零出汗 超舒適玩轉 荔園

`

老實講, 如果只係玩掟階磚……

睇大象……

贏公仔……

一定唔足以令我約埋汪琳同佢囡囡, 離開市區, 齊齊享受一日親子樂, 不過呢次「荔園2016」安排夠細心, 令我哋每一位都笑住走, 所以即刻同各位家長分享有咩「開心位」、「抵讚位」同「細心位」 🙂

開心位:

1.全室內, 有冷氣, 地下同廁所都好乾淨!

2.冇太陽曬, 一啲熱嘅感覺都冇, 零出汗, 唔會曬親、熱親、焗親、中暑同頭暈.

3.地方夠大，每個遊戲都有足夠空間，唔會覺得迫夾，令家長放心，因為一迫、一多人，就會擔心小朋友好易唔見咗……

4.幾多嘢食, 仲好好味! ^^

抵讚位:

1.動靜結合

除咗傳統嘅拋、擲、跑嘅遊戲外, 小朋友可以坐定定畫畫、整 tee, 又有勞作區, 小朋友跑吓玩吓停吓 cool down 完, 抖一陣, 再去玩過, 咁樣安排幾好!

`

2.做慈善

講到整 tee, 小朋友又畫又拎當然開心, 而入場人士每買一件 tee, 扣除成本後, 收益會捐畀慈善機構國際小母牛香港分會. 咁有意義, 值得支持!

`

3.夠清潔

小朋友玩嘅遊戲, 例如彈彈床, 會做好多次清潔.

行開行埋幾次, 都見到有遊戲喺每一兩節後, 進行20 分鐘清潔.

呢個時候, 幾位哥哥姐姐會好勤力咁周圍抹, 包括扶手、吹氣床、地下等等……

所以我好放心畀三姊弟玩巨型吹氣床, 盡情擒高擒低, 練吓手腳協調, 郁動吓.

身為家長嘅我, 睇完覺得好放心, 因為唔使怕小朋友會有手足口病, 或者感染其他細菌而病咗, 大家都知道細菌有幾惡啦.

唔好以為咁做係必然, 我極少喺其他同類地方, 見到清潔得咁密!

連喺地下嘅櫻花都好乾淨呀!

`

細心位:

1.防走失出入口設計

場館有一個入口同一個出口, 亦係唯一嘅入口同出口, 仲係左右門神咁放埋一齊.

而全場只有一層, 冇得上落其他樓層, 亦都冇後門出去, 所以小朋友都冇咁易走失, 感覺好安全!

2.專畀大人玩嘅遊戲

只要 18 歲以上, 就可以玩場館外嘅高卡車, 簡直回到「那些年」, 玩完成個人年輕咗呀!

爸爸媽媽要湊小朋友冇時間玩?

傻嘅! 你當然要等小朋友玩碰碰車玩到攰, 坐埋一邊休息緊, 有姐姐或者其他屋企人睇住嗰陣先玩啦! 嘻嘻!

FB: KeicyKK