親子好去處

【暑假親子好去處】排4粒鐘買限定「金」鎮魂 邊玩陀螺邊學STEM

專欄

廣告

自從去年玩具展,我家SY已由瘋狂沉醉幪面超人卡,變成爆旋陀螺Big Fans,對於我來說,每隻陀螺也是一模一樣,但小朋友可以無限解釋箇中一切的分別(真係勁!!)。

【暑假親子好去處】排4粒鐘買限定「金」鎮魂 邊玩陀螺邊學STEM

SY:「爸爸! FB話奧海城有陀螺玩呀!不如我哋去囉⋯⋯人哋仲話有金色鎮魂巨神買添呀!不過成$600,好貴!」(傻的嗎? $600買一隻陀螺?)

原來, 今次奧海城分了兩個陀螺區, 一樓有一個OCLab 免費玩陀螺學STEM的活動。

難怪阿太說:「你個囝間學校都有陀螺興趣班啦,就係教D小朋友STEM囉,不過你個囝話自己D陀螺唔夠人勁,所以唔參加啫。」

今日,有哥哥同SY解釋陀螺的三種型態: 持久、攻擊、防禦。原來一個陀螺由三個部份組成,有底盤,中間的鐵環,上面的圓環⋯⋯

我今日學到底盤愈平, 移動速度會愈快,鐵環愈輕,摩擦力會減低,陀螺速度就會愈快⋯⋯

原來,玩陀螺有如此多學問。不過,可能只有我覺得是新事物,因為SY已經同哥哥研究:「咩號鐵要配個啤咩底,個環又要揀個乜乜物物。」

莫非玩陀螺真的會令小朋友們開竅?我今日才發現陀螺原來有如此學術功能。

其實,我還未研究完非常學術的STEM,不過SY已經拉了我到中庭Pop-Up-Store⋯⋯他要叫我問工作人員:「請問有冇金鎮魂買呢?」

金鎮魂($119)只會於周六、 周日限量發售。工作人員:「不過,我哋開10:30, D人7點已經嚟排隊啦,打晒蛇餅!」

難怪星期六即時在網上不停見人放金鎮魂,由$300 至 $600 不等,而且還有價有市有成交⋯⋯

SY:「唉! 哥哥嗰盒又唔賣,不死烏我又買咗,凱旋聖劍又真係平出面$3,但我都有⋯⋯」

我:「咁…E個超巨型嘅陀螺勁唔勁呢?」SY: 「阿基里斯囉⋯⋯上個月出, 唔係太勁。」

買不到金色特別版陀螺的SY,帶點失望的對我說:「爸爸,我想去同人Shoot呀!」

我:「哦!好啦⋯⋯咁你玩吓啦⋯⋯」結果, 我一個人行勻整個奧海城,60分鐘後回去, 各位小朋友依然繼續不停「3,2,1, GO Shoot~」(係咪真係咁好玩呀?玩成粒鐘都唔厭?)

爆旋陀螺STEM體驗日

小朋友可免費試玩多款爆旋陀螺,以STEM 知識組裝不同功能的爆旋陀螺進行對戰。
日期: 2018年7月18日至8月31日(逢星期一至五)
時間: 2pm-6pm
地點: 奧海城2期1樓OC STEM Lab

爆旋陀螺Pop-Up-Store

日期: 2018年7月21日至8月31日
時間: 12nn-9pm (平日) / 10:30am-8pm (週末)
地點: 奧海城2期地下北翼中庭
日期 2018年9月1至2日
時間: 10:30am-7pm

地點: 奧海城2期地下主題中庭

大仁生活facebook