4大抵食另類放題

4大抵食另類放題

日式放題流行多時,大多以平價取勝,但講到新鮮感,真係無。食到厭嘅話,不如試試最新到港的即席韓式炒年糕放題,低至$54一位,平到笑!還有日式燒肉店$38飲品放題,真係抵到無朋友!另外,茶餐廳和歐陸餐廳放題都好抵,試過未先?

首爾最hit! $54任食即席韓式炒年糕放題

單看字面,好容易會誤會韓式炒年糕放題係齋食炒年糕咁寡,其實係類似火鍋放題先至真!所謂即席韓式炒年糕,是以較稀的醬汁作火鍋湯底,將年糕灼熟,在港人眼中同港式火鍋差不多。年糕係主角,還有其他配料如炸物、蔬菜菇類、韓國拉麵、粉絲,總共有二三十款,全部自取任食,在韓國非常流行,最近由韓國餐廳集團NORAYO帶到香港,暫時先於荃灣 NORAYO The Tteokbokki供應,全港獨家。

IMG_20160106_182810_HDR

IMG_20160106_180246_HDRA-vert
二三十款配料自取任食

食這炒年糕放題要講次序,正宗食法係先揀好醬汁(即湯底)有8款任揀,包括炒年糕汁(辣)、參雞湯汁番茄汁、即食麵湯汁、炸醬汁、咖喱汁、豚肉汁和牛骨汁,可選一款或數款混合,店員就會將醬汁倒入已預先放滿年糕等配料的砂鍋之中,再將蛋中倒進鍋旁的鐵板之中。

IMG_20160106_180356_HDR
不同形狀的年糕
IMG_20160106_180822_HDR-horz
芝士炒飯配料和韓國拉麵
IMG_20160106_180957_HDR
韓式街頭魚糕任食
IMG_20160106_180801_HDR
炸物有雞件、炸芝菜粉絲卷魚蛋和餃子。

下頁有:留肚食自製芝士炒飯

留肚食自製芝士炒飯

等配料熟之際,可以到配料櫃檯自取其他配料,包括不同形狀的年糕、炸物、粉絲、蛋、蔬菜、腸仔、午餐肉、丸子和韓國即食麵等,全部任食。最後記得唔好食得太飽,留番少少醬汁,將韓國飯糰、芝士同栗米放入鍋內,炒成芝士粟米飯再灑上紫菜食,這個芝士炒飯最和味,絕對是全晚的亮點!如果唔識炒飯,亦可請店員代勞。

IMG_20160106_181646_HDR
8款醬汁任揀
IMG_20160106_175810_HDR-horz
一開始,店員就會將醬汁倒入已預先放滿年糕等配料的砂鍋之中,再將蛋中倒進鍋旁的鐵板之中。

放題任食90分鐘,成人優惠價$99(免加一),好抵!即日至1月10日,於餐廳facebook專頁內讚及分享,可享買一送一優惠(須另收加一),即$108/2位,除開只係$54/位,比快餐店一人火鍋更便宜!

AIMG_20160106_191409_HDR-tile
食到尾,留番少少醬汁,將韓國飯糰、芝士同栗米放入鍋內,炒成芝士粟米飯再灑上紫菜食。
IMG_20160106_191855_HDR
這個芝士炒飯最和味,絕對是全晚的亮點!
IMG_20160106_192844_HDR
汽水$10/3罐

IMG_20160106_193022_HDR

NORAYO The Tteokbokki
地址:荃灣眾安街55號大鴻輝中心18樓
電話:2408 1068
放題時間:首輪6pm-7:30pm、次輪8pm-9:30pm、尾輪10pm-11:30pm
價錢:成人$99、小童$69(3-7歲以下),免加一
備註:即日至1月10日,於NORAYO facebook專頁內讚及分享,可享買一送一優惠(須另收加一)﹐即$108/2位

下頁有:$128懷舊冰室90分鐘放題

$128懷舊冰室90分鐘放題

有人認為想慳錢先去冰室、茶餐廳,偏偏就有冰室推出任食放題,在中環新開不久的香江冰室,上月開始推出90分鐘任食任飲放題,成人每位$128,就可以任點餐牌上30多款中西式美食,包括經典的焗豬扒飯、雞脾撈丁、海南咖喱、海南雞飯、瑞士汁雞中翼和清湯腩等,款式和分量都同平日單點差不多。還有一般茶餐廳未必有的茶樓點心,如水晶蝦餃和蟹籽乾蒸燒賣等,全部即點即蒸熱辣辣。

Photo 1-12-2015, 9 29 02 PM
雞髀頭抽撈丁(原價 $60)
海南雞飯(原價 $78)
海南雞飯(原價 $78)
Photo 1-12-2015, 9 30 38 PM
特色芝士焗豬扒飯(原價$72)
傳統即蒸盅飯
傳統即蒸盅飯(原價$68-$78)都係任食,包括榮華腊腸雞、土魷肉餅、鳳爪排骨

下頁有:其他任點美食

推介必食大廚雜扒,鐵板上有齊牛扒雞扒和香腸,平日單點$138,一客已經回本。不過,要注意任食有規矩,每位客人每次下單限點3個菜式,食完可再點過。此外,還有11款飲品任飲,奶茶、咖啡、檸茶之外,單點賣二三十元的凍檸檳和菠蘿冰,甚至啤酒都有,所有飲品可以任點,只怕你嫌90分鐘唔夠喉。

蟹籽干蒸燒賣(原價$29)
蟹籽干蒸燒賣(原價$29)
招牌水晶蝦餃(原價$35)
招牌水晶蝦餃(原價$35)
黃金流沙包(原價$29)
黃金流沙包(原價$29)
冰室懷舊鴛鴦(原價$19)、凍檸茶(原價$19)
冰室懷舊鴛鴦(原價$19)、凍檸茶(原價$19)

interior_3

香江冰室
地址:中環荷李活道15號地下
電話:2806 0220
放題時間:首輪6pm-7:30pm、次輪7:45pm-9:15pm、尾輪9:30pm-11pm
價錢:成人$128、小童$68(8歲以下)

下頁有:燒肉店$38飲品放題

燒肉店$38飲品放題

最近專賣燒肉的牛角,每晚宵夜時段9pm推出飲品放題。呢個飲品放題係名副其實的All You Can Drink,總共有38款飲品任點任飲,分$58酒精和$38非酒精兩類。16款酒精飲品包括巨峰或白桃燒酎活乳酸梳打、Asahi生啤、柚子酒、熊野山里梅酒、沖繩菠蘿酒、燒酎和清酒等任飲。要知道平時一杯啤酒$40多元,一杯燒酎$60多元,唔使計都知抵啦!

「牛角」夜食限定

至於非酒精飲品,更多達22款選擇,特色飲品如巨峰或白桃燒酎活乳酸梳打、梅子青檸梳打、牛角特飲、牛角晨曦。選擇超多,又比brunch的free flow只得一款或數款勝一籌。飲品放題於全線分店供應。

巨峰活乳酸梳打、牛角特飲、牛角晨曦、熱柚子蜜、薑味汽水和橙汁。非酒精飲品多達22款選擇。
巨峰活乳酸梳打、牛角特飲、牛角晨曦、熱柚子蜜、薑味汽水和橙汁。非酒精飲品多達22款選擇。
白桃燒酎活乳酸梳打-horz
16款酒精飲品任飲。

係咪好抵?不過有條件,就係要先點吃任何一款「大皿燒肉」拼盤(價錢由$248-$678),就可以加配90分鐘飲品放題。即是分別可以選擇另加$58(位)任飲酒精飲品,或另加$38(位)任飲非酒精飲品,限時90分鐘。如果兩個人去,點一客$248拼盤,再加兩客$38非酒精飲品放題,連加一埋單都係每位$180有找。

Late Dinner_Set A
大皿燒肉A$248/2人用:包括上級牛肋肉、牛舌、肩脊肉、豚肉燒和雞翼7種。
Late Dinner_Set C
大皿燒肉C$478/4人用:共有7種燒肉,包括上級牛肋肉、網燒一口牛、骨付牛肋肉、雞腿肉牛舌、肩脊肉和豬頸肉。

牛角日本燒肉專門店
地址:旺角瓊華中心6樓全層
電話:21521822
飲品放題時間:每晚9pm後,點一個大皿燒肉,可加$58任飲酒精飲品,或加$38任飲非酒精飲品,限時90分鐘。全線分店供應。

下頁有:$388龍蝦鮑魚歐陸晚餐放題

$388龍蝦鮑魚歐陸晚餐放題

$388食一個日式放題抵唔抵?好視乎餐廳出品質素,但如果用$388食一個酒店歐陸晚餐放題,唔使問都知抵!皆因一道主菜單點至少百多二百元一客,有數得計!1月16日起,帝都酒店的歐陸餐廳City Art Restaurant將會推出全新歐陸任點任食晚餐「龍蝦鮑魚盛宴」,平日低至$388一位,共有23款菜式任點任食,分為意式pasta和燴飯、主菜、扒類和小食4類,全部即製,不過份量只係tasting size,所以不限點菜份量,甚至可以一次過試勻所有菜式。

3
龍蝦鮑魚意大利飯
1
意式鮑魚海鮮雜燴

盛宴主題是龍蝦和鮑魚,落重本採用美國波士頓龍蝦和大大隻的九孔鮑魚,製成龍蝦鮑魚意大利飯、意式鮑魚海鮮雜燴、慢煮鮑魚、龍蝦蟹肉雲吞、龍蝦蟹餅等歐陸 風味海鮮菜式。此外還有松露珍寶帶子,香草烤澳洲羊架、燒黑椒乳鴿等矜貴菜式。扒類2款,分別是經典的香煎牛柳拼帶子和澳洲和牛肉眼扒。

2
慢煮鮑魚配美醂蒜蓉豉油汁
4
澳洲和牛肉眼扒配紅酒汁

下頁有:生蠔、松葉蟹腳和甜品任食

生蠔、松葉蟹腳和甜品任食

任食歐陸菜式之外,同場更設有冰鎮海鮮和甜品櫃位,即開生蠔、翡翠螺和松葉蟹腳,還有多款甜品都係自取任食。收費亦靈活,分2種:全時段(任食4小時)及優惠時段(任食2小時),星期日至四全時段$578、優惠時段$388起,雖然話食西餐要慢慢歎,但係食2小時都夠!更划算。

香煎牛柳拼帶子
香煎牛柳拼帶子
燒黑椒乳鴿配黑莓汁
燒黑椒乳鴿配黑莓汁
即開生蠔任食
即開生蠔任食
多款甜品自取任食
多款甜品自取任食

City Art Restaurant
地址︰沙田白鶴汀街8號帝都酒店2樓
電話︰2694 3968
放題供應時間:1月16日起至3月31日,全時段6pm-10pm、第一優惠時段6pm-8pm、第二優惠時段8:15pm-10:15pm
價錢:星期日至四,全時段$578、第一優惠時段$388、第二優惠時段$398
星期五六、假期及前夕,全時段$608、第一優惠時段$428、第二優惠時段$438

撰文:Fiona Chan
相片:Fiona Chan及有關機構提供。香江冰室部份相片轉載自EAT hard PLAY hard

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容