給寶寶最珍貴的禮物

專欄

廣告

好多媽媽為咗給寶寶最好,都會選擇餵母乳。香港嘅媽媽前後只有十星期的產假,媽媽為咗復工後可以保持產量,都會從早到晚密密泵。雖然我工作時間唔係朝九晚六,工時亦不長,但本著「唔怕一萬只怕萬一」的精神,我都經歷過日泵夜泵的生活。埋完身又泵,半夜又泵,天冷時真係心都震埋出嚟。幾經努力打爆個冰箱後,我就停止日泵夜泵嘅生活,因為有我喺度就會埋身D冰奶跟本無郁過,雪奶無飲就拎去沖涼。不過滴滴皆辛苦,感覺好浪費。

 

但係冰箱D冰奶一路喺度霸住個雪櫃都唔係辦法,最後我決定攞去做母乳皂同母乳CERAM!(少少奶就可以攤長嚟用,好似抵D~哈哈!!)

 

 

DEMA HANDMADE SOAP嘅MAGGIE老師平日會幫媽媽們用母乳製母乳皂,好少開WORKSHOP,今次見到有班開,可以親手將咁珍貴嘅母乳變為禮物俾BB我又點會錯過呢!

 

去到老師已經預先準備好一份份材料,我地先調配好自己喜歡嘅油。

 

 

然後將油倒入預先準備好嘅材料隔水加熱到材料變為液體。

 

 

攤涷後就可以將母乳倒入。

 

下頁:成品模樣

 

之後就攪攪攪,攪到佢滑滑,過程中有加入乳化製同維他命E。

 

 

跟住就可以直接入樽。

 

 

幫佢扮埋靚靚就得喇~

 

返到屋企將佢放入雪櫃可以保存三個月,用細樽仔每次攞三日份量出嚟用就唔怕變壞啦~

我造嘅母乳皂同CREAM都有加咗紫草配方,對濕疹有舒緩功效。

 

 

 

母乳皂同CREAM嘅工序唔係相差太遠,不過皂化嘅過程就要用多D力同時間去攪,又唔可以大力又唔可以快,手都軟埋….. 攪掂就可以入盒,返去等一個星期就可以切皂,然後放陰涼乾爽地方熟成兩個月就可以用喇~~

 

等用得嘅時候再同你哋分享用後感啦~