陳豪出動三兄妹 提早佈置聖誕樹
廣告
未到十二月，四周圍已經洋溢住濃厚嘅聖誕氣氛！當中最應節嘅當然係一棵聖誕樹！陳豪早前就率先搵埋佢三個囝囝囡囡，一齊為屋企嘅聖誕樹粉飾一番，迎接聖誕老人嘅聖誕禮物！
撰文：Sunday Kiss
圖片：moses_chan_@instagram
提早佈置聖誕樹
又到聖誕！你為屋企裝飾咗未？陳豪日前喺Instagram分享照片，見到佢嘅三個小朋友一齊為屋企嘅聖誕樹大收造，製成品仲好靚𠻹！Moses話聖誕節係小朋友最開心嘅日子，所以佢哋都急不及待要提早為聖誕節樹「扮靚靚」！見小朋友拎住聖誕樹裝飾研究，好認真喎！
聖誕樹就準備好啦，好似差咁啲嘢？就係聖誕禮物啦！Moses留言話：「不過最期待還是滿滿的聖誕禮物」，各位識做啦！
陳豪 陳茵媺 享受二人世界
陳豪日前喺Instagram大晒同茵媺嘅甜蜜合照！茵媺雙手搭喺Moses膊頭，小鳥依人仲大晒婚戒，有如一對新婚夫婦！Moses話噚晚難得抽到時間同老婆拍吓拖，去咗行街、睇戲、食飯，享受二人世界。
難得兩個人去拍拖，當然要爭取機會影多幾張合照！除咗大晒拖手相，Moses仲分享佢同茵媺撐枱腳時嘅合照，見到佢哋食緊飯都要拖住手，相信呢對模範夫妻仲好似熱戀期一樣咁甜蜜！
