【美白產品】日本雜誌測試最新美白美容液| FANCL抵買又好用!

【美白產品】美白係一場持久戰,要每日keep住用,先可以慢慢睇到效果。既然係咁費時嘅過程,萬一到最後先發現原來件產品冇用,咁咪又嘥錢又嘥時間?!先睇睇日本雜誌《LDK》所做嘅美白產品效用測試,選購有效嘅產品嚟打呢場美白仗啦!

撰文:[email protected]新假期|圖片來源:《LDK》、相關機構

測試方法

Check 1:肌膚改善效果

測試仲未浮上表層嘅「紫外線色斑」,同肌膚嘅「肌理」數值,計算出使用前後嘅變化率。兩邊都係數值愈低嘅,代表愈有預防色斑嘅美白效果。

Check 2:成分評價

檢查美白美容液中,所含有嘅預防色斑成分、提高透明感嘅成分、具有消炎效果嘅成分等等,分別測試各成分嘅有效性及是否有刺激性。

※由於「乙醇」係調配美白配合成分時所必須用到嘅,因此,今次測試將會省去關於「乙醇」嘅評價。但由於因「乙醇」引起嘅過敏個案都唔少,所以喺成分表中,將會以△標記起。

測試結果

第14位:episteme White Photo Shot【評級:E】

售價:9,720円|容量:30ml

色斑改善度:✭✩✩✩✩|肌理改善度:✭✩✩✩✩|成分:✭✭✭✩✩

由樂敦製藥研究開發,係系列產品中唯一使用麴酸作有效成分嘅產品。雖然係有效嘅高級成分,但因為同時加入咗其他刺激性強嘅成分,所以稍稍降低評價。試用1個月後,未見色斑、肌理有所改善,所以喺咁多款製品中排最尾。

第13位:Minon Amino Moist mild whitening【評級:C】

售價:2,700円|容量:30g

色斑改善度:✭✭✩✩✩|肌理改善度:✭✩✩✩✩|成分:✭✭✭✭✩

喺敏感肌用產品中非常出名嘅Minon,按壓式樽頭方便使用,亦都冇黏膩感。美白成分都係有穩定性,配合消炎成分,可同時令被日曬而泛紅嘅肌膚狀態沉靜下來。但比其他美容液欠缺即效性。

第12位:SK-II GENOPTICS AURA ESSENCE【評級:C】

售價:17,280円|容量:30ml

色斑改善度:✭✭✭✭✩|肌理改善度:✭✩✩✩✩|成分:✭✭✭✩✩

色斑改善效果喺14款產品中排行第4,效果明顯。吸管式樽頭難以使用,容量變少後,完全吸唔出美容液。煙酰胺具有高效美白成分,但其可能帶來嘅刺激亦非常令人在意。而且仲有其他刺激性成分,長期使用,恐會為肌膚帶來壓力。

第11位:HAKU Melano Focus V【評級:C】

售價:10,800円|容量:45g

色斑改善度:✭✭✩✩✩|肌理改善度:✭✭✭✭✩|成分:✭✭✭✩✩

使用感良好,用後完全沒有緊繃感覺。雖然加入咗資生堂特有嘅高效美白成分,但可能為咗防止該美白成分酸化,因此加入咗強效酸化防止劑,令人擔心對肌膚嘅刺激性。測試者中,亦有塗抹後感到刺痛嘅人。

第10位:BENEFIQUE WHITE GENIUS【評級:B】

售價:10,800円|容量:45ml

色斑改善度:✭✭✭✭✩|肌理改善度:✭✩✩✩✩|成分:✭✭✭✭✩

按壓式方便使用,用後感覺清爽。 呢款產品同樣加入咗資生堂自己開發嘅成分,雖然都有加入其他有效美白成分,但同時亦帶有較強刺激性。雖有預防色斑效果,卻無法推薦給敏感肌人士使用。

第9位:Diorsnow Essence Of Light【評級:B】

售價:16,740円|容量:30ml

色斑改善度:✭✭✭✭✭|肌理改善度:✭✩✩✩✩|成分:✭✭✭✩✩

美容液有一定黏稠感,有保濕感,滲透性良好。全靠有高級美白成分嘅雪絨花&維他命C成分,預防潛在色斑形成嘅效果非常顯著!但因為設計為吸管式,因而加入咗強效酸化防止劑,產品刺激性令人在意。

第8位:POLA White shot CXS【評級:B】

售價:16,200円|容量:25ml

色斑改善度:✭✩✩✩✩|肌理改善度:✭✭✭✭✭|成分:✭✭✭✩✩

預防色斑效果雖然非常普通,但肌理改善度為top class!呢個成果係來自據說抑制酵素活動係熊果素嘅400倍嘅4-n-丁基間苯二酚。但由於刺激性都算強勁,因此不推薦給敏感肌人士使用。

第7位:TRANSINO Whitening Essence EX【評級:B】

售價:4,860円|容量:30g

色斑改善度:✭✭✩✩✩|肌理改善度:✭✭✭✭✩|成分:✭✭✭✭✩

標榜低刺激成分配合,調配以傳明酸呢種溫和成分為中心。雖然都有加入令肌膚活性化,並提高透明感嘅成分配合,但即效性低,使用1個月後,仍未能有效發揮效果。

第6位:Attenir White Genesis【評級:B】

售價:5,000円|容量:30ml

色斑改善度:✭✭✭✩✩|肌理改善度:✭✭✭✩✩|成分:✭✭✭✭✭

成分配合經過計算,毫無多餘成分,能溫和地調整肌膚紋理,亦加入咗可預防色斑嘅成分。售價較便宜,令人容易堅持便用,成分溫和而且效果安穩,使用1個月後,未見戲劇性變化。

第5位:IPSA White Process Essence OP【評級:B】

售價:6,480円|容量:20ml

色斑改善度:✭✭✭✩✩|肌理改善度:✭✭✭✭✩|成分:✭✭✭✭✩

雖然特許成分4-甲氧基水楊酸鉀鹽,發揮咗比其他美白成分優勝嘅效果,但殺菌效果及軟化肌膚嘅效果亦帶來相當嘅刺激性。除此之外,則含有大量植物性溫和保濕成分,可用作預防肌膚紋理乾燥嘅產品使用。

第4位:FANCL Whitening Essence 【評級:B】

售價:3,240円|容量:18ml

色斑改善度:✭✭✭✭✭|肌理改善度:✭✭✭✩✩|成分:✭✭✭✭✩

價格便宜,成分主要以維他命為主嘅溫和配方。亦加入咗可促進皮膚細胞活性化嘅成分,及改善肌膚暗啞嘅成分。因為冇加入到刺激性強嘅酸化防止劑,因此,即使係敏感肌人士都可以嘗試嘅美白美容液。

第3位:ASTALIFT WHITE Essence Infilt【評級:B】

售價:7,560円|容量:30ml

色斑改善度:✭✭✭✭✩|肌理改善度:✭✭✭✩✩|成分:✭✭✭✭✩

有效成分嘅刺激性低,而且可以喺紫外線量強烈嘅3~4月,有效抑制潛在色斑增加。其他有效成分包括產品名稱由來嘅蝦青素,抗酸化作用同細紋預防效果值得期待。質感輕柔,即使喺夏天都能舒服使用。

第2位:ALBION Infinesse White White Surge Solution【評級:B+】

售價:10,800円|容量:40ml

色斑改善度:✭✭✭✭✩|肌理改善度:✭✭✭✭✭|成分:✭✭✭✩✩

有效成分嘅傳明酸有抗炎症作用,同時可有效抑制黑色素嘅形成。滲透速度快,質感輕盈水潤。除咗美白成分,更加入咗能調整肌膚紋理嘅保濕成分。有測試員表示,使用2星期後,已感覺肌膚暗啞有明顯改善!

第1位:CLARINS White Plus Intensive Bright Serum【評級:A】

售價:11,448円|容量:30ml

色斑改善度:✭✭✭✭✭|肌理改善度:✭✭✭✩✩|成分:✭✭✭✭✭

能抑制黑色素滋生,防止色斑形成,成分配合加入咗能消除令黑色素滋生嘅活性酸素嘅維他命C成分。另外,亦都加入咗具抗酸化作用嘅西印度櫻桃提取物,預計會帶來高效預防色斑效果。其改善效果亦於測試員嘅肌膚上得到證實。雖然肌理改善效果只有平均值,但其他部分都取得高評價!

 

你又點睇?

更多精選內容