打邊爐~當然不夠特別, 今次街市打邊爐, 最特別就是可以自己街市即刻買, 立即坐低即刻食.
我:「最最最特別, 就係可以超值價自己撈蜆, 夾蔬菜, 任裝水果, 同夾丸, 因為今個12月叫做火爐節呀!」
首先SY好開心走了去$5撈蜆, SY:「我用手得唔得呀? 」(梗係要用人哋畀嘅剷仔啦)
$5十秒夾丸, SY:「支筷子咁大支, 媽媽, 不如你幫我啦」
結果, 阿太好犀利, 讓賽只夾了值7元的6粒魚蛋, 阿太:「我都唔知開始咗, 我以為佢會數1,2,3」(你不如學黃太話齋: 你嗰嘢壞咗啦)
不服輸的阿太跟我說:「我去鉗菜啦, $3鉗一大舊畀你啦…(你得唔得呀?)」
結果, 經過一次夾丸失敗之後的阿太, 真的有如「若脫籠之鵠」, 她竟然可以一手鉗起了大大堆的蔬菜.
主持說:「嘩! 媽媽級攞著數果然唔會走寶吖! 有1斤6錢呀!」, 阿太:「Yeah! 我都話架啦, 等你仲睇小我」
SY:「爸爸! 媽媽…我好肚餓啦, 可以去打得邊爐未呀?」我:「OK…GO!GO!GO」
當我們正式打邊爐, 店裡提供三款配料的選擇, 分別是鮮蝦鍋$78; 沙巴鍋$88; 鮮蟹鍋$88
我:「點解有一舊豬潤係個湯底到嘅?」, 店員說:「我哋E度好出名豬潤吖麻」
SY:「爸爸, 我好肚餓, 我放晒D嘢落去先啦…」蝦, 蟹, 菇, 麵, 肥牛…全部也被小朋友充滿了整個湯底.
我對店員說:「追加一碟豬潤幾錢? ( 店員:$10), 畀一碟我」
足料的海鮮鍋, 湯面已經泛起蟹膏, 單單由飄上來的水蒸氣, 已經聞得豐富的蝦膏蟹漿的香味.
我一口咬住了豬潤, 超滿足的說:「嘩! 真係好食過維記喎…好爽, 唔韌又唔脹, 最離譜係沾滿蟹膏香味, 無得彈」
SY:「我D肥牛, 同公仔麵都係全部蟹膏味喎」, 我:「咁就係抵! 正嘢!」
PS：12月12日於M.C. BOX寶達市場使用支付寶付款，可以$1換購 ~ 阿拉斯加長腳蟹 (15份), 鹿兒島和牛(20份), 日本士多啤梨(20份).
SY手持的長腳蟹原價值$1200, 如果星期二你夠快手….頭15人只用$1就買到….嘩! 嘩! 嘩! (究竟要早幾多粒鐘嚟排隊, 先有超抵長腳蟹食呢?)
相關網誌:【新開小食街】必食餃子+ 香蕉煎餅 @ 寶達街市掃街
「香港街市」火鍋節
日期：由12月8至 12月31日
$5撈蜆
$3夾蔬菜
$10任裝水果
$5夾丸
正一麵
地址： 觀塘寶達商場2號地下 M.C BOX 9 – 11 號舖
時間：每晚六時後推出三款一人海鮮鍋
日期：供應至2018年 2 月 (顧客可隨時在街市「加料」海鮮，加工包料$30/斤)
大仁生活facebook
