基層出身藝人

10大基層出身藝人靠自己捱出頭:鄧麗欣公屋大 朱晨麗內地來港勁辛酸

熱話

廣告

娛樂圈並非個個都家景厚,其實都有不少藝人都是基層出身,在圈中打拼多年,默默耕耘,先有出頭天。今次就同大家一齊看看有哪10個基層出身的藝人啦!

原文刊於:東方新地

10個基層出身藝人

鄧麗欣屯門大興邨長大

鄧麗欣(Stephy)自細於屯門大興邨長大,讀書時做過兼職模特兒,後來入娛樂圈發展。Stephy以組合Cookies成員身份出道、做過歌手,又拍過劇集同電影,樂壇同影壇產量亦有一定數量。早前憑《空手道》於第24屆香港電影評論學會大獎,更憑《空手道》於金像獎提名最佳女主角,可惜不敵毛舜筠,失落獎項。雖然出身屋邨,但她出道打拼多年後,終於升呢入住貝沙灣大屋,之後亦轉戰內地賺人仔,令自己身家更加豐厚,事實證明一分耕耘一分收穫!

基層出身藝人
(圖片來源:東方新地照片庫)
基層出身藝人
(圖片來源:電影《失戀日》劇照)
基層出身藝人
(圖片來源:電影《空手道》劇照)
基層出身藝人
(圖片來源:東方新地照片庫)

李佳芯柴灣興民邨長大

現為大台一線花旦的李佳芯(Ali),其實出身於基層家庭,自小就與家人居住在柴灣興民邨,以前試過同朋友夾份開髮型屋,斟茶遞水咩都做齊!Ali完成副學士學位後,就因做模特兒而入行,做過有線節目主持,於2012年加入TVB,憑《學是學非》入屋,再加上於不同劇集如《潮流教主》、《誇世代》、《BB來了》有亮眼表現, 升呢做視后。

基層出身藝人
(圖片來源:東方新地照片庫)
基層出身藝人
(圖片來源:東方新地照片庫)

文詠珊梨木樹邨公屋長大

Janice Man當年𡃁模出身,與Angelababy同為𡃁模始祖,近年轉戰影圈,獲提名過香港金像獎最佳女配角!話說JM一家人因受97年金融風暴影響,一家人由私人屋苑搬到梨木樹邨公屋居住,14歲就已經入行!

基層出身藝人 𡃁模出身嘅JM,曾被譽為「𡃁界女神」。
𡃁模出身嘅JM,曾被譽為「𡃁界女神」。(圖片來源:東方新地照片庫)
基層出身藝人 今日,JM比往日更靚。
今日,JM比往日更靚。(圖片來源:東方新地照片庫)

Janice Man近年𡃁模味漸褪,於2007年起接拍不少電影,至近年更憑電影《赤道》及《寒戰II》入圍第35及36屆香港電影金像獎最佳女配角,努力有目共睹!除咗拍電影,近年她亦有番內地搵銀,仲有不時出席不同地方時裝騷,成日要四圍飛。

基層出身藝人 《赤道》劇照。
《赤道》劇照。(圖片來源:東方新地照片庫)
基層出身藝人
(圖片來源:東方新地照片庫)

王敏奕柴灣漁灣邨公屋長大

王敏奕於單身家庭長大,自小家境麻麻,以前與媽咪及兩個細佬住在柴灣漁灣邨百呎公屋。

基層出身藝人
(圖片來源:東方新地照片庫)

王敏奕14歲時已經半工讀,做兼職平面模特兒養家,搵錢幫補家計,但剛出道時工作不多,她自己亦曾自爆當時收入少到「試過戶口一百蚊都冇!」。而有「氣質女神」之稱的她終與曾志偉兒子曾國祥拉埋天窗,不時會在個人社交網放閃光彈,升呢進駐三千萬貝沙灣豪宅。

基層出身藝人 《飛虎之潛行極戰》劇照。
《飛虎之潛行極戰》劇照。(圖片來源:東方新地照片庫)

朱晨麗住劏房

朱晨麗16歲時以優才身份從內地來港,曾為儲學費而節衣縮食,更與同學夾錢住劏房。

基層出身藝人
(圖片來源:東方新地照片庫)

2011年因成為港姐冠軍而入行,成為TVB花旦之一,曾表示為講好廣東話,而下了不少苦功!入行已11年 的她,17年在《萬千星輝頒獎典禮2017》成功獲得「最佳女配角」一獎,講得獎感言時提到:「希望我哋喺內地成長嘅小朋友,嚟到香港之後依然可以打出一片天,一齊支持我哋!」。

基層出身藝人
(圖片來源:東方新地照片庫)
基層出身藝人
(圖片來源:東方新地照片庫)

黎諾懿公屋出身

人地話成功需要父幹,但就算沒有父幹,有後天努力一樣可以打出個名堂。公屋出身嘅黎諾懿,細個時爸爸因病離世,媽媽獨力養大兄弟三人。

基層出身藝人
(圖片來源:東方新地照片庫)

因12年處境劇《愛·回家》中擔正男主角之一,飾演馬壯一角大獲好評。自此,一講「神之子」,就係人都知邊個。

基層出身藝人 講起馬壯,點少得佢同尹德如條感情線。
講起馬壯,點少得佢同尹德如條感情線。(圖片來源:東方新地照片庫)

2014年,他與家族資產近5億嘅李潔瑩結婚,育有兩子,現在相信黎諾懿都是有仔萬事足,為做個好爸爸同好老公而努力不懈!

基層出身藝人
(圖片來源:[email protected]

王祖藍沙田恆安村長大

屋村出身的王祖藍,細個全家住在沙田恆安村。祖藍因與阮兆祥、李思捷做《荃加福祿壽》開始走紅,一路以嚟靠自己密密工作,賺到盤滿缽滿。

基層出身藝人
(圖片來源:東方新地照片庫)

現在祖藍於內地工作不斷飛撲埋身,賺錢能力高企,同時亦不忘對家人多加照顧。侍母至孝嘅佢就以3700萬,買入自己寓所同屋苑連花園特色戶畀阿媽住。2015年,祖藍同李亞男結婚,「愛妻號」的他就買下過億逸瓏灣連天台複式單位給老婆李亞男,這個老公真是無得頂!

基層出身藝人 王祖藍
除咗錫媽媽,王祖藍同細妹感情一樣好,佢亦喺逸瓏灣買了一個700呎單位送俾細妹居住。(圖片來源:東方新地照片庫)

楊思琦大坑西邨長大

有慳妹之稱的楊思琦以前住在大坑西邨,據知她慳家的目的是為了可以儲錢置業。香港小姐冠軍的思琦妹曾為TVB花旦之一,可惜其後離巢,結束13年賓主關係。其後她誕下一女楊卓穎(Krystal)與一子Kody Yeung,獨力湊大仔女,對小朋友疼愛有加。

基層出身藝人
(圖片來源:東方新地照片庫)
基層出身藝人
(圖片來源:[email protected]

李幸倪住北角劏房

歌手李幸倪(Gin Lee)2010年由馬來西亞來香港發展,當時她窮到住北角劏房外,仲要無錢交租,需要靠好友接濟。好彩,Gin Lee沒有因窮到冇錢交租而放棄唱歌理想,2015年就因參加內地節目《中國好聲音》而成功翻身,近年不時上台攞獎。

基層出身藝人
(圖片來源:東方新地照片庫)
基層出身藝人
(圖片來源:東方新地照片庫)

劉德華於新界農村長大

貴為天王的華仔可以講是由基層出身而不斷努力的典範,他出身於新界農村,6歲時搬到鑽石山嘅木屋區,但於11歲時家園卻被大火燒毀,遷住寮屋,1年後再搬到藍田邨。

基層出身藝人
(圖片來源:東方新地照片庫)
基層出身藝人
(圖片來源:東方新地照片庫)

當年中六預科肄業的華仔,因加入TVB藝員訓練班,結果就成為咗佢入行之路,至今一共參演了多部電視劇和超過140部電影,作品數量驚人。

現時華仔歌、影、視均見其影,多年嚟對香港電影及音樂貢獻良多,在工作上的熱誠同認真,一定無可置疑。所以,今日華仔的成就,全憑個人驚人毅力同努力爭取番嚟!父幹?咩嚟㗎?

基層出身藝人 電影《無間道》劇照。
電影《無間道》劇照。(圖片來源:東方新地照片庫)
基層出身藝人 電影《折彈專家》劇照。
電影《折彈專家》劇照。(圖片來源:東方新地照片庫)

常見問題

為何內地《飯戲攻心》內容被刪減?

《飯戲攻心》在9號在內地上畫,除了戲名被改之外,更有網民懷疑,片商為了…詳情請看:內地版狠Cut兩分鐘上畫 港式笑話、戲名等三大改動變感可惜

劉德華如何走紅?

貴為天王的華仔可以講是由基層出身而不斷努力的典範,他出身於新界農村,6歲時搬到鑽石山嘅木屋區,但於11歲時家園卻被大火燒毀…詳情請看

關鍵詞
基層
圖片來源:新傳媒圖片庫、文詠珊、王敏奕、黎諾懿、楊思琦、李幸倪-instagram、王祖藍微博

你又點睇?