我最愛玩具, 2年半前偶然走到嚤囉街, 認識了
幸福玩具店的輝哥, 小小的玩具店, 內裡卻是一個大大的寶庫.
上星期煇哥找我說:「嚟緊聖誕節, 我哋諗住搞一個親子懷舊童車活動, 阿仁你有冇興趣過來玩玩」
玩具加懷舊, 一聽見已經想飛身撲去玩啦….今次輝哥, 俊哥及Pairo找來三部珍藏.
另一部塑膠剷泥車是我夾硬將輝哥店的陳列品拿來…我:「E部車仔咁靚, 雖然係膠做, 攞埋出嚟一齊玩啦」
最經典一定是這部紅色的鐵皮車, 想不到70年代的產物, 50年後的今天, 依然還可以給SY左舞右舞.
小小的三輪車, 我估計我BB年代可能也有玩過, 而我記得7年前, 公公也買過一部給SY.
當然, 我們買的是現代版, 沒有這部80年代產物的韻味.
SY:「哎呀! 原來, 以前都有滑板車喎, 我識玩, 我識玩」(現在, 小朋友還正在玩滑板車, 但全部也轉了塑膠)
其實, 我童年也沒有玩過滑板車, 所以, 看到當年的滑板車, 我才驚覺:「乜真係30年前, 就有E個發明呀? 我仲以為係近年的產物添)
除了童車任拍照外, 輝哥還準備了數款懷舊小玩具, 免費送給活動中的小朋友…
SY:「E隻係咪叫醜小鴨呀?」
輝哥:「其實, E隻鴨仔, 仲有這個女仔, 都係當年聖誕的小玩意, 好似這個女仔, 一打開白色長裙, 就會變成一個聖誕鐘啦」
其實, 當年的創意, 好像到2017年今時今日的所謂3D書, 立體卡還是一直沿用著呢!
SY:「爸爸! E個係咩超人呀?」我:「這個應該是香港自創的超人面具, 其他地方一定買唔到」(輝哥: 到時都會送畀小朋友架)
最後, 還有一樣我們兩父子也玩不停的吹氣降落傘, 只要將降落傘放入管內, 向天用力一吹, 降落傘便會漫漫從天而降.
SY由不成功, 變成僅僅可以發射, 到最後終於成功順利降落, 結果, 他玩到晚上回家也在玩.
我問輝哥:「你又會咁捨得送E啲懷舊玩具出嚟嘅? 」
輝哥:「當年我哋入咗一個數量, 應該E四日都可以滿足到小朋友嘅需要, 而且我哋最想小朋友可以有機會認識到當年爸爸, 媽媽玩嘅玩具, 同從前香港嘅製造文」
相關網誌: 【幸福玩具店】那些年Made in Hong Kong 的浪漫 @ 摩羅街
幸福玩具店 (親子懷舊同樂玩)
地址 : 上環東街12号地舖 (即是嚤囉街附近)
日期 : 12月10日, 24日, 25日, 26日 (一共4日)
時間 : 下午14:00至18:00
大仁生活facebook
