新聞女王 馬國明

新聞女王|馬國明自嘲似太監大爆結局發展 親回應被批「欠缺氣場」

娛樂

廣告

TVB台慶重頭劇《新聞女王》自播出以來一直引起網民熱議,劇中馬國明與佘詩曼鬥得你死我活,近日就有網民在討論區以「覺唔覺馬國明氣場完全唔夠佘詩曼黎」為題展開討論,不少網民都認為飾演首席男主播梁景仁的馬國明形象太整齊、唔夠霸氣之餘又撐唔起嗰角色:「覺得馬國明氣場完全唔夠佘詩曼鬥」、「求其搵個人都奸過馬明」等。馬國明早前出席商場活動時,亦回應有關評論,仲大爆結局劇情發展!

新聞女王|馬國明被指氣場完全唔夠佘詩曼 爆笑回 新聞女王 馬國明雖然體型大過佘詩曼,但氣場上完全輸畀阿佘。
馬國明雖然體型大過佘詩曼,但氣場上完全輸畀阿佘。(圖片來源:《新聞女王》截圖)
新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 網民話馬國明黑口黑面都好似「傻仔」。
網民話馬國明黑口黑面都好似「傻仔」。(圖片來源:《新聞女王》截圖)

新聞女王|馬國明大讚劇本好:Man姐受歡迎 套戲就成功啦

被問到氣場完全唔夠佘詩曼,馬國明接受傳媒訪問時笑言,氣場唔係自己造出來,要加埋其他嘢的氣勢配合,又大讚劇本塑造角色很好:「Man姐受歡迎,套戲就成功了!」

新聞女王|馬國明被指氣場完全唔夠佘詩曼 爆笑回 新聞女王 馬國明 馬國明接受傳媒訪問時笑言,氣場唔係自己造出來,要加埋其他嘢的氣勢配合,又大讚劇本塑造角色很好:「Man姐受歡迎,套戲就成功了!」
馬國明接受傳媒訪問時笑言,氣場唔係自己造出來,要加埋其他嘢的氣勢配合,又大讚劇本塑造角色很好:「Man姐受歡迎,套戲就成功了!」(圖片來源:TVB)

新聞女王|馬國明幽默回應:我同飛爺都只係太監!

馬國明還指在女王體系之內,他和飛爺(鄧智堅飾演)都只是太監,屢戰屢敗襯托一班女王,直言好慘,:「點止少少,直頭輸到盡啦!」他解釋該劇叫《新聞女王》,大家看到首兩集,George的角色都是經常輸,根本未贏過。這個角色的作用是負責輸,不止輸一球半球,而是輸6,7球,他又比喻作一隊球隊場場贏6,7球先有氣勢同霸氣,如果一隊球隊(George的角色)場場輸6,7球,都不會有霸氣了!

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 第5集 這一幕爭執戲,二人對白互轟,十足十電影 《寒戰》郭富城與梁家輝的「史詩級對罵」!
這一幕爭執戲,二人對白互轟,佘詩曼氣勢相當強勁!十足十電影 《寒戰》郭富城與梁家輝的「史詩級對罵」!(圖片來源:TVB)
新聞女王|馬國明被指氣場完全唔夠佘詩曼 爆笑回 新聞女王 馬國明 鄧智堅飾演的「飛爺」角色A字膊又喜邀功,亦被指氣場唔夠!
鄧智堅飾演的「飛爺」角色A字膊又成日邀功,亦被指氣場唔夠!(圖片來源:TVB)

新聞女王|馬國明劇透結局發展:有少少估唔到

馬國明還表示《新聞女王》成功帶起熱潮,要歸功監製鍾澍佳,因為他在幾集之內就建立了「新聞女王」的霸氣。至於George是否由頭輸到最尾,馬國明就叫大家繼續追落去,他補充George同Man姐最後關係,個ending會有少少估唔到,亦牽涉少少感情事。馬國明劇透目前有幾集的flashback好關鍵,當初係Man姐賞識George,其實對於George嚟講Man姐係一個恩師,至於為何第一集一出場勢成水火,就要繼續追看了。

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 佘詩曼 新聞女王 何依婷 新聞女王 而關鍵的「除眼鏡」一幕原來一早加持在馬明,而在首集佘詩曼亦為郭柏研作「眼鏡加持」,莫非為郭柏研此角色埋下伏筆?
馬國明劇透目前有幾集的flashback好關鍵,當初係Man姐賞識George,其實對於George嚟講Man姐係一個恩師,至於為何第一集一出場勢成水火,就要繼續追看了。(圖片來源:TVB)

新聞女王︱網民嚴選5大適合演員取代馬國明

除此以外,不少網民都紛紛提出建議,認為圈中有更多演員比馬國明更適合出演《新聞女王》梁景仁一角。以下就為大家嚴選5大適合人選,大家又認為邊個會演得最好呢?

1.林保怡:神級演技 《白日之下》演活奸角

最多網民建議問林保怡出演馬國明的角色。林保怡早在TVB時期已經演過不少深入民心的奸角角色,包括《珠光寶氣》的高長勝、《掌上明珠》的何祥興和《天與地》的劉俊雄等。近日林保怡在電影《白日之下》更飾演性侵弱智女孩的弱勢院長,獲網民大讚演技超班。雖然網民都指林保怡是取代馬國明的最佳人選,不過網民都指林保怡冇可能會再重返TVB:「林保怡會返tvb先算」、「林保怡白日之下演技夠佢攞金像獎,我話嘅!仲返tvb?」、「人地跳出電視圈啦、白日之下做得好到0電視味」等。

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 林保怡在《白日之下》中飾演性侵弱智女孩的弱勢院長,睇到觀眾們超入戲!
林保怡在《白日之下》中飾演性侵弱智女孩的弱勢院長,睇到觀眾們超入戲!(圖片來源:《白日之下》劇照)
新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 林保怡在《金枝慾孽》中曾經同佘詩曼合作過。
林保怡在《金枝慾孽》中曾經同佘詩曼合作過。(圖片來源:《金枝慾孽》截圖)

2. 陳豪:斯斯文文更令人心寒

雖然同樣形象正氣斯文,但網民就認為陳豪都能夠勝任馬國明的角色。陳豪早在電影時期如《算死草》等作品中已經飾演奸角,之後在TVB狙擊《天與地》、《心戰》和《使徒行者2》中都飾演深入民心的反派角色。網民指出雖然陳豪和馬國明同樣在《使徒行者》系列中飾演大Boss,但陳豪明顯在劇中顯得更有氣場:「陳豪做奸真係做得好好。使徒2明明唔係咩大魔王,講野斯斯文文,著住套老西,得閒溝下宣萱,但成套由頭到尾都好有氣場,都幾令人心寒。馬國明唔知係咪現實中傻仔形象太強,睇使徒3嗰陣完全唔覺得呢個boss恐怖」。

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 陳豪在《使徒行者2》飾演奸角,獲網民大讚有氣場,演到令人心寒。
陳豪在《使徒行者2》飾演奸角,獲網民大讚有氣場,演到令人心寒。(圖片來源:《使徒行者2》劇照)
新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 兩位合作過多次,包括有《火舞黃沙》、《公主嫁到》、《天與地》!
兩位合作過多次,包括有《火舞黃沙》、《公主嫁到》、《天與地》等等。(圖片來源:《火舞黃沙》圖片)

3. 陳展鵬:似足「智慧型罪犯」

有網民指另一視帝陳展鵬都非常適合出演馬國明在《新聞女王》的角色。網民指陳展鵬戴眼鏡造型「斯文中帶點邪氣」似足「智慧型罪犯」:「四眼look好啱feel,除眼鏡就不了」、「烈火雄心奸到想打X佢,好正」、「隱型戰隊匡勝天好正,型過馬明同陳山聰」、「喱句真。佢個感覺係深謀遠慮。心入面有好多想法要做X你咁」等。

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 網民話佢戴眼鏡有種「深謀遠慮」嘅感覺。
網民話佢戴眼鏡有種「深謀遠慮」嘅感覺。(圖片來源:《隱形戰隊》截圖)
新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王
(圖片來源:《乘勝狙擊》圖片)

4. 江華:乜角色都可以演到200分

曾參演《西遊記》、《尋秦記》及《九五至尊》等劇集塑造了不少經典角色的江華,無論忠角定奸角都演得得心應手。網民激讚江華「乜角色都可以演到200分」,相信如果願意屈就重返TVB拍戲,將會演得出最有氣場又奸到入肺嘅「梁景仁」:「堅屈機。奸角又夠恰人憎 入形入格,做皇帝又夠正氣,西遊記做唐僧都仲得」、「佢d演技真係好X勁,正派反派都做得出果種味道」。

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 江華在《尋秦記》中飾演演大奸角「連晉、嫪毐」。
江華在《尋秦記》中飾演演大奸角「連晉、嫪毐」。(圖片來源:《尋秦記》截圖)
新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 江華在《先生貴姓》中飾演買兇殺妻大奸角。
江華在《先生貴姓》中飾演買兇殺妻大奸角。(圖片來源:《先生貴姓》截圖)

5.楊怡:時裝宮心計更加有Noise

《新聞女王》將宮鬥活生生搬到新聞部,機關算盡、鬥爭不斷,不少網民都指似足《宮心計之新聞女王》。因此,有網民指可以直接搵楊怡取代馬國明,兩惡女互鬥一定更加有睇頭,加上《新聞女王》本身已經湊齊「三好」佘詩曼同「賢妃」李施嬅,可以直接上演時裝版《宮心計》:「馬明個角色搵楊怡做一定有Noise 加埋啊佘」、「咁就時裝宮心計」、「都幾好睇 兩個女人鬥」、「咁咪幾好 搵得啊佘都係玩情懷姐」等。

新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 楊茜堯 家族榮耀 狠樣出晒嚟!
狠樣出晒嚟!(圖片來源:《家族榮耀》截圖)
新聞女王|馬國明被指氣場完全唔夠佘詩曼 爆笑回 新聞女王 馬國明 新聞女王 《新聞女王》已經有齊佘詩曼同李施嬅,如果加埋楊怡就真係上演時裝《宮心計》。
《新聞女王》已經有齊佘詩曼同李施嬅,如果加埋楊怡就真係上演時裝《宮心計》。(圖片來源:《宮心計》截圖)

撰文:東方新地圖片來源:《新聞女王》截圖、TVB資料或影片來源:原文刊於東方新地