愛回家 anson

愛回家|風少複製Anson Lo 粉紅西裝造型「扮可愛」被毆打

娛樂

廣告

TVB劇集《愛回家》繼續抽MIRROR水,繼之前有蔥頭(丘梓謙)扮姜濤後,到今晚播出的1647集有璟風(陳浚霆)著粉紅色西裝扮Anson Lo扮可愛。

愛回家 anson 愛回家
(圖片來源:YouTube@TVB)
愛回家 anson 愛回家 陳俊霆IG都留言抽水:「我見到這樣的我,我連自己也不認得」。
陳俊霆IG都留言抽水:「我見到這樣的我,我連自己也不認得」。(圖片來源:[email protected]

《愛回家》再抽MIRROR水 陳浚霆粉紅色西裝扮Anson Lo

《愛回家》中的大小姐龍力蓮(林淑敏)非常冧蔥頭,對可愛小鮮肉全完冇抵抗力,之前第1643集佢仲專程去蔥頭開的cafe打卡兼支持。到今集劇情講到,男同事們知道大小姐鍾意蔥頭,故此扮可愛來逃避責罵。陳浚霆本身對男生扮可愛大為反感,更批評蔥頭繼而遭大小姐責罵,為咗「保命」佢都要放低自尊扮可愛,幫手賣「紅妹」啤酒廣告。

愛回家 anson 愛回家
(圖片來源:YouTube@TVB)
愛回家 anson 愛回家 陳浚庭身穿粉紅色西裝扮可愛,疑似影射MIRROR成員Anson Lo。
陳浚霆身穿粉紅色西裝扮可愛,疑似影射MIRROR成員Anson Lo。(圖片來源:YouTube@TVB)

TVB有心思 陳浚霆扮Anson Lo贈慶

陳浚霆見扮可愛有效,所以決意改變形象,可惜如廁期間遭一名黑衣蒙頭男毆打,原因就是討厭他大男人卻要扮可愛,陳浚霆被打期間更大叫:「唔好打面!唔好打頭!」不少網民都留言表示想幫手一齊「中」陳俊霆!TVB並非第一次抽MIRROR水,不過今次「時間啱啱好」,事關有教主之稱的Anson Lo(盧瀚霆)正正今日(7月7日)生日,想不到TVB如此落力為友台當紅小生慶祝。另一方面,有精明嘅觀眾指今次唔只抽水Anson Lo,就連「紅妹啤酒」都似是影射住Edan早前拍攝「藍妹啤酒」廣告,大包圍抽水抽夠本!

愛回家 anson 愛回家
(圖片來源:YouTube@TVB)
愛回家 anson 愛回家 TVB搵陳浚庭扮Anson Lo,播出日期正正是對方生日正日。
TVB搵陳浚霆扮Anson Lo,播出日期正正是對方生日正日。(圖片來源:YouTube@TVB)
愛回家 anson 愛回家 陳浚扮可愛賣飲品廣告。
陳浚霆扮可愛賣飲品廣告。(圖片來源:YouTube@TVB)
愛回家 Anson Lo今7月7日)生日,他之前正正身穿粉紅色西裝賣飲品廣告。
Anson Lo今(7月7日)生日,他之前正正身穿粉紅色西裝賣飲品廣告。(圖片來源:[email protected]
愛回家 anson 愛回家 粉紅色西裝加可愛表惰已成為Anson Lo的標誌。
粉紅色西裝加可愛表惰已成為Anson Lo的標誌。(圖片來源:[email protected]

睇片重溫:

鏡粉回應:唔介意

對於MIRROR成員再被惡搞,今次鏡粉大方表示唔介意,仲有網民指無綫這方法是仿效以前的「100毛」,時時靠惡搞做話題,只係代表對「主流、大台」的一種認同:

愛回家 anson 對於再被惡搞,有觀眾表示「多謝助攻」。
對於再被惡搞,有觀眾表示「多謝助攻」。 (圖片來源:facebook留言)

《愛回家》暗寸ViuTV藝人 193開cafe中箭

《愛回家》日前播出1643集,以「蔥頭」暗寸完姜濤之後,今次再寸193斥資7數開cafe,劇中對白:「我開呢間cafe唔係為咗賺錢,係為咗可以有個地方同粉絲聚會。」又提到開cafe想與大家分享自己演藝事業的心得。反觀193當時開cafe就講過:「做生意都要賺錢㗎,係咁㗎喇,有人做生意會講係分享自己理念,我唔會講呢啲,我直接講要呃你哋錢,我就係要賺錢。」

愛回家 anson 「蔥頭」丘梓謙喺《愛回家》入面開cafe,話自己係唔係為咗賺錢,暗寸193@ERROR開cafe擺明賺錢。.
「蔥頭」丘梓謙喺《愛回家》入面開cafe,話自己係唔係為咗賺錢,暗寸[email protected]開cafe擺明賺錢。(圖片來源:《愛回家》截圖)
愛回家 anson 愛回家 193今年4月開cafe,向來敢言的他表示擺明要賺錢。
193今年4月開cafe,向來敢言的他表示擺明要賺錢。(圖片來源:[email protected]

《愛回家》借大小姐把口抽193水

《愛回家》大小姐龍力蓮劇中是蔥頭忠粉,她細佬Terry(李偉健飾)見蔥頭開cafe分享自己演藝理念有樣學樣。不過龍力蓮就極力反對:「燈油火蠟、人工、食材,虢礫緙嘞全部都係錢,開一間cafe起碼要7位數字!」剛巧193郭嘉駿投資七位數開cafe,疑似再搵位暗寸。而且大小姐強調人地蔥頭名氣大、粉絲多,先做到明星效應賺到咁多,相反Terry就無人識,賺唔到錢。

愛回家 anson 愛回家 大小姐鬧Terry開cafe要用7位數字,疑似再抽193水。
大小姐鬧Terry開cafe要用7位數字,疑似再抽193水。(圖片來源:YouTube@TVBUSA official)

大小姐再抽「虛火論」

《愛回家》1643集抽完「7位數開cafe」、「唔係為賺錢」後,到1644集再出手。劇情講到Terry自己開cafe,但主題騎呢,大小姐訓斥Terry客人到訪只為打卡放上網呃Like:「嗰啲虛火嚟㗎!」疑似抽水陶傑批評MIRROR的「虛火論」。

愛回家 anson 愛回家 大小姐訓斥Terry開cafe的人流全都是「虛火」。
大小姐訓斥Terry開cafe的人流全都是「虛火」。(圖片來源:《愛回家》截圖)

相關文章:

愛回家|寸爆193斥資七位數開cafe「擺明呃錢」 再抽水陶傑「虛火論」

撰文:東方新地圖片來源:YouTube@TVB資料或影片來源:https://www.orientalsunday.hk/wp-admin/post.php?post=530333&action=edit

你又點睇?