戴耀明 前女友 結婚

戴耀明50歲宣布結婚娶老婆!與前女朋友復合、背後源於一個誤會﹗

娛樂

廣告

戴耀明|將於7月踏入50歲的戴耀明今日(11日)忽然宣布婚訊,未婚妻是前度女友,更爆是復合背後原因竟然因為一個誤會﹗早前戴耀明現身《360秒人生課堂》,自爆想組織家庭,其風趣母親亦被邀上節目,揚言恨見到個仔結婚同攞獎,估唔到孝順仔戴耀明咁快就為母親送上呢個驚喜!

戴耀明娶前女友 未婚妻唔係佘詩曼

戴耀明入行接近三十年,感情生活向來低調,之前曾自爆暗戀佘詩曼,更開口想娶對方入門﹗戴耀明忽然宣布婚訊,另一半並非暗戀多年的佘詩曼,而是前女友,戴耀明指在無綫多年,演過不少奇怪角色,估唔到結婚都充滿戲劇性﹗他指未婚妻是圈外人,從事投資金融行業,2011年二人拍拖一起五、六年,因經常嗌交導致分手收場﹗戴耀明指二人因一個誤會幾個月前復合﹗

戴耀明 結婚 戴耀明 佘詩曼 復合 結婚
戴耀明曾透露想盡快組織家庭,希望另一半是幽默搞笑類型﹗(圖片來源:[email protected]_yiu_ming)

戴耀明以為患骨癌 驚青告知前度

戴耀明透露早前發現手前臂腫痛多時,正安排作詳細檢查前相當憂慮,自認驚青的他,一度以為患上骨癌,除了告知至親的媽媽外,便是通知前度女友﹗戴耀明指和前女友雖然分手,但一直保持聯絡,感情如家人一樣親近,所以有事都立即通知對方,前女友知道他患病都好擔心,大家傾談間講笑提議不如去沖喜吓,如果有事便一起共患難,若然安然無恙,便當做一個伴,陪伴大家走埋人生下半場﹗戴耀明指幸好最後報告出了,他只是受傷腫了,而沒有患重病,就因這場誤會,令二人再次走在一起﹗復合了﹗便想好好珍惜餘下時間,所以二人決定結婚﹗

戴耀明 結婚 戴耀明 佘詩曼 復合 結婚
戴耀明之前剛忙完拍攝新劇《新十二章經》,現在正好有時間可以籌備婚事﹗(圖片來源:[email protected]_yiu_ming)

戴耀明讚未婚妻為人樂觀 生B隨緣

戴耀明形容未婚妻有幽默感,為人又樂觀,正合他找另一半的條件,因為想開開心心走落去,至於問到會否趕生B,讓戴媽媽可以早點抱孫,戴耀明就話一切隨緣﹗提到之前自爆暗戀佘詩曼,戴耀明就話當笑料睇便可,不用認真,佢話同阿佘是比較熟的圈中朋友,亦好欣賞對方,對她沒有任何幻想﹗

戴耀明 結婚 戴耀明 佘詩曼 復合 結婚
49歲戴耀明宣布結婚,最開心相信是戴母﹗(圖片來源:[email protected]_yiu_ming)
戴耀明 結婚 戴耀明 佘詩曼 復合 結婚
戴耀明是家中獨子,是圈中出名孝順仔,在社交網除了自己的工作照,佔大部分都是母子及家人合照﹗(圖片來源:[email protected]_yiu_ming)

被問會否請佘詩曼 8個字帶笑回應

不少觀眾都記得戴耀明曾經對外向佘詩曼示愛(見下文),不過今次真係娶老婆,被記者問及會否邀請佘詩曼觀禮,佢就回應:「費事啦,好似玩嘢咩!」其實婚禮仍在籌備中,戴耀明預計在今年年尾或明明年頭行禮,屆時戴耀明已踏入50歲,與另一半開心邁進「人生下半場」。

戴耀明 結婚 近月佘詩曼都在香港,如果戴耀明擺酒設宴,其實未必無可能請唔到女神觀禮⋯⋯
近月佘詩曼都在香港,如果戴耀明擺酒設宴,其實未必無可能請唔到女神觀禮⋯⋯(圖片來源:佘詩曼@facebook)

360秒人生課堂|戴耀明誓要抹走茄哩啡之名 被母催婚背後藏感人故事

《360秒人生課堂》戴耀明生動演繹自己的人生高低起跌,但背後原來藏有一個又一個的感人故事﹗戴耀明自小被懷疑過度活躍,入行做演員只因「怕悶」,認為當演員可以扮演不同職業的角色,戴耀明話:「今日做飛機師,聽日可以做律師,後日可以打劫阿婆,諗起都開心﹗」滿足其坐唔定的性格﹗

戴耀明 結婚 戴耀明 佘詩曼 復合 結婚
戴耀明指做演員因為為人坐唔定﹗(圖片來源:TVB)
戴耀明 結婚 360秒人生課堂 當年廿歲出道的戴耀明,曾參加新秀歌唱大賽。
當年廿歲出道的戴耀明,曾參加新秀歌唱大賽。(圖片來源:TVB)

被叫死茄哩啡灑下男兒淚 重申:我個名叫戴耀明

戴耀明加入無綫後,演過不少角色,參演過無數古裝、時裝及民初劇,以及不同劇種溫情、搞笑至勵志都有,演過的角色有記者、綁匪及日本軍官等等,但觀眾都記唔到其名字,他透露最難過一次是在蘭桂坊遭醉酒男子大叫「死茄哩啡」,戴耀明坦言當時帶點醉意,忍不住流下男兒淚:「原來我做咗十年,畀人感覺都係一個茄哩啡,仲要加個死,當然死茄哩啡呢四個字並冇打沉我意志。」之後戴耀明再於吃飯期間遭親切的婆婆以「茄哩啡」問候,不過這次送上的卻是窩心的鼓勵:「黎耀祥都做咗好多年茄哩啡先捱出頭,你畀心機呀,阿婆支持你呀。」直認綠葉生涯艱難的戴耀明,重申只有一個心願:「眨吓眼做咗廿幾年,我呢團火冇熄到。各位街坊,如果第時見到我,我唔係邊個邊個,我亦唔係茄哩啡,我個名叫做戴耀明,我係一個演員。」

戴耀明 結婚 戴耀明 佘詩曼 復合 結婚
戴耀明曾多次在街上被途人認出,但就只會叫他「茄哩啡」三個字﹗(圖片來源:TVB)

談及亡父、年邁母親的簡單心願勁催淚

《360秒人生課堂》分享過程中,戴耀明除了大談當演員的辛酸,也談及家人,出身草根家庭的戴耀明,大多數「做番自己」飾演基,尤其擅長飾演小人物或小古惑。直到 2010 年,戴耀明抓緊了演藝生涯中首個良機,憑《鐵馬尋橋》「義氣排長」一角突圍。在劇中以真摯眼淚感動無數觀眾的戴耀明,眼淚背後卻另藏心酸故事:「11年前我爸過咗身,當時我都懷疑自己情緒有問題,咁啱搵我做《鐵馬》,劇入面有大量喊戲,嗰時話喊就喊…添哥(《鐵馬》監製李添勝)嗰時都讚我:『你個衰仔估唔到平時做開騎騎呢呢,做起呢啲嘢都OK啦,流馬尿幾好﹗』嗰時我開始諗,原來做演員係需要有經歷,但好坦白講,我爸過身呢種經歷,如果可以畀我重頭揀,我寧願冇。」

戴耀明 結婚 戴耀明 佘詩曼 復合 結婚
現實生活中的戴耀明是個孝順仔,為了照顧年老母親,曾放棄北上發展。(圖片來源:FB@戴耀明)

戴耀明還大談已年逾80歲的母親,在戴耀明眼中「戇居居+天真無邪」的戴媽媽,近年起勢向阿仔催婚,為的是怕自己死後阿仔沒有伴,戴耀明引述戴媽媽當時言談:「第時唔覺意你媽兩腳一伸,你又唔覺意喺 TVB攞咗個咩獎,咁你返到屋企拎住個獎戇居居,咪冇人同你分享。你阿媽頂晒櫳變隻飛蛾對你笑一笑,到時你都唔鬼知啦。」

樂天又敢言的戴媽媽更心懷希冀阿仔有天能吐氣揚眉,戴耀明坦言相當慚愧,竟連媽媽「電視城一日遊」的心願仍尚未實踐:「我撈咗幾廿年,連帶我媽返電視城參觀都未試過。」 原來戴耀明錄影當日,其好友譚俊彥悄悄地帶戴媽媽參觀電視城,更於古裝街向戴媽媽大談戴耀明拍劇點滴,過程中還不忘表達對好友的感激,譚俊彥說:「我嗰時啱啱嚟 TVB,個個都唔識,小明成日照顧我。有時我有啲戲唔明白,我都會打畀佢。」之後譚俊彥將戴媽媽帶上台並向戴耀明送上擁抱,場面感人。

戴耀明 結婚 戴耀明 佘詩曼 復合 結婚
節目組及好友譚俊彥為戴耀明送驚喜,場面感人﹗(圖片來源:TVB)
戴耀明 結婚 戴耀明 佘詩曼 復合 結婚
母子同台,好溫馨﹗(圖片來源:TVB)

戴耀明對佘詩曼心存幻想

入行近30年的無綫綠葉王戴耀明,早前他接受無綫娛樂新聞台訪問,重提當年暗戀佘詩曼,仲開口話要娶阿佘為妻,事隔多年原來戴耀明初心未變!戴耀明因為與佘詩曼在04年合作拍《金枝慾孽》而認識,在戲外「小禮子」一直仰慕「主子」佘詩曼,早年戴耀明接受訪問時曾自爆:「我經常同阿佘講,我賺到錢會娶你做老婆。」在節目《星光路上》內,戴耀明被主持人追問當年話要娶佘詩曼一事,他表示當然記得,更笑說這是不負責任的說話。

戴耀明 結婚 戴耀明 佘詩曼 復合 結婚
(圖片來源:無綫娛樂台新聞電視載圖)

戴耀明借醉向阿佘示愛

原來當年戴耀明冇實際行動追求佘詩曼,只借醉向阿佘示愛,傳了短訊跟女方說:「我好掛住你。」當然是食檸檬得不到回應啦!戴耀明在訪問中毫不掩飾對佘詩曼愛慕之情,即使得不到亦讚不絕口:「佢係一個好正嘅女人,我相信好多人跟我一樣,有娶佢嘅想法。講出嚟就有五十五十機會,唔開聲嘅話永遠都係零。」

戴耀明 結婚 戴耀明 佘詩曼 復合 結婚
一提起佘詩曼,戴耀明笑得好開心。(圖片來源:無綫娛樂台新聞電視載圖)

常見問題

戴耀明與前女友因什麼誤會而復合?

戴耀明早前曾因手臂腫痛去做詳細檢查,怎料弄出個大誤會並聯絡上前女友⋯⋯詳情請看

戴耀明與前女友當初為何分手?

戴耀明與前女友自2011年二人拍拖一起五、六年,最後因一般情侶的問題而分手⋯⋯詳情請看

關鍵詞
戴耀明
撰文:東方新地圖片來源:[email protected]_yiu_ming、TVB

你又點睇?

更多精選內容