小小畫家愛上環保塗鴉餐墊
廣告
唯B一歲半前，帶佢出街食飯都尚算輕鬆，俾玩具佢，同佢傾下偈，一齊食下嘢都可以令佢乖乖坐一小時。但自從佢長大後，普通玩具已經唔能夠令佢坐定定。最近發現咗原來佢好鍾意拎住枝筆畫畫，收到呢個新玩意RAINBOW MAT彩虹創意塗鴉餐墊，即時俾佢試下，睇下係咪可以令佢坐定定一陣先。
用後感分享：性價比高
試用過兩次，唯b的確被張餐墊嘅圖案吸引咗，冇嚷著要落地，或者尖叫，等我同爸爸可以安享晚餐。當然佢仲好細個，唔會識跟住A-Z畫同埋油顏色，只係不停讀A、B、C…..同埋自由發揮畫畫，足以令佢開心一小時了（父母有一小時用餐時間已好滿足喇）。除咗畫墊，唯b間唔中都有畫下自己對手，好彩用濕紙巾抹都幾易抹得甩。總結嚟講，以呢個價錢，係幾抵！先帶大家睇下佢有咩特點：
第一、環保
餐墊可多次循環再用；只要用附上嘅水洗筆喺餐墊上畫畫，畫完之後用少少水一抹餐墊或者直接拎去沖洗，就會乾淨晒！
第二、安全物料
餐墊不含塑化劑等有毒物質，安全無毒，小朋友可以放心使用
第三、食玩兩用
餐墊底面是圖畫，可以讓小朋友發揮創意；而餐墊表面是….餐墊（哈哈！）可以讓小朋友擺放餐具進食，食污糟咗，只需用水抹一抹就乾淨，而且係防水，唔驚小朋友倒瀉水，弄濕餐墊
第四、餐墊圖案可愛
Rainbow Mat餐墊共有4款，包括大象與長頸鹿、熊貓、太空A至Z及海底探索數字。每款都色彩繽紛，能夠吸引到BB嘅注意之外，更加可以令佢哋邊畫邊學習。
第五、輕便
父母平時帶小朋友出街已經要一袋二袋，呢張餐墊好輕便，摺埋就可以放入袋
