林盛斌

林盛斌遇網民辱罵 女兒用兩句幫忙反擊 淚崩剖白曾陷人生低谷因愛女得救

熱話

廣告

林盛斌 Bob日前現身於吳若希的YouTube Channel,兩位大談育兒經。吳若希表示入行路上有苦有甜,感激認識到林盛斌與他太太黃乙頤Pearl,特別是她成家立室後,有很多重大決定都多得他們的扶持以及給予建議。向來風趣幽默的林盛斌提起仔女時非常正經,他指女兒非常乖巧,他曾經陷入人生低谷、在網上被人辱罵,他女兒都有鼓勵他,幫他護航,令他深受感動,還忍不住落淚。

撰文:Clara | 資料、圖片來源:吳若希YouTube Channel、林盛斌Instagram

林盛斌太太流產後再得一子

林盛斌有三女一子,很多人以為他想刻意追仔,原來事實並非如此。他解釋,生完第一個,就必須有第二個,因為好事成雙,後來又生多一個,Pearl覺得三個小朋友非雙數,不是太好,所以才會打算再生多個。

林盛斌太太流產後再得一子(圖片來源:林盛斌Instagram圖片)
林盛斌太太流產後再得一子(圖片來源:林盛斌Instagram圖片)
林盛斌太太流產後再得一子(圖片來源:林盛斌Instagram圖片)
林盛斌太太流產後再得一子(圖片來源:林盛斌Instagram圖片)

可是,Pearl懷孕時不幸流產,其後他們兩夫婦幫逝去的孩子做超渡儀式並許下願:「如果你想再返嚟我哋身邊,我哋係好歡迎你,隨時搵返我哋啦」,結果流產後兩個月即傳來好消息,令他覺得相比起其他未能懷孕的父母,上天已待他不薄。

林盛斌太太流產後再得一子(圖片來源:吳若希YouTube Channel影片截圖)
林盛斌太太流產後再得一子(圖片來源:吳若希YouTube Channel影片截圖)
林盛斌太太流產後再得一子(圖片來源:吳若希YouTube Channel影片截圖)
林盛斌太太流產後再得一子(圖片來源:吳若希YouTube Channel影片截圖)

曾陷人生低谷因愛女釋懷:個女救咗我

講到小朋友如何改變自己的人生觀,吳若希坦言以前不斷工作,一直覺得人生沒有意義,直到女兒Giselle出現,終覺得生命有意義,有被救贖的感覺。林盛斌表示認同,他憶述八至十年前,他在工作上突然間遇到很大轉變衝擊:「好唔開心,屈咗好耐、好耐⋯⋯」那天他下班回家,獨自待在客廳裡,垂頭喪氣,不斷嘆息,當時他大女霏霏走過來問:「爸爸你做咩啊?」他答:「爸爸有啲唔開心⋯⋯」霏霏追問發生甚麼事,他指被人欺負,年僅三、四歲的霏霏上前緊抱他,拍拍他肩膀鼓勵他:「哎呀⋯⋯唔緊要啦,唔好唔開心啦爸爸,我哋錫你咪得囉。」

他聽後頓時崩潰、泣不成聲,完全失去儀態,嚇壞仔女:「我屈咗喺個心好耐,我喊到衝入廁所。」他指全因為女兒那個舉動,那一刻終於明白他身邊有很多很重要的人,他們都是真心支持自己:「出面繼續努力做嘢,無論點都好,唔緊要,屋企嗰幾個先係我最重要嘅粉絲,我覺得嗰吓個女救咗我。」

女兒遇網民辱罵為父反擊

如今網上很容易有辱罵性的留言,充滿負能量和攻擊性,林盛斌女兒霏霏都曾經遇過:「爸爸,有啲可能唔係咁鍾意你嘅人去咗我社交平台留言,佢哋寫啲唔係咁好聽嘅說話,問我:『覺唔覺得你爸爸好樣衰』、『見到想嘔』。」當時霏霏馬上為爸爸護航:「我唔知道你有幾靚仔,但喺我心目中,爸爸係好靚仔,」

他二女、三女都曾經遇過同類事件,遇到網民辱罵性留言,他曾教她們不用刻意刪除留言,也不用禁言,所以她們用英文反擊:「我唔覺得爸爸係壞人,佢喺我哋心目中係英雄。」他到現在仍覺得很感動,覺得女兒很生性:「好感動、好感恩,我啲女真係勁⋯⋯有啲人覺得我係垃圾嘅時候,啲女竟然會覺得我係英雄。」

怕做藝人影響仔女日常生活

最後林盛斌不禁流下眼淚,坦言怕自己在娛樂圈的工作影響到仔女:「好多人可能唔明白我哋面對緊一啲壓力⋯⋯原來啲小朋友會喺背後守護我,去幫我辯護。有時我覺得我做呢份工作,會唔會令仔女受到影響呢?會唔會被同學冷嘲熱諷?一諗到我就唔開心。我喺電視台扮鬼扮馬,會唔會令仔女覺得爸爸係廢物、衰人、肉酸、核突呢?幸好佢哋係為爸爸感到驕傲!」所以他曾教導女兒,每個人工作上總會遇到不喜歡你的人,惟有盡力做好自己,令更多人喜歡你,盡量不要令愈來愈多人傷心。