去漬除味好EASY!

白色衣物上嘅頑漬好難徹底清除?只要將一個檸檬切片攞去煲水，再將啲白色衣物擺落去浸，浸大15分鐘左右，就會好容易洗乾淨喇!

2) 啲衫有怪味?

有時啲衫曬得唔透，就會出現啲難聞嘅汗酸味，只要加啲白醋落水裡面，浸大約五分鐘，然後將啲衫晾喺通風嘅地方，就好快冇味架喇!

下頁：去筆漬、鼓油漬

3) 筆漬愈捽愈大撻?

揸筆嘅人，成日都會劃到啲衫，最慘係墨水隻隻唔同，有時仲會愈捽愈大撻，其實要洗都唔難嘅!首先將酒精倒落件衫嘅劃痕上，酒精可用濃度要不小於75%嘅醫藥用酒精，要確保每一道劃痕上都要均勻咁沾有酒精，而且儘量唔好接觸到其他嘅衣物，避免其他衣物都被染色。準備大半盆水，再倒兩個樽蓋嘅漂白水落去，攪勻之後再加少少洗衣粉，等到洗衣粉完全溶於水中，就放件衫入去浸20分鐘。浸完，攞件衫去洗，就咩漬都冇架喇!

4) 豉油彈哂上身?

方法一：用水整濕撻豉油漬先，然後再攞執白糖，輕輕咁捽。當見到白糖慢慢變咗豉油色，用水清洗，就可以洗甩啲漬。

方法二：浸濕件衫，喺撻豉油漬上搽梳打粉，10分鐘之後用清水洗淨，啲漬就咁BYE BYE!

方法三：切開啲新鮮蓮藕，再搽啲蓮藕汁喺撻豉油漬度，10分鐘之後同水洗淨，咩漬都冇哂!

(圖片及部分文字摘自網絡)