新城勁爆頒獎禮2022爆笑盤點|觀眾入場獲派米? 新人唱到走曬音
廣告
《新城勁爆頒獎禮2022》今日(12月29日)於香港會議展覽中心舉行,頒發本年度的首張樂壇成績表。今年新城勁爆頒獎典禮繼續充滿騎呢位,不但送米俾入場觀眾之外,一班新人仲要唱到走曬音,嚇壞一班觀眾!
新城勁爆騎呢位 1)觀眾入場獲派1公斤米
在新城勁爆頒獎典禮開始前,一班主持逐一讀出贊助單位名單,台下的觀眾亦在入場前獲得一袋禮品包,禮品包入面包括:1公斤香米、贈券及Wasabi一支,份量十足!
![新城勁爆頒獎禮2022 騎呢位 新城勁爆頒獎禮](https://imgs.orientalsunday.hk/wp-content/uploads/2022/12/_199702343363adadd657b1b-768x1024.jpeg)
新城勁爆騎呢位2)「有聲無畫」搞到一頭霧水
今年新年勁爆頒獎典禮不設電視台同日轉播,一班觀眾假如想看直播,就必須付$398購買新城會籍,才能獲得網上直播的門票,如果唔係就只可以收聽FM99.7新城電台。可是此新穎的安排,在頒獎典禮首輪環節就出事,一班樂壇新人輪流唱出其他歌手的派台歌的時候,因為收聽電台的聽眾「有聲無畫」,所以都唔知道邊個打邊個。就連直播都毫無字幕介紹出場人物,搞到一班觀眾都睇到一頭霧水!
![新城勁爆頒獎禮2022 騎呢位 新城勁爆頒獎禮 8缺3的COLLAR都有份表演。](https://imgs.orientalsunday.hk/wp-content/uploads/2022/12/videoscreenshot-paykool2022eventx-3613_579310263ad9764cfb09.png)
新城勁爆騎呢位3)一班新人唱到走曬音
一班新人打頭陣唱出多首前輩們的派台歌,唔知係唔係因為太緊張,大部分新人歌手都唱到走曬因,惹起網民熱議。不少網民更表示DEZ余宗遙唱Jer柳應廷的《狂人日記》幾乎全首走音,嚇親一班觀眾同聽眾!
![新城勁爆頒獎禮2022 騎呢位 新城勁爆頒獎禮 DEZ余宗遙唱Jer柳應廷的《狂人日記》幾乎全首走音](https://imgs.orientalsunday.hk/wp-content/uploads/2022/12/_206608779963adadd7eaf13-1024x684.jpeg)
新城勁爆騎呢位4)今年Slogan「新葉」變「失業」?
另一個騎呢位就不得不提今年新城頒獎典禮中時不時提到的「樂壇新葉」(今年口號為「音樂新葉 」,又係食「頁」與「葉」的同音字手法)!今年新城頒獎台上用「樂壇新葉」一詞嚟形容一班初出道的新人,但係因為收音問題,令不少觀眾都聽成「樂壇失業」!
![新城勁爆頒獎禮2022 騎呢位 「音樂新葉」變成「音樂失業」?](https://imgs.sundaykiss.com/wp-content/uploads/2022/12/2022-12-30-01.46.56_7853056563add2a5621b0.jpg)
圖片來源:《新城勁爆頒獎禮2022》截圖》、東方新地資料或影片來源:原文刊於東方新地