呂爵安

呂爵安長文為《I SWIM》幕後護航 公開妹妹探班絕密片 為咩遭對方嘲諷?

熱話

廣告

呂爵安 Edan主演的ViuTV劇集《I SWIM》剛剛播映完畢,雖然很多網民大選演員做得出色,演技自然,不過另一方面狂批劇情不合理, 希望導演不要再推出電影版本。呂爵安遂於社交平台為劇集出文解釋,引來網民爭議,不過他泳有受到負面聲音影響,昨晚(25日)上載同妹妹小如豬為他做助手的片段﹐展現兄妹情深一面。

升中派位結果2022詳情

呂爵安社交平台千字文為《I SWIM》幕後護航

ViuTV劇集《I SWIM》播出頭幾集好評如潮,但之後網上湧出不少負面聲音,不少網民批評劇情離地兼老套,如劇情進度太快,很多細節未有一一解釋;如冠中書院學生因友誼賽輸了,向啟賢中學的學生報復;如成間中學的學生太看重水運會,緊張到好像奧運會一樣。

網民仲重點批評李馬榮(呂爵安 Edan飾演)與Miss翁(吳海昕飾演)的感情線多餘,劇中角色設定呂爵安Edan等人為中四學生,後來Miss翁為李馬榮辭職,甚至搬屋避嫌,最後二人又在大學相遇重逢,有網民嘲諷不如叫《I LOVE》好過叫《I SWIM》。雖然這部分明顯是導演故意拍出來為電影鋪路,但網民不賣帳,指不要再拍電影版。

結局當日,台前幕後的人員在社交平台上直播訴說感受,不少網民趁機批評結局伏線奇怪,導演馮志強在直播中表示會反省︰「近日收到好多訊息,有關批評嘅,我哋會注意同檢討。」

呂爵安
(圖片來源:FB@ViuTV)

呂爵安 Edan在社交平台上出帖表達自己對劇集結束的心情,他指為此角色付出很多努力,也同樣都收到很多關於劇集的意見。但他表示自己也分不清楚網民的批評意見是針對他的角色,還是只是討厭他。他又指雖然自己未曾演過類似角色,不過仍然會去嘗試。同樣地,他也希望觀眾不要只是單單批評劇集,而是希望大家給一些實際的意見,讓各方面得以改善。最後他指網民以外國劇集和香港劇集是做比較是不公平,認為結果即使未如理想,可是希望觀眾可以支持香港本土製作。

哩幾日排緊演唱會,都冇時間出post,而家返緊屋企偷時間出下先。

iSwim琴日大結局咗luu,自己都未睇尾兩集,可能要等演唱會後先睇到
但作為一個網癮少年,緊係睇到大家嘅討論,見到好多唔同嘅聲音啦。

有人問我,你會唔會好失望啊?
真心嗰句,我自己真係冇嘅,反而好興幸自己有參與其中
拍攝嘅過程固然學到好多嘢,但原來一個作品出街,睇返整個作品,再睇返自己嘅表現,同觀眾嘅意見,係會再令自己學到更多嘢,令自己有所成長
而哩(呢)啲經驗,就係可以比你用喺之後嘅演出 ,之後嘅作品上

今次李馬榮哩(呢)個角色,的確唔係自己做開嘅類型。當初做嘅時候,都好擔心自己會唔會太死咕咕,會唔會淨係演到個角色好唔自然
另一方面,又擔心大家會唔會睇唔慣,會唔會唔相信哩(呢)個角色,會唔會唔鍾意哩(呢)個角色

但係如果我因為驚就唔試,我就永遠都冇機會做其他類型嘅角色,大家就永遠都睇唔慣我做其他性格嘅角色
如果我因為擔心就唔試,咁其實…..我乜都唔洗做㗎啦喎
上台表演都擔心㗎,咁係咪唔做啊?

唔做,就唔會知自己有咩做得唔好,就唔會知自己有咩需要進步
可能有人今次睇唔慣,但經過今次之後,可能你就會睇得慣呢
可能今次做得未夠好,但經過今次之後,下次咪可以做好啲囉
所以,一定要做

大家成日話我哋落水好辛苦好凍拍攝好攰,但其實幕後團隊絕對係辛苦過我哋100倍。Call得早過我哋,收得晏過我哋,開鏡之前唔知準備咗幾多個月,落水陪我哋一齊落,演員有dayoff佢哋冇,仲未計錢添(㖭)

哩(呢)個團隊絕對係盡咗200%嘅心血,200%嘅力量喺哩個作品上面,特別係導演,真係用愛發電所以真係好感激同好respect幕後每一位,你哋真係好犀利

其實有意見先會有進步,盲撐係唔好,但盲_亦都唔好,所以我哋係好歡迎啲客觀建設性嘅意見。
唔怕老實講,我自己有時睇到啲負評都好confuse
話我唔緊要啊,講得啱嘅我會聽,然後盡力改。但有時我分唔到啲負評係因為本身唔鍾意我定點,搞到我都唔知take唔take好。不過都係嗰句,姐(即)係要再做好啲囉。

有討論其實真係一件好事,有人講好過冇人講。但我覺最緊要係大家要繼續支持香港嘅創作同製作(唔止係劇集啦)。成日問點解外國嘅好咁多,喂大佬人哋多咁多資源,多咁多人才,多咁多support。你幾可聽到一個後生仔話大個想做導演想做編劇?所以大家_嘅同時,都要繼續大大力支持,咁件事先會越嚟越好。覺得有問題有唔好嘅就比(畀)意見,希望佢下次變好!

講完,沖涼瞓覺!多謝iSwim,多謝導演,多謝所有台前幕後,多謝有睇有討論嘅每一位,多謝李馬榮(Viutv吳卓羲)哩(呢)段旅程好難忘,希望大家可以繼續支持香港嘅作品,亦希望大家下一次又可以見到一個唔同咗嘅Edan啦

千字文受網民爭議

不過有網民於討論區出帖,討論呂爵安 Edan的帖文內容是否妥當,網民指他以本土創作為由,希望觀眾支持,不少網民覺得劇集其實拍攝得不錯,但劇情離地,即使本土創作也不能夠接受,又勸說呂爵安 Edan先練好咬字。又有網民指文中寫支持他們進步完全是錯誤說法,因為劇集是娛樂觀眾,不是看他們進步。

不過有網民指呂爵安 Edan的帖文得體大方,認同他指出出帖者其實是內心是反對MIRROR,而不是覺得劇集有問題。有網民指劇集除了劇情之外,其他也是超水準,而且力撐呂爵安 Edan整篇文章其實也只是希望觀眾支持本土創作,並沒有阻止觀眾批評。

公開《闔家辣》幕後花絮+素顏

呂爵安 Edan靠劇集《I SWIM》人氣再度上升﹐而電影《闔家辣》票房也越戰越勇,上畫八日票房收獲港幣1,500萬,十日便衝破港幣1,700萬,正在台灣拍電影的梁詠琪發帖文祝賀。,而飾演梁詠琪兒子的呂爵安Edan昨日在個人YouTube上載VLog ,公開《闔家辣》西貢成豐片場幕後花絮,包括自己到片場的家和造型過程。

激嬲妹妹小如豬?即用一句安慰對方

呂爵安 Edan又找來妹妹(小如豬)作為一日助手,協助拍攝VLog。妹妹一如既往「嫌棄」呂爵安,妹妹指自己是被哥哥暗示下被逼來作為一日助手,呂爵安Edan連連否認指自己沒有叫妹妹到場幫忙:「係咩?我叫你唔使嚟㗎喎!」妹妹:「你暗示我!」呂爵安Edan反擊:「我無暗示你!我真係無,我無所謂。」妹妹不服氣哥哥在鏡頭前說謊,便嬲爆向哥哥說:「即係你唔想見到我!?」嚇到呂爵安Edan求生欲爆發,答「想~想見到」。

休息期間,呂爵安Edan問妹妹:「係咪成日喺屋企見到哥哥做家務啊?」妹妹即大爆秘密:「係就…奇喇。」呂爵安Edan即賣口乖:「我阿妹做晒㗎﹐好叻!」妹妹表示認同:「係囉,阿哥乜都唔做。」他問到自己表現如何,妹妹借機嘲諷表現一般般。他又不心息又再問自己的演技有沒有驚喜,妹妹決絕答沒有,指他的演技跟平時在家中的表現一樣。他自圓其說豈不是好自然,妹妹放棄理會他只謂你喜歡吧﹐二人互動非常搞笑。

最後,呂爵安Edan帶妹妹吃吳君如「萬歲」的食物,妹妹表示好飽,即被他寸,不過這位哥哥其實很關心妹妹, 離開片場時貼心提醒妹妹小心梯級。妹妹工作四小時後便和他搭車一起回家,被問到做一日助手有何感覺,妹妹說:「拍戲真係好攰(點解好攰?)因為要高度專注,我睇咗四個鐘都有啲攰(對阿哥嘅工作有無了解多咗?)有!(有無對哥哥尊敬嗎?)無。(做助手好玩?)唔太好玩。」

圖片來源:YouTube@ Edan Lui 呂爵安、FB@ViuTV、IG@edanlui、連登討論區截圖