諸朋好友 伍詠薇

伍詠薇憶述親睹53歲前夫離世一刻 被指「剋夫貪財」重提遺產爭端

娛樂

廣告

現年53歲的伍詠薇(伍姑娘)在無綫節目《諸朋好友》最後一集,與陳山聰以及陳敏之一起受訪,伍詠薇重提她的首段婚姻,當年19歲的她參選亞姐前已認識首任丈夫翁江培,對方大她31年,二人兩情相悅,可惜婚姻只維持了13日,翁江培突然病逝,當時伍詠薇被指剋夫及斂財,她在訪問中憶述當年如何被夫家律師逼供,莫講話一蚊遺產,就連一支筆都分唔到。

諸朋好友 伍詠薇 伍詠薇 伍詠薇帶住契細佬陳山聰及契妹陳敏之一齊為《諸朋好友》做壓軸一集的嘉賓。
伍詠薇帶住契細佬陳山聰及契妹陳敏之一齊為《諸朋好友》做壓軸一集的嘉賓。(圖片來源:[email protected]
諸朋好友 伍詠薇 伍詠薇 伍詠薇在節目中憶述與亡夫的一點一滴。
伍詠薇在節目中憶述與亡夫的一點一滴。(圖片來源:[email protected]

伍詠薇親眼目擊前夫被急救

伍詠薇在無綫節目《諸朋好友》中憶述當年參選亞洲小姐,全因前夫翁江培的鼓勵,19歲認識拍拖兩年便結婚,伍詠薇坦言很愛對方,想跟對方結婚生小朋友,可惜這段婚姻只維持了13日。伍詠薇說:「嗰時我喺深圳登台,唱夜晚11點嗰啲場,佢行開咗一陣,我唱完之後出去,有人通知我話你老公唔得喇,已經去咗醫院……打開門就見到醫護人員為佢進行心藏施壓……最後話佢唔得喇,我幫佢除下婚戒,用手為佢合上眼睛,睇住佢離開,當時我仍未識喊。」

諸朋好友 伍詠薇 伍詠薇 伍詠薇19歲認識第一任丈夫翁江培,21歲步入教堂。
伍詠薇19歲認識第一任丈夫翁江培,21歲步入教堂。(圖片來源:《諸朋好友》影片截圖)

外界指伍詠薇剋夫

伍詠薇的第一段婚姻就此結束,她感慨地說:「我好感恩翁生喺我生命出現過,呢個男人喺我生命中係不可多得嘅。」翁江培離世後,伍詠薇的經歷非常坎坷:「當時好多人話我剋夫……好多難聽嘅說話,將佢哋嘅負能量都發洩晒喺我身上。」伍詠薇意志消沉,終日游手好閒,留連酒吧喝酒麻醉自己,幸好當時在亞視任監製的梁材遠把她撿回去亞洲拍劇,讓她演女一,伍詠薇重回人生軌道。

諸朋好友 伍詠薇 伍詠薇
(圖片來源:《諸朋好友》影片截圖)
諸朋好友 伍詠薇 伍詠薇
(圖片來源:《諸朋好友》影片截圖)

伍詠薇被夫家律師大逼供

伍詠薇失去摯愛心感悲痛,她坦言外界以為她在丈夫離世後得到一筆遺產,但原來伍詠薇一無所有,甚示連亡夫生前經常用的一支筆,她想留作紀念都被夫家人取走。伍詠薇憶述當年遭到夫家的代表律師逼供,指翁生的錢全都凍結了,要她把翁生買過給她的物業和車等財物都要交代,她說:「我咪答冇囉,佢問咗幾次我都係答冇,佢就叫我『要講真話喎,如果真係有嘅話,你攞咗去呢,咁係唔得』,我話我真係冇呀,嗰下我嘅眼淚先出嚟,我覺得好痛苦,被人誣衊好委屈。」那段時期的伍詠薇絕對不易過,多年後才能走出陰霾。

諸朋好友 伍詠薇 伍詠薇 經歷過第一任丈夫的離世,伍詠薇坦言很難才走出陰霾,其後遇上第二任丈夫練海棠,不過二人的婚姻亦波折重重。
經歷過第一任丈夫的離世,伍詠薇坦言很難才走出陰霾,其後遇上第二任丈夫練海棠,不過二人的婚姻亦波折重重。(圖片來源:[email protected]
諸朋好友 伍詠薇 伍詠薇 當年只有20歲的伍詠薇,參選亞洲小姐獲第4名及最上鏡小姐。
當年只有20歲的伍詠薇,參選亞洲小姐獲第4名及最上鏡小姐。(圖片來源:影片截圖)

1989年,伍詠薇在派對上認識了會計師,53歲的翁江培,翌年12月,年僅21歲的伍詠薇與他結婚,婚禮在麗晶酒店舉行。但結婚13日之後,翁江培便突然因心臟病發在深圳離世。伍詠薇非常傷心,然而被外界認為貪錢剋夫,更並未獲翁氏一家的親戚所接納,又未能取得任何遺產。直至1999年,她在黎姿介紹下認識了香港廣告界名人練海棠,二人於同年7月結婚。伍詠薇曾經接受訪問,提及那些年被叫「劏豬凳」的日子⋯

伍詠薇難過被叫劏豬凳

Q: 首任丈夫翁江培離世,有冇好唔開心同聽過難聽說話?

A: 第一任丈夫離開,正常人都會傷心㗎啦,當時我二十、廿一歲,傷心,但亦都可能太細個,反而唔識得太傷心,因為細,好多嘢仲係好無知,所以我好快就recover到,嗰時啲人傳我有好多錢,亦都好多難聽說話,話我剋夫、劏豬凳,我喺街行過,有師奶會話我:「貪錢吖你!」傷心㗎,但唔會喊,因為硬住頭皮嘛,呢啲說話整唔死我嘅、整唔痛我嘅,只係唾罵我,但我要生活㗎嘛,你話我有錢啫,我自己知自己有冇錢,我仲要喺一個咁惡劣嘅環境入面繼續喺娛樂圈生存、受靶,係辛苦嘅,但我冇選擇,因為我覺得我當時嘅功能只可以繼續做演員,啲人對我好負面,但我好多謝亞洲電視,冇遺棄到我,仲俾劇我做,仲夠薑搵我做女一,過咗幾年之後,突然間有份周刊見我都幾勤力,喺亞視拍劇又拍電影,唔係唔做嘢,幫我平反,寫完六版紙之後,全世界對我改觀,所以人生對我嚟講係好瘋狂,一夜之間係一個棄婦,一夜之間,「嘩,你真係叻呀!」我唔鍾意呢啲嘢,點會鍾意吖,我二十歲到三十歲,一個女人最靚、最精采,應該係揀男朋友、享受人追,但我就要一個個難關咁去過,但我唔會投訴,因為呢個係我嘅命運。

Q:隔咗幾耐先媾仔?

A: 好快,當時廿幾歲嘅我係一個要有愛先推動到我工作嘅人,我第一段婚姻之後一年我就投入咗戀愛,因為失去咗一個愛之後會覺得好lost,上天好好,俾我遇到嘅男人全部都好錫我,可以呃你㗎嘛,所以好慶幸。

伍詠薇唔接受老公出軌

Q:現任丈夫練海棠係一個點嘅老公?

A: 好老公,識佢嗰時發覺同佢係風馬牛不相及,兩個世界嘅人。我自己嘅個性,諗住識啲好爆嘅男人,喺我廿九、三十歲嘅時候遇到佢,我覺得好特別,我未遇過呢一類型嘅男子,佢俾我嘅感覺係斯文,我冇諗過斯文嘅男仔會鍾意我,佢冇改變我,但係相處之間影響我脾氣好咗,做人處事佢係我老公,亦係我朋友、老師,所以練海棠係生命裏面影響我好大嘅第二個男人,第一個就係第一任丈夫翁生,練生係第二個,雖然之前發生過一啲新聞,但毫無意外應該可以伴到我終老,因為佢湊得我好好,我係一個好難湊嘅人,我係突然間可以唔講嘢突然間可以好多嘢講,佢湊得我好好,又好知我要乜嘢,一個老公由好熱戀會進化成家人感覺,我覺得依家關係係好舒服,我希望可以同佢細水長流,佢乖乖哋嘅話,哈哈哈哈哈。

Q: 件事曝光嗰日你電話應該響唔停啦!

A: 冇,嗰朝我要做嘢嘅,一定要出去做嘢,嗰朝嗰間報館嘅記者send條link,叫我望一望啲相,跟住回答問題吖!瀨嘢呢啲,個心離一離,睇完,點算好呢?點都要叫醒佢先,通常我啲friend會話摑醒佢啦,咁我唔會,我埋去輕輕拍佢,同佢講:「回一回神先,俾條link你睇,你唔好驚,睇完之後你用你把口講一次我聽,因為我唔夠時間,就要出門口嘞。」佢睇完之後,我問咗重要嗰幾條問題,跟住我話唔好講咁多住,返嚟再傾,因為我覺得夫妻之間唔好鬧交,鬧交冇用,只會更加傷和氣,不如聆聽吓對方想講咩,可能有啲嘢係更加真嘅呢!離開屋企,去見記者,其實最驚記者會唔會仲有第二輯相,我諗咗呢啲問題,好confuse,決定唔好諗,做番自己。

Q:外間覺得你處理得好好、好有EQ!

A:多謝你讚我叻,但我唔要呢啲叻,呢啲所謂家庭嘅事情,其實係唔應該同公眾交代,但係明白到唔交代係咪想記者幫你交代呢?我都考慮咗好耐,博一博自己交代,好多謝間報館俾啲相我,等我知件事,今次呢件事令到夫妻多咗了解,我都話作為妻子,我都要檢討吓,點解個男人會一下子出去做一樣事情,會唔會係做妻子有啲嘢唔稱職,我同我先生溝通咗好多,我覺得大家溝通係進咗一步,我只可以話我哋盡量去保護段感情,去到細水長流。

Q: 你哋都好快講掂數去旅行吖!

A: 旅行係一早話咗要去,唔去好蝕㗎!唔係發生事然後安排個旅行,係個幾、兩個月前安排咗去。

Q:接唔接受婚姻關係上對方出軌?

A:咁冇人接受嘅,你話佢係咪出軌,咁我知吖嘛,呢件事上,我係接受咗、包容咗,我唔可以打開肚皮講晒入面每一個動作俾大家聽,只有我知同我信唔信,我知唔知我信唔信,又關觀眾咩事呢?你問我接唔接受,我唔接受,不過我依家段關係好好。

去片!睇《諸朋好友》伍詠薇訪問

伍詠薇講得好激動!

常見問題

伍詠薇當年為何在丈夫離世後一無所有?

伍詠薇憶述當年遭到夫家的代表律師逼供,更話連一支筆都⋯⋯詳情請看

伍詠薇被指剋夫,佢當年如何重回人生軌道?

伍詠薇表示當年經歷非常坎坷,更多得某監製對佢伸出援手⋯⋯詳情請看

撰文:東方新地圖片來源:《諸朋好友》影片截圖、[email protected]資料或影片來源:[email protected]

你又點睇?

更多精選內容