」我問。

「15分,但我叫一個校董寫介紹信喎,校長咁都唔畀面,冇理由!」

名校

「點解冇理由?其實小學校長喺自行分配同統一派位兩個階段,都冇學位在手。既然冇學位在手,佢點會畀到個學位你呢?」我仔細同佢解釋。

「咁校長幾時先會有學位在手?叩門嗰陣時?」

「正是,你等到第二年6月,叩門嗰陣時,校長自然會給你兒子一個面試,然後就取錄佢啦!

「明白,我寄信的timing唔好,應該6月先至寄!」

果然,校長於叩門階段便給朋友兒子一個叩門位。

【趙sir分享】三個用不同方法入名校的故事

(三)直資面試的故事

話說香港灣仔一間名女校,在小一面試,給一組5個考生一條非常艱深的IQ題。

5個考生有兩個只諗了3分鐘便放棄,餘下3個考生,其中一個「掙扎」了兩分鐘便停下來舉手投降。還有兩個考生,雖然答極都錯,仍然屢敗屢戰,再過3分鐘,第4個考生搖頭說:「我唔玩了!」

【趙sir分享】三個用不同方法入名校的故事

最後那個考生,不斷嘗試,雖然試極都不成功,但她仍不放棄。

結果,第5個考生被取錄,雖然她答不中,但她被取錄,因為她負隅頑戰,永不放棄。而「永不放棄」正是該小學的校訓,所以被取錄了。

原來英國首相邱吉爾的名言:「Never, never, never give up!」可以用作小學面試的「座右銘」。

【趙sir分享】三個用不同方法入名校的故事

趙榮德

前喇沙書院副校長,曾任社工註冊部紀律委員會會員,香港輔導教師協會榮譽顧問。曾任教育局家庭與學校事宜委員會副主席,熟識香港教育及香港升學制度,同時為香港大學專業進修學院之客席講師,亦為升學指南作家,現有著作多達廿二本。

下一頁:拔萃男書院附屬小學 校長強調「非貴族學校」

【趙sir分享】三個用不同方法入名校的故事