生育問題|老公求生B承諾幫手湊 誕女後1原因反口 港媽忙足7日一呻即被鬧勁崩潰:好憎佢

生育問題|老公求生B承諾幫手湊 誕女後1原因反口 港媽忙足7日一呻即被鬧勁崩潰:好憎佢

家庭生活

生育 小朋友好大責任,生下來就要照顧他的起居飲食,而且要教好他,不讓他學壞,所以父母夫妻在計劃生育前就要傾好如何分工合作。有些夫婦因為未準備好負擔為人父母的責任,結婚後決定享受二人世界。近日一名港媽在裝上討論區發文,指自己本來不想生小朋友,但老公很想生,又承諾會照顧,所以答應生B。怎料女兒出世後,對方突然變臉反口,港媽頓時覺得被騙,更直言「好憎佢」。

撰文:Clara | 資料來源:網上討論區|圖片來源:TVB劇集《BB來了》

老公求生育誓言幫手 女兒出世後變臉反口

一名港媽於網上討論區以「比(畀我呻吓,憎老公憎左(咗)3年」為題撰寫帖文,呻老公拒絕幫助照顧小朋友。事緣她最初不願生育,但老公表示想要小朋友,又答應會幫助照顧,所以她才改變主意,願意生小朋友,可是:「佢話佢會幫手,奶奶會幫手,再唔係請工人…口口聲聲話自己乜都會做!」

老公求生育誓言幫手 女兒出世後變臉反口(圖片來源:TVB劇集《BB來了》電視截圖)
老公求生育誓言幫手 女兒出世後變臉反口(圖片來源:TVB劇集《BB來了》電視截圖)

她指女兒出生後,初時老公都會幫手照顧,後來對方始知為人父母有多麼辛苦,常常卸膊,將照顧小朋友的責任推給她:「我最嬲就係無口齒,乜都話得,點知生咗就乜都唔得!」她每天24小時都要照顧小朋友,一星期湊足七日,即使她呻很辛苦,想老公幫幫忙,對方都會惡言相向:「我要返工搵錢,唔會幫手!」

港媽望奶奶幫手 老公為護母黑面揶揄

有時港媽想叫奶奶幫手照顧一日半日,老公竟然鬧她、揶揄她:「我驚我媽辛苦!人哋個個都係咁湊,點解人哋湊到你湊唔到?開心啦你!發達啦你!」她批評對方沒有考慮過她的感受:「佢又唔係媽寶,佢係覺得如果奶奶湊,我就好得閒,就好似益咗我咁。佢成日話:『做呀媽係要湊仔㗎啦,係辛苦㗎啦….』所以我一開口叫佢媽幫吓手,佢就會寸我、話我、黑面。」

港媽望奶奶幫手 老公為護母黑面揶揄(圖片來源:TVB劇集《BB來了》電視截圖)
港媽望奶奶幫手 老公為護母黑面揶揄(圖片來源:TVB劇集《BB來了》電視截圖)

老公曾說不想要女兒 港媽悔不當初恨足三年

港媽很後悔信錯老公:「只可以話我當初無同佢傾細節,無好認真咁講明第時工作分配的事,佢乜都話得,乜都話會做,我就以為佢真係會。當時唔通我整份contract佢簽咩….到生完反口,我又可以點,除咗怨自己當初信錯咗佢之外。」所以她想到一個好方法,就是主動應徵做兼職,每天工作幾小時,沒有時間照顧小朋友,男家才願意幫手。

不過她直言仍不會原諒老公,因為老公有時會發晦氣表示不想要女兒:「我最嬲係,我知會辛苦,我都無話唔做,但我做7日,可唔可以幫一日呢?佢連嗰一日都唔肯畀我,仲覺得唔使我湊一日就益咗我咁….或者係FTM(全職媽媽)問題啦,佢覺得我唔使返工,喺屋企係嘆世界。呢啲說話聽咗3年,積埋積埋,所以憎到佢一個點…如果我再發脾氣,佢就會話:『唔好X湊啦你!』後來我就唔駁了,由得佢講乜都好啦,總之係我錯,係我揀錯人!!呻完都係繼續憎佢!」

老公曾說不想要女兒 港媽悔不當初恨足三年(圖片來源:TVB劇集《BB來了》電視截圖)
老公曾說不想要女兒 港媽悔不當初恨足三年(圖片來源:TVB劇集《BB來了》電視截圖)

網民批評港媽老公自私無口齒

帖文一出即有不少網民留言批評港媽的老公自私:「男人的話不可盡信」、「做佢老婆就可憐,老公好自私及無口齒」、「老公好唔識體諒老婆,畀奶奶湊一天半天竟對老婆說咁難聽說話」但亦有網民認為港媽現在應該沒有她說的那樣辛苦:「憎咗三年,即小朋友現年三歲?咁應該開始好帶。」港媽回覆指:「依家係開始無之前咁辛苦,但呢 3 年的怨恨我仲未放得低。」

你又點睇?

更多精選內容