蔡少芬

蔡少芬親子模式啟動 帶囡囡去樂園過聖誕

育兒

廣告

蔡少芬(Ada)於2008年同張晉結婚,與張晉育有兩女,一家四口幸福滿滿。臨近聖誕佳節,Ada又會點同屋企人過呢?原來佢哋去咗小朋友最愛嘅主題樂園!Ada同老公張晉仲話已經啟動咗親子模式,準備同囡囡一齊迎接聖誕啦!

撰文:Sunday Kiss
相片:蔡少芬@微博

蔡少芬親子模式啟動

蔡少芬同老公張晉育有兩個分別6歲同4歲嘅囡囡,一家四口一直樂也融融。Ada亦開始「甩身」復出幕前,早前就喺電視熒幕見到佢飾演《老表,畢業喇!》入面嘅Mon姐,又有晚上翻播嘅《壹號皇庭》,相信觀眾都好期待Ada多啲留港拍劇!拋開演員身份,身為兩個囡囡嘅媽媽,Ada都想做足100分!早前,佢就喺微博分享家庭照,原來佢哋一家人去咗主題樂園歡渡聖誕!

Ada仲同兩個囡囡著咗母女裝,加上搞鬼表情,好有愛呀!

Ada話聖誕假期開始,佢同老公都一齊啟動咗父母親子模式,相信係要襯住兩個囡囡放聖誕假,好好陪佢哋大玩特玩!

佢哋仲入住埋樂園酒店,盡興玩一翻!

張晉同囡囡一齊整古做怪,唔知係咪一齊扮緊獨角獸?

初次懷孕不幸小產

蔡少芬是公認的好媽媽,為女兒慳出9個物業、提供優質教育、捱病也絕不sick leave。原來這兩名女兒也是得來不易的。第一次懷孕已嘗過不幸小產之痛,到懷有包子時,胎盤更出現裂痕,卻令Ada學會了抓緊幸福和珍惜眼前人:「記得胎盤出現裂痕嗰次經歷,個時已懷孕兩個月。我正要飛往台灣,就嚟登機已流血,真喺好驚慌,但又無能為力。……最後驗出胎盤有少許裂痕,胎兒仍健健康康,仲喺活躍嘅跳動,嗰刻感動到喊了出來!」經歷過生死,令Ada更珍惜同女兒相處嘅時間,送她們上學、與她們一起聊天唱歌,對她而言已十分滿足。

 

慳家節儉好媽媽

Ada連在香港持有的商廈,在北京四環和張晉家鄉合共4個單位,粗略估計Ada在中、港兩地手持的物業起碼9個,市值接近一億港元,大可做少奶奶。可是平日Ada的日常生活非常慳儉,從不買名牌衫褲鞋袋,平日都是穿贊助品牌衣物。為了工作經常中港兩邊飛,做到無停手也在所不惜。

為女兒提供最優質教育

蔡少芬自己雖然勤勞又慳儉,不過對兩位女兒的教育就絕不會慳,她為兩女報讀學費高昂的名牌幼稚園,就是看中學校師資優良,兼中小學一條龍。另外大女楚兒想學溜冰、鋼琴等, 蔡少芬 都一一允許,而購入凱旋門更是為方便楚兒去圓方上溜冰堂,為免囡囡坐長途車、舟車勞頓之苦!

照顧女兒不假手於人

Ada坦言一直很喜歡小朋友,十歲已充當「媽媽」角色,照顧初生的表妹。因此現在除了於工作時要交託姨姨照顧,平時也堅持包辦兩女的衣食住行:「難得上天賜我兩個寶貝,好想為佢地打點一切,見證兩女嘅成長,唔會輕易假手於人。」同時又兼顧兩女學業及起居飲食,經常粗勞過度,為女兒捱到病,但仍死撐繼續開工,不但表現出專業演員的應有條件,更為女兒立下了好榜樣。女兒長大後一定要好好孝順媽媽呢!