緊張媽媽日打3粒鐘電話搵阿仔 寄宿家庭訂1規矩助獨立
緊張媽媽設法搵仔 失聯即擔心
「Kiki，我搵唔到個仔，你有冇辨法搵到佢呀？」Vincent 媽媽心急如焚。
Vincent 在升中五那年暑假去了美國當交換生。以我對他的認識，他是一個細心和有責任心的男孩，而他在香港的中學亦曾擔任風紀一職，照理來說，他應該不會無緣無故失聯。因此，我對Vincent 媽媽的焦慮感到很疑惑。
「X太，你唔好慌住先，係咪發生咗咩事？」我問。
「佢已經兩日無覆我電話啦，send message 俾佢又唔覆，我驚佢係咪出咗事！你快啲幫我搵佢啦！」
緊張媽媽、爸爸與兒子失聯 「突襲」寄宿家庭
作為父母，我很明白一旦聯繫不到遠在外國的子女會感到擔憂，我也接觸過不少像Vincent 媽媽的家長。記得幾年前美國發生加州郊區山火，而其中一位交流生碰巧在該州份上學。那位學生遲了一天回覆爸媽的訊息，他的媽媽生怕兒子有危險，於是在沒有知會我們的情況下，便立即買機票到美國，更「突襲」兒子的寄宿家庭，最後發現虛驚一場，結果令到兒子和寄宿家庭十分尷尬。
「可能佢有嘢忙緊呢，你對上個次同Vincent 傾電話個時，佢有冇特別提到咩嘢？」我問。
「冇呀，佢都係講返返學發生咗咩事⋯⋯呀！我記得啦，佢好似話想參加學校嘅攀石活動！唔通佢有咩事？ 係咪有咩意外所以覆唔到我？你快啲幫我搵佢啦！」
寄宿家庭1事激怒媽媽
由於美國交流生一般會住在嚴選出來的當地寄宿家庭裡。而我們替學生做寄宿家庭配對時，雙方家庭會交換聯絡資料，以便在緊急情況下聯絡。若Vincent 媽媽感到事態嚴重，何不直接聯絡Vincent 的寄宿家庭？
「你有冇嘗試聯絡美國個邊嘅寄宿家庭？」我問。
想不到，我將聽到一個令我為之震驚的答案。
「你話 Mr.XX？唔好再提佢啦，提起佢我一肚火！」Vincent媽媽用力拍在桌上，發出「啪」的一聲。
「上個禮拜我又搵唔到Vincent，於是我打俾Mr.XX。佢竟然叫我唔好搵得Vincent 咁密，咁樣好影響佢生活喎。我聽到佢咁講咪址火囉！」她的音量愈來愈大，也愈來愈激動。
「我話有乜理由唔俾阿媽搵個仔嫁？呢個係咩道理？阿媽擔心個仔有錯咩？憑咩唔俾我搵我個仔！」
緊張媽媽經常聯絡寄宿家庭 因兒子少了聯繫
原來Vincent 媽媽不止一次致電Mr. XX。起初，寄宿家庭也很體諒Vincent，一個來自香港的學生離開父母，遠赴美國就學，想必不習慣。所以，即使Vincent跟媽媽每天談三、四小時電話，他們也沒有干涉。
可是，隨著日子一天一天過去，Vincent 逐漸適應學校的校園生活，也慢慢跟寄宿家庭裡的成員建立關係。Vincent 回覆媽媽信息的次數和通電話的時間也相對地減少。Vincent 媽媽見狀便開始感到不安，找不到兒子時更會三不五時致電寄宿家庭的爸媽，務求即時掌握兒子的「最新動態」。
寄宿家庭設家規限制通話
每個家庭也有自己的家規，寄宿家庭也不例外。他們便跟Vincent 約定只可跟他媽媽定期通話，這也是令Vincent 媽媽「連珠發炮」的導火線。
為什麼寄宿家庭會訂下這條家規？Vincent 媽媽與他們之間是否發生過更嚴重的事情？更重要的是，夾在兩者中間的 Vincent 能否在寄宿家庭順利渡過美國交流生這一年？請看下回分解。
16歲到美國留學，於美國攻讀六年，畢業南加洲大學（Universtiy of Southern California）Marshall商學院創業系，以親身經歷為海外升學領航。過往八年間協助超過百位香港同學融入美國、升讀大學，為留美同學於當地取得當地工作，並入職500強企業。正職為升學顧問，開辦美華文化升學，副業與新朋舊友把貓談心，與家長同學論盡美國一二事。
