魚腩童話集~上天空去

專欄

廣告

有日個女放學返屋企(當時廳中有岳父、岳母)

詠渝:爹哋、公公、婆婆,我返黎喇!
眾人:乖嘞!
詠渝:爹哋呀…頭先我同學亞x話我知…佢爺爺上咗天…返咗上天空喇…..
我:吓!…咁…你知唔知返上天點解呀?
詠渝:(好哀愁地)即係死咗喇….(醒覺)咁….點解公公、婆婆仲未返上天嘅?
我:………..(兩老扮聾即時彈開,一個入廚房、一個扮睇電視)
我:(大聲地)詠渝,入房換番套校服喇!(入房後即閂門)詠渝,唔可以咁喺公公、婆婆面前講呢D嘢架!佢哋會好驚架!
詠渝:點解呀?
我:因為佢哋驚上咗天就無得見你同弟弟囉!你想唔想無得見公公、婆婆吖?

詠渝:(好唔捨得)唔想呀!…………因為喺天空上面淨係見到雀仔咋!
我:………………
詠渝:咁第時搭飛機..咪見到上咗天空D人囉!
我:am……….唔係喺D雲度架!….再遠D…..去到好似…月光咁遠架!
詠渝:咁咪淨係見到兔仔….同嫦娥姐姐囉!
我:…………………………………………….