1600隻Panda怎樣拍？

Jul 8 2014 - 23:00

見到人人都要去一去，攪到我都忍唔住帶Shaun Shaun到此一遊！事前有問過佢想唔想睇，佢話想，所以我先帶佢黎！要尊重孩子意見麻：）

一入到場館人山人海，所以我用咗16：9去影，CUT走晒D人！加埋PANDA做景深，睇落去都呃得下人既：D：D

其實有時影到悶，不如換下角度，都幾好玩架！

呢隻可愛既PANDA會以唔同表情同形態出現於場館每層既牆上，只要加添小小創意，就可以影到PANDA好似同你既小朋友一齊玩架喇！

黎既時候記得帶返本NOTE BOOK，因為每層都有得CUP返個好可愛既PANDA印，如果想完整D，可以用二十蚊買現場一張PANDA地圖，內裡有適當空位比你CUP返！

最後，就梗係要去抱抱PANDA喇！我哋去果日係平日下午大約五點左右去排，用咗十分鐘到就排到喇！悶既時候，不彷好似我哋咁玩住小明先喇！天氣實在太熱，記得帶定扇啊！

萬眾期待既一刻！為了Shaun Shaun呢個甜美笑容，幾熱幾辛苦都值得！

記得抱抱PANDA時唔好只係揸住佢耳仔影啊！因為PANDA會因為爛耳仔而報銷啊！現場工作人員會有溫馨提示呢！想投入小朋友世界，家長記得多D同小朋友成水平角度拍攝啊！未去探PANDA既你，快D把握時間喇！：）

你又點睇？