鄺文珣囡囡兩個月大 倒模媽媽超深雙眼皮
廣告
鄺文珣（May）三度懷孕誕下囡囡小麵粉Chesney！日前，小麵粉兩個月大啦！阿May上傳咗一段囡囡嘅影片，片中小麵粉不斷奸笑，十分可愛！雖然只有兩個月人仔，但小麵粉擁有一對大眼睛，仲遺傳咗媽媽嘅超深雙眼皮，一對電眼瘋狂向鏡頭放電，迷死人啦！
撰文：Sunday Kiss
圖片：Lucia May 鄺文珣@Facebook
鄺文珣囡囡兩個月大
為咗慶祝囡囡兩個月大嘅大日子，阿May罕有上傳囡囡嘅影片。片中見小麵粉睡眼惺忪，一副剛剛睡醒嘅樣子。人如其名，小麵粉的確好似一個粉團一樣白雪雪，十分粉嫩！片段中小麵粉不少嘴角上揚，俾媽媽話佢「奸笑」，表情多多，大個女係咪想學媽媽入娛樂圈發展？
阿May宜家都十分享受做「湊女婆」嘅時光，不時帶埋囡囡去公園散步，同陽光玩遊戲！
鄺文珣囡囡 小麵粉10磅重
鄺文珣一向出名童顏凍齡，雖然已經係三個小朋友嘅媽媽，但不論外貌或是身材都保養得宜，唔講都唔知原來已經42歲！日前阿May就喺Facebook分享同囡囡小麵粉嘅合照，見佢已經完全消腫，容光煥發，完全唔似啱啱生完BB！佢仲話自己都唔敢相信睇落細細粒嘅小麵粉已經10磅重啦！
陪囝囝去運動會
唔好睇阿May容光煥發，其實佢話呢排都冇充足睡眠。不過佢都十分重視兩個囝囝，佢話因為實在太耐冇同佢哋出去玩，所以無論幾攰都抽時間去佢哋嘅運動會，親身到場支持囝囝，享受家庭樂，絕對無偏心！
