與老婆遊日罕晒幸福 鄭中基由無賴蛻變成好老公

與老婆遊日罕晒幸福 鄭中基由無賴蛻變成好老公

現年47歲的鄭中基於2011年迎娶前有線女主播余思敏(Sammie),同年誕下大女鄭梓喬(Emma),婚後的鄭中基一改以往「無賴」的性格,專心一作,對Sammie和孩子都照顧有嘉。現在的鄭中基,可說是真正的「浪子回頭」,全因太太Sammie和一雙兒女,才令他人生變得更圓滿。

撰文:Kayla|圖片來源:Instagram、新傳媒圖片庫

鄭中基帶老婆遊日晒幸福

每年4月,正是日本櫻花盛開的日子,不少藝人都赴日賞櫻,鄭中基和Sammie亦不例外。平日比較少在社交網站上分享與太太合照的鄭中基,在旅行那幾天與老婆二人世界,更在櫻花下合照,還晒出「老公視覺」下的Sammie,寄語各位老公要專心幫老婆影靚相。

鄭中基

鄭中基

「為響應老婆影靚相嘅訴求,今次去旅行預留多啲時間,專心影靚佢😙#終於有時間#今次冇詐型啦掛#十萬個激嬲老婆的理由#一秒氹返#老公求生日記」

鄭中基

變身廿四孝老公、爸爸

曾經自嘲是無賴的鄭中基,自從2011年被Sammie降服後,簡直脫胎換骨由無賴轉化成「廿四孝」愛妻號,一對寶貝仔女出世後更加變深閨,幾乎絕跡社交活動,放工第一時間趕回家做住家男。

據知情者透露 :「識咗Sammie之後 ,Ronald簡直變咗另一個人,唔再貪玩成個踏實晒,應酬活動更加唔願去,寧願留喺屋企陪仔女玩,佢完全畀對仔女融化咗,對住佢哋好滿足,全日對住對仔女都得。」

以往經常流連夜店的鄭中基,婚後變住家男,陪著仔女成長已成他人生最大動力 , 七歲女兒鄭梓喬(Emma)以及三歲兒子鄭梓仁(Evan)更同爸爸餅印一樣。

知情者續指:「咪睇佢以前成日掛住玩,做咗爸爸之後,佢乜都仔女行先,又錫老婆,唔會將湊仔責任推晒畀太太,成 日都會話太太為佢付出咗好多,真係估唔到佢可以咁黐家!」

上年三月鄭中基生日,他就專登放假陪太太及仔女去迪士尼玩,更慈父上身畀兒子騎住膊馬睇表演,對住家中三個寶貝,完全變身幸福family man!

鄭中基公開感激太太

賢慧的余思敏深得老爺奶奶歡心,將一對仔女教得精乖伶俐,Sammie功勞可不小。去年《 play it again》演唱會澳門站,鄭中基就在台上感激太太說:「佢為我增加咗兩個心愛嘅人,以前我從冇 諗過生小朋友,我係浪子,點會左拉右拖,不過做咗爸爸,成日會同導演講要開早啲,等我早啲收工返屋企陪細路!」

診所內有不少兒童遊樂設施及玩具,鄭中基同老婆就陪住仔女一齊玩,只見鄭中基忙於睇電話,仲要攞件玩具氹個仔,果然廿四孝慈父!

鄭中基

為何讓喜歡我 我這種無賴

當年一首《無賴》為鄭中基創出另一個事業高峰,鄭中基更曾坦言《無賴》是以自己的心聲而寫的歌。在2000年,鄭中基乘搭飛機由美國洛杉磯去台北,途中他喝醉酒、在飛機上吸煙,當空姐及機艙服務員上前制止時,鄭中基更激動打人,最終被美國FBI拘捕。

當年,美國FBI起訴鄭中基一項可令他入獄20年的罪行,但幸好最後並沒有入獄,只是罰款,但此事令他的事業走下坡。

鄭中基在娛樂圈中也有一個花名叫「太子基」,原因就在於他的驚人家底,他的父親鄭東漢堪稱是亞洲娛樂業界的娛樂大亨,是第一個國際唱片集團華人總裁,是金牌大風唱片公司的大老闆,同時也有「華語音樂教父」之稱,曾經捧紅過鄧麗君、許冠傑、張國榮、張學友等多位天王級人馬。

鄭中基

鄭中基

再創事業高峰

醉酒鬧事令鄭中基的歌唱事業直走下坡,他指自己曾經意志消沉,幸得劉德華一番鼓勵,才令鄭中基轉戰電影圈,拍出多部極受歡迎的電影,如《龍咁威》系列、《追擊八月十五》、《我要做Model》等等。

鄭中基
《龍咁威》中的「瑞士山區肺」,是不少8、90後都能背出台詞的一幕。
鄭中基
《我要做Model》:「廁紙」這回事,是沒能夠買的。

在2013年,鄭中基更憑《低俗喜劇》中「暴龍哥」一角成功奪得「最佳男配角」,他在講得獎感受時多番哽咽,說出了多年來的心底話:「由我出道開始畀人印象唔係幾好,因為我爸爸係個唱片公司嘅老闆,而我自以為自己唱咗幾首歌就懶叻咁,咁亦都冇令大家跌眼鏡,我周不時都出事。但好彩我一世都好好運,畀我遇到好多好錫我、好支持我,同冇放棄我嘅人。」

鄭中基

「劉德華先生同我講過,浪子回頭金不換,你而家開始要諗下跟住要點做,要點行。你仲有大把時間,不過你真係要諗清楚。所以我將自己覺得最叻嘅唱歌放低咗,我去咗拍電影,由我唔識嘅嘢開始做。」

鄭中基

最後,鄭中基更在台上多謝家人、太太Sammi和女兒Emma:「我要多謝我屋企人,我爸爸媽媽,一直對我不離不棄地支持。同埋我要呢個獎,獻畀我老婆Sammie同個女Emma,多謝你哋。」而Sammie在台下則哭成淚人。

鄭中基

鄭中基

延伸閱讀:【香港電影金像獎2019】盤點歷屆金像獎之「最」

鄭中基的兩段情

當年鄭中基與同期出道的楊千嬅拍拖,鄭中基更以一曲《2月3日》(楊千嬅的生日日期)成功奪得千嬅芳心。縱然當時二人戀情被看好,但最終分手收場,而至今雙方仍一直維持好友關係,極為罕見!

去年鄭中基舉辦演唱會,楊千嬅更擔任嘉賓與前度同台合唱,結束前大家更喺歌迷見證下友情擁抱!

與鄭中基分手後,千嬅於2007年與細佢5年嘅丁子高拍拖,兩年後更註冊結婚。2012年,千嬅為老公誕下一兒丁進諾(Torres),生活美滿!

View this post on Instagram

Finally …. ❤️ 中秋節快樂🐰

A post shared by 楊千嬅Miriam Yeung (@yeungchinwah) on

鄭中基與千嬅分手後,於2009年承認與蔡卓妍(阿Sa)拍拖,並於美國與阿Sa註冊結婚,可惜最後二人於10年宣布二人因了解而分開。

鄭中基

你有獨家湊BB心得嗎?

更多精選內容