嚴選8款防蚊、 防蠓 產品

嚴選8款防蚊、 防蠓 產品

防蚊措施同防蚊產品大家都應該好熟悉,咁 防蠓 又如何呢?除了現成購買產品之外,其實仲可以DIY!先介紹8款防蚊、 防蠓 產品,再教大家DIY預防產品。

防蠓 ? 其實蠓是什麼?

其實蠓類昆蟲有好多種,有些是專門白晝出動吸血,有些就是專門晚間出動。不過大部份都易於在潮濕環境下生長,所以早前香港長期濕度高下,滋生不少蠓在社區。而蠓和蚊相似的地方,除了大家都是吸血為生之外,同樣都可以透過吸血傳播病菌,所以除了防蚊、都要防蠓。

3款防蚊、 防蠓 產品
衛生署網站資料顯示,避蚊胺(DEET)係可以有效防蚊嘅成份。不同產品中嘅DEET濃度可能有所不同,但都建議避免使用過高濃度。市面上有好多種蚊怕水,但可以防蠓嘅又並非好多,購買驅蚊產品時要留意有冇注明驅蠓嘅功效。而我哋發現3M Ultrathon驅蚊膏、歐護防蚊液、尚護健驅蚊貼均清晰標明可以防蠓。

off_dryvii_hero_2x-e1463560040938

8810729177118

bg4-e1463559984938

下頁:防蚊產品

無避蚊胺(DEET)!3款天然防蚊產品
過高濃度嘅DEET可能會對人體健康有影響,亦唔適合孕婦發嬰兒。所以,市面上亦有一啲由天然植物所製成嘅防蚊產品,不含DEET。但相信有唔少人最在意嘅未必係防蚊產品嘅成份,而係嗰陣難聞又攻鼻嘅氣味。皆因通常防蚊產品都含有香茅油,所以如果全靠天然植物嘅味道驅蚊,要做到完全無味就比較難喇。

珮氏驅蚊產品、莫釘我驅蚊產品等都不含DEET,呢類產品以紅茄、蜂蠟等比較無咁攻鼻難聞嘅原材料,好適合小朋友或者頂唔順大氣味嘅人。

family-shot-2009

p01

8798111596574

2款清爽防蚊之選
夏日炎炎,好容易就會流哂汗。為免大汗到沖走蚊怕水,可以以其他產品代替蚊怕水,為人所熟悉嘅有防蚊貼、驅蚊帶。而鮮為人知嘅其實仲有防蚊濕紙巾,可以用嚟抹汗之餘,餘仲有防蚊作用。好處就係可以避免弄污衣物,整潔清爽。

img_0710-1-copy-765x1024

wipe_large

下頁:自製驅蚊中藥包

天然防蚊法!自製驅蚊中藥包

whatsapp-e1463560682528

1. 驅蚊中藥包

WhatsApp瘋傳防蚊中藥包,聲稱放喺室內可以防蚊防蠓,助你免受蚊蟲騷擾,一覺瞓天光!將8款藥材混合均勻裝於布包,即成驅蚊中藥包。有指藥材嘅氣味有助驅趕蚊蠓,而且成分天然。不過唔係每個人都啱用中藥驅蚊,如果本身有鼻敏感或者呼吸道疾病,就要事先問清楚中醫喇。

中藥防蚊包使用的中藥材包括:
丁香、艾葉、白芷、蘇葉、薄荷、石菖蒲、藿香及金銀花

2. 香茅油
雖然生產商都表明驅蚊產品內嘅DEET含量符合安全標準,但化學物品始終有可能損害人體健康。如果想完全取代化學物品,不妨利用天然植物或者精油。香茅因有檸檬香氣,故又被稱為檸檬草,有人覺得陣味攻鼻亦有人覺得氣味清新。鍾意香茅氣味的話,可利用香茅驅蚊,亦可以利用精油。不過,由於天然的精華油較易揮發,所以隔一段時間,當氣味變淡後就要重複噴灑。此外,蚊蟲都好討厭大蒜、大豆油、黑胡椒、薰衣草油、尤加利樹葉、薄荷葉,大家不防自己DIY自製蚊怕水。

orange-peel

3. 橙皮驅蚊包
橙皮嘅香味令人提神同舒暢,但卻係蚊最討厭嘅氣味。將橙皮切絲曬乾,包喺布袋內,即成天然驅蚊包。將佢掛在門邊或窗旁,便可達到驅趕蚊蟲之效。另外,亦可以將曬乾後嘅橙皮放喺鋁罐內點燃,都能夠驅趕蚊蟲,既方便又環保,不過要記得在安全情況下才燃點吧!

 

來源:新假期

你又點睇?

更多精選內容