【親子好去處】本地親子小旅行 玩盡3間香港迪士尼酒店活動小攻略

【親子好去處】本地親子小旅行 玩盡3間香港迪士尼酒店活動小攻略

專欄

廣告

大家都知道香港迪士尼有3間度假酒店,包括香港迪士尼樂園酒店、迪士尼好萊塢酒店,同埋2017年4月新開幕的探索家度假酒店。

撰文&圖片:荔枝孖媽

【親子好去處】本地親子小旅行 玩盡3間香港迪士尼酒店活動小攻略

岩岩早2個星期我地就入住咗迪士尼樂園的其中一間酒店順道慶祝一下我跟孖爸17週年紀錄,hehe其實都係比自己一個小籍口出來玩下唧。

其實大家只要入住三間樂園酒店其中一間,就可以玩盡另外兩間酒店的康樂活動,同埋一切的設施,大人細路都可以參加唔同時段的兒童手工藝創作活動,設計獨一無二的迪士尼小手工,仲不時會有迪士尼朋友來同大家見面。

其實入住酒店同時入樂園都好方便,因為係酒店外會有專門的巴士載你去迪士尼樂園。而且入住酒店的當天亦可以係酒店同樂園都有免費泊車呢。

仲有呀,入住酒店仲會附上一張迪士尼樂園的優先入場證,憑呢張優先入場證可以係其中一個項目遊戲唔洗排隊優先入場架!

如果大家住房時有需要床圍or沖涼盆,可以係check in時請服務人員幫手預先準備,都係免費架!

而職員亦有為我地預備一個週年紀錄的毛巾蛋糕,同一對Mickey毛圈介子,真係幾得意呢,thank you!

至於點樣玩盡3間酒店,就一齊睇下以下小分享啦。

每日的晨光時刻都會有高飛師父太極班、高飛早晨影院、迪士尼手工藝製作。

而午間歷奇,就有探索隱藏米奇、好萊塢之旅,探索家池畔歷險。

最後黃昏奇趣,就會有迪士尼遊戲時間、迪士尼星光影院、迪士尼故事時間。

每項活動的時間,不妨參加以下呢個表,方便大家計劃迪士尼小旅行時更有預算地安排好行程。

酒店提供的活動,主要都係for小朋友,一班小朋友當然都玩得好開心啦。大人見到自己小朋友開心就已經很不錯了。大人最岩玩可能就係去3間酒店的泳池遊水呢,每個泳池池邊都有locker同兒童救生衣比小朋友著架!

雖然大人可能未必完部項目都岩玩,但好開心孖爸係迪士尼故事時間亦好投入同孖寶一齊聽故事。

最後check out時哥哥見到房卡有Mickey咁可愛,仲唔括我比返職員,之後職員比咗兩張新的房卡我地,等孖寶帶返去紀念!