名直資小學面試逾千人 突圍而出靠3大錦囊

名直資小學面試逾千人 突圍而出靠3大錦囊

九月,是很多著名直資小學公開招生的月份。有家長走來問我,子女和家長參加面試有何錦囊,我説有三個,以下為家長和我討論的內容,有興趣送子女讀直資小學的家長,宜細心閱讀:
撰文:趙榮德|圖片來源:新傳媒資料庫、Shutterstock|編輯:Don

考名直資小學3大錦囊

「趙」為本人 |「家」為替子女準備而試的家長
家:趙Sir,遲些我會替兒子報讀直資,想趙Sir指點迷津,給我和兒子一些考直資面試貼士
趙:冇問題,以下給你3個錦囊,第一個是給單獨考面試的學生的。
家:你意思是有些面試是單獨考的,有些是小組考的?
趙:對,名直資因為參加人數千千聲,多到你唔信。學校為了要把程度低的、不符合該校文化水平的考生篩去,往往出一兩題超難答的題目。

直資小學
不少名直資小學報名人數多達數千人,因此會採用小組形式面試。

家:何謂超難答的題目?可否舉例?
趙:可以,例如這一題:「枱上有100粒波子,要考生把波子分4堆,問每堆有幾多粒」

你會答:「不難,每堆有25粒。」家長讀過「加減乘除」四則數,當然話不但,但K3小朋友未讀過,便唔識答了。俾另一條你試:「枱上有10粒包有糖紙的糖,如果每兩張糖紙可以換一粒糖,請問你最多可以換幾多粒糖?」
家:這一條很難喎,答案係唔係17粒?
趙:唔係,試唔試多次?
家:試多次,18粒!
趙:錯,仲試唔試?
家:試,19粒!
趙:答啱了,答呢種超難的題目,考生要不停咁試,試到成找,所以第1個錦囊是:「永不放棄!」就算其他人全部舉手投降,你也要勇戰到底!

家:明白

直資小學
面對「超難」題目,最重要是永不放棄。

小組面試要有風度

趙:好,有些面試是用小組形式考嘅,你估下要用乜嘢態度應試?
家:用盡方法來贏。
趙:如果小組形式來玩遊戲,一定要守規矩,不守規矩就算贏都被罰。有一個家長講俾我聽,佢個仔去將軍澳某名直資考小學,係單對單部份,個仔表現一流,但喺小組四人捉「鬥獸棋」果陣時,佢地果邊行錯咗一步棋,要回棋,對方不肯,四個人吵鬧起來。結果,四個人都被foul出局。所以,第二個錦囊是:「玩遊戲,要有風度,不吵鬧,不勞嘈,否則連學位都冇!」

直資小學
小組面試時,家長要提醒子女要有禮貌和風度。

家長問答影響取錄

家:明白,好啦。輪到家長,我哋要留意啲乜呢?
趙:其實家長面試,會計在總成績內,所以家長答得好與壞,直接影響子女是否被取錄。一般名小學,多會問家長這條問題:「如果你子女被取錄,你哋會否幫學校做義工?」
家:梗係會啦,如果唔係個仔一定入唔至到。

直資小學
不少直資小學的面試環節都包括家長問答環節。

趙:正確,不過最好加一句「如果有時間又力有所及,我一定會做!」千祈唔好勉強。因為試過有個醫生,個仔入咗間名直資,校長暑假就叫果個應承咗嘅醫生隨交流團,去美國做咗兩個禮拜嘅「隨團醫生」了。所以,如果家長喺專業人士,校長問你以上題目,記得加多句「如果」來保護自己!

活學活用以上三個錦囊,考名直資小學,雖不中不遠矣!
趙榮德

前喇沙書院副校長,現任社工註冊部紀律委員會會員,香港輔導教師協會榮譽顧問。曾任教育局家庭與學校事宜委員會副主席,熟識香港教育及香港升學制度,同時為香港大學專業進修學院之客席講師,亦為升學指南作家,現有著作多達廿二本。

直資小學

更多精選內容