【湯水食譜】羊肚菌姬松茸栗子紅蘿蔔素湯-補腦提神 幫助消化

【湯水食譜】羊肚菌姬松茸栗子紅蘿蔔素湯-補腦提神 幫助消化

Blogger小小豬媽咪為大家介紹的湯水食譜是羊肚菌姬松茸栗子紅蘿蔔素湯,讓大家可以一齊對抗價格持逐高企的新鮮豬肉!暑假過了一大半,家長又係時候為小朋友做好開學準備,除了要買齊開學用具和教科書,小朋友自身狀況都好重要。這款湯水有助補腦提神,以及增強免疫力,對小朋友重返校園有很大幫助,大人日常工作忙碌,休息不足,亦可用以補補身!

撰文:小小豬Kinsey|編輯:Vicky

依排日日同小小豬去街都冇咩時間煲湯,又係時候要做返一個賢妻良母。但行街市時都聽到話啲豬肉仍然好貴,所以都真係唔太敢買豬肉嚟煲湯住,所以依個時候又係時候要嚟一個素湯。剛好有朋友介紹左依個好清甜嘅素湯俾我既,可以增強免疫力之餘,又可以補腦提神,啱晒我家兩位老細飲。最好就係屋企又有齊晒材料,咁就唔洗諗即刻快快手煲啖靚湯飲下啦!

素湯湯水食譜:羊肚菌姬松茸栗子紅蘿蔔素湯
湯水食譜

羊肚菌有益腸胃助消化、化痰理氣、補腎壯陽、補腦提神等功效,用於消化不良、痰多氣短。另外還具有強身健體、預防感冒,增強人體免疫力的功效;姬松茸具健腦、消炎、益腎、降血壓、降膽固醇、降血糖同埋改善肝功能,仲有抗過敏及改善骨質疏鬆等功效;合桃有補腎補腦、健胃補血、潤肺養神功效;腰果能夠健脾補腎及止久渴;栗子可養胃健脾,更可益氣補腎氣;紅蘿蔔可健脾寬中及治咳嗽;粟米健脾和胃,利水通尿,益肺寧心;陳皮理氣健脾、燥濕化痰;蜜棗止咳潤肺、化痰平喘功效 (網上資料)。

材料:

羊肚菌 6粒
姬松茸 12條
合桃 2両
腰果 2両
栗子 半磅
粟米 2條
紅蘿蔔 1條
蜜棗 3粒
陳皮 1角
湯水食譜
1. 羊肚菌用清水浸至軟身,之後剪開去除雜質。
湯水食譜

湯水食譜
2. 姬松茸洗淨後浸至軟身。
湯水食譜

3. 羊肚菌及姬松茸浸軟後要擠乾水份(一定要瀝乾所有水份先可以放入煲,如果唔係啖湯會有苦味呀)。
湯水食譜
4. 陳皮浸至軟身,然後刮囊。
湯水食譜

5. 蜜棗、栗子、腰果及合桃浸洗一陣。
湯水食譜
6. 紅蘿蔔去皮切塊。
湯水食譜

7. 粟米洗淨切段。
湯水食譜
8. 煲內放約3L水,然後隨水加入陳皮。
湯水食譜

9. 待滾起後,加入所有材料。
湯水食譜
10. 繼續用大火加蓋煲約30分鐘。
湯水食譜

11. 之後轉慢火加蓋煲多1.5小時。
湯水食譜
12. 最後加鹽調味,就可以飲得啦。
湯水食譜

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!
小小豬Kinsey
【湯水食譜】羊肚菌姬松茸栗子紅蘿蔔素湯-補腦提神 幫助消化

 

常見問題:

這款湯水有什麼功效?
有助補腦提神,以及增強免疫力。

羊肚菌有什麼功效?
有益腸胃助消化、化痰理氣、補腎壯陽、補腦提神等功效。

素食者可以飲嗎?
可以的,這是一個素湯。

你有食譜分享嗎?

更多精選內容