現今世代嘅小朋友被訓練到要「十項全能」，就算連放長假都忙住要上唔同嘅補習班，真係睇見都心痛！上星期週末經過 馬鞍山中心 嘅「聖誕遊樂園」見到一班小朋友好開心咁圍埋一齊，究竟有咩睇同玩呢？

小精英匯演

原來係大會邀請咗唔同嘅商戶，派出一班「小精英」表演，預先同大家慶祝聖誕！當日有舞蹈表演、話劇、朗誦表演等等…每位小朋友都好落力演出，睇得出佢地都好享受表演嘅一刻！雖然人仔細細但完全無怯場，值得鼓勵啊！

李霖恩私密湊仔經

當日星級嘉賓李霖恩仲帶埋一對「孖寶」嚟會場同大家分享佢嘅湊仔經，佢建議家長同子女要注重School-Life Balance，例如每日都應該抽時間同囝囡傾吓計，增進溝通同互動！仲分享咗自己嘅親身經歷點樣幫小朋友揀興趣班，例如要多啲留意小朋友對邊類型活動最有好奇心，堅持一個凖則「興趣為主」，千萬唔好強迫小朋友參加唔鍾意嘅活動！

親子互動工作坊

除此之外，一班小朋友當日仲參與唔同嘅工作坊。我最鍾意呢個由瑞士畫室舉辦嘅「聖誕裝飾設計工作坊」，利用喺文具鋪都買到簡單嘅材料就可以做到特別嘅聖誕裝飾品，睇吓一班小朋友幾專心咁上色！嚟緊聖誕，等我都同小朋友喺屋企DIY親子樂！

馬鞍山中心

地址: 香港馬鞍山鞍超街1號
電話: 2631 8010
Facebook: MOS Centre 馬鞍山中心