中一

喇沙前副校長:用例子教你填中一「統一派位」甲乙部

教育

廣告

這一兩個星期,十分多家長給我短訊,或上我趙sir之友facebook,問我升中策略,其中一位親身帶資料要我教他填統一派位表格。以下為我們的討論:

撰文:趙榮德|圖片:新傳媒資料室

趙為本人 、家為家長

進取或是保守?看哪些校區中學有加班

家:趙sir,今年替兒子選校,應保守些還是進取些?
趙:今年約有五萬零三百名學童參加中學派位,較去年增加三千一百人,競爭大咗。
家:我個仔成績唔錯,想入英中,是否比較困難?
趙:咁又未必,睇吓佢住那一區,因為新學年北區之多所中學加班,東區及黃大仙區隔年加班,都會增加英中(全開英文班)學額,所以如果你住喺*北區、九龍城區、觀塘區、元朗區、大埔區、東區,灣仔區及沙田區,今年填表便可以進取一些,這是今年出現的特別現象,住西貢、屯門、葵青、南區、荃灣,便宜保守啲了!

*附上:「全開英文班中學學額競爭」表格
升中

今年約有五萬一千多名學童參加中學派位,較去年競爭更大。

了解子女組別(Banding)

家:我點樣知道個仔嘅組別(Banding)呢?
趙:你問得好,最清楚知道你個仔嘅組別嘅係佢學校嘅班主任,其次是其他老師及校長。尤其嘅班主任,例如你嘅仔喺佢果班前10名,佢一參照番舊年前10名的學生係乜組別,便估到你個仔大概係Band幾了。
家:咁,我又點樣知道學校的組別呢?
趙:嚴格來講,香港嘅中學係冇組別嘅,不過,自從1998年教育局將香港中學分作英中同中中,家長就將所有英中叫做Band 1(第一組別);而中中叫做Band2或以下了。2009年的語言微調,政府又將𠴱114間英中略作調整,不過全開英文班的中學,始終是「天之驕子」,家長至愛。

家:好,我大約知道個仔的組別同中學的組別,我應該點樣填統一派位甲乙部?
趙:甲部有3個選擇,我主張你替兒子選佢果區,佢個組別最心儀果間放在第一位,如其他區冇最心儀中學便留空。
家:我住九龍城區,最心儀喇沙書院(喇沙),其他區冇最心儀了,係唔係只填喇沙,留空二、三格。
趙:係!然後參考教育局網上「中學一覽表」各校之非保留學額,定填表策略:例如你兒子是Band1中的,「進取」的乙部一、二,三選擇填法為Band1頭、Band1 中及Band1中;「穩陣」的填法為Band1 中、Band1 中及 Band1 尾,「保守」的填法為Band1 中、Band1 尾及Band2 頭。

中一
喇沙書院

甲乙部填表例子

家:可否用九龍城區作舉例?
趙:可以。甲部全都選喇沙。
乙部進取型:1)喇沙,2)銀禧,3)黃笏南
保守型:1)銀禧,2)黃笏南,3)丘佐榮
保守型:1)銀禧,2)丘佐榮,3)何文田官中
我選銀禧、黃笏南因為兩校「非保留學額」分別有83,90個咁多,而且成績好,聲譽隆。
家:何文田官中不是英中,點解選呢間?
趙:「何官」是中中表表者,前港大校長徐立之都係於何官畢業,唔可以睇少也!
家:明白。多謝趙sir指點迷津,令我如釋重負!
升中

 

趙榮德

喇沙前副校長:用例子教你填中一「統一派位」甲乙部

前喇沙書院副校長,曾任社工註冊部紀律委員會會員,香港輔導教師協會榮譽顧問。曾任教育局家庭與學校事宜委員會副主席,熟識香港教育及香港升學制度,同時為香港大學專業進修學院之客席講師,亦為升學指南作家,現有著作多達廿二本。