香茅檸檬葉水 開胃消暑解渴之選

香茅檸檬葉水 開胃消暑解渴之選

專欄

香茅檸檬葉水 不只有助預防傷風感冒,更可消除飽滯同埋開胃消暑。早前帶小小豬去九龍城玩樂之後,就到我行街街的時候,因為九龍城一帶有好多泰式香料店,入去行下就可以買到不少調味料。今次我又八八卦卦咁聽到店員教煲這個泰式特飲 – 香茅檸檬葉水,店員用半咸淡廣東話介紹,話煲這個泰式特飲好好,預防傷風感冒兼消滯消暑。既然材料不貴,加上易煲,所以就買齊材料試試。

資料、圖片來源:小小豬的成長日誌|編輯:Sunday Kiss

香茅檸檬葉水

其實煲香茅檸檬葉水的過程中,都已經有好清香的檸檬葉味,所以都有一點點期待,一煲好,我已經急不及待飲,味道不錯,有一種好FRESH的感覺,而且非常解渴。冷藏更好飲,所以這款香茅檸檬葉水,可以話是夏日消暑解渴之選,炎炎夏日時真係要煲多點。

香茅檸檬葉水(圖片來源:小小豬的成長日誌)
香茅檸檬葉水(圖片來源:小小豬的成長日誌)

香茅檸檬葉水材料

香茅 12支
檸檬葉 1包
青檸 2粒
冰糖 幾粒
香茅檸檬葉水材料(圖片來源:小小豬的成長日誌)
香茅檸檬葉水材料(圖片來源:小小豬的成長日誌)

香茅檸檬葉水做法

  1. 將香茅拍爛,然後切幾段;檸檬葉就洗乾淨備用。
  2. 青檸渣汁待用。
  3. 煲內放入2.5L水,然後加入香茅及檸檬葉。
  4. 煲滾水之後,加蓋轉中火煮15分鐘。
  5. 因應個人口味加入適量嘅冰糖,再煲多10分鐘。
  6. 關火後就要即刻夾起材料,因為如果浸得太長時間,個涼茶就會有一種苦澀味。
  7. 之後就加以加入檸檬汁,攪勻後即成。

資料、圖片來源:小小豬的成長日誌

你又點睇?

更多精選內容