DIY水晶球

專欄

廣告

好快就到母親節,嚟緊我都會分享一吓,點樣自製一啲小禮物,送俾媽咪又得,送俾朋友做生日禮物都得。

首先就教大家DIY一個水晶球,材料同工具有:

熱熔槍 , 玻璃樽 , 相 , 閃粉 , 水 , BB油 , 同一啲自己鍾意嘅小飾物。玻璃樽去精品店買又得,用平時食完啲調味品嗰個樽,循環再用都得。

將自己揀好嘅相過咗膠先,然後沿住個邊邊剪出嚟,跟住用熱熔槍,將啲相, 珠仔同自己鍾意嘅玩具,黐喺樽蓋上面。

加水入玻璃樽,唔好太滿,大概到樽口位置,再將適量嘅閃粉,倒入玻璃樽度,但係唔好倒太多,如果唔係啲水就會濁。

然後加少少BB油入去啲水度,咁啲閃粉就可以倒留得耐啲,營造出飄雪嘅效果。

將個樽蓋擰番落個樽度,咁個DIY水晶球就完成喇!!!