愉景灣酒店 Monchhichi Staycation包下午茶+曲奇班+早餐

愉景灣酒店 Monchhichi Staycation包下午茶+曲奇班+早餐

親子好去處

Monchhichi小粉絲們要留意!香港愉景灣酒店推出住宿優惠,房價$1,637 (已連服務費)起,免費連卡通主題下午茶及DIY鎖匙扣工作坊或曲奇班,免費使用酒店的室外泳池,仲送出多款Monchhichi精品!

資料、圖片授權:澄兄湜弟 |編輯:TLY

Monchhichi露台海景房

原本Book海景房,因為極想要望海景嘅大浴池。去到發現今個月開始Monchhichi主題,即時加錢upgrade,無懸念!2pm 開始check-in,我哋大約 1.45pm 到,好好彩仲有Monchhichi房間,仲攞到惟一一間有露台嘅海景房!一出電梯已經入咗 Monchhichi 世界,牆上仲有幾幅Monchhichi 環遊世界嘅掛畫,唔放過先打卡打卡。房間充滿Monchhichi怖置,床上cushion、露台的門、鏡、浴室都係貼滿夏日風格。

仲有一隻Monchhichi公仔喺沙發休息,酒店送咗Monchhichi拖鞋、紋身貼紙、沙灘玩具及 沙灘蓆。我哋即刻開晒嚟玩,一家四口都貼晒 Monchhichi嘅紋身貼紙。

仲有一隻Monchhichi公仔喺沙發休息。我原本以為咁正酒店送Monchhichi,因為單買呢隻好似 xx ,所以有睇清楚房間d memo。
仲有一隻Monchhichi公仔喺沙發休息。我原本以為咁正酒店送Monchhichi,因為單買呢隻好似 $4xx ,所以有睇清楚房間d memo。
酒店送咗Monchhichi拖鞋、紋身貼紙、沙灘玩具及 沙灘蓆!我哋即刻開晒黎玩!
酒店送咗Monchhichi拖鞋、紋身貼紙、沙灘玩具及 沙灘蓆,我哋即刻開晒嚟玩!

Cafe下午茶

休息一陣,3pm就去食酒店Cafe下午茶,Monchhichi房包埋,好細心,有Monchhichi口罩套及圍巾畀我哋用。Cafe 佈置當然都係Monchhichi啦!意外地下午茶餐好多選擇,自選冷麵、小食、水果等等,超多款式嘅甜品好好食,仲好靚。

Monchhichi cooking class

4.15pm去上Monchhichi cooking class,小兄弟親身整Monchhichi曲奇,廚師預先搓好麵團,我地只係轆平及吸模,但已經令小朋友好忙好忙!哥哥講咗好多次「好好玩」,媽媽都表示好滿足!

沙灘

5.15pm 出發去沙灘!由酒店行去只係15分鐘,計埋兩兄弟邊行邊玩嘅時間。玩到7pm 就返嚟同Monchhichi泡泡浴,一家四口一齊浸都得,仲可以望住夜景,大人細路都超開心!去附近食完快餐,返到房再玩一陣Monchhichi幻燈片燈先瞓。

 

泳池

爸爸7am起身去預約第一節 (7.45-8.45am) 泳池,小朋友一起身就可以再去玩水。雖然小朋友嬉水池無開,但大人池邊有個位置好淺水,好啱小朋友玩水,兩兄弟終於下水禮,同爸爸潑水已經玩到傻。返上房間再浸浴過水,一個Monchhichi浸池,早晚唔同景觀,兩種享受!覺得好抵!

套房包兩位大人早餐

預約10am食早餐,套房包兩位大人早餐,澄兄身高超過90cm,只係加約 $92(連加一),都合理。11am check out,我哋把握最後機會,去埋兒童遊戲室玩。不過,比較啱大小朋友,有籃球機、遊桌球、氣墊球、街機等,爸爸第一次同兩兄弟一齊打街機。然後,梗係去埋玩Epicland 喇!

香港愉景灣酒店
地址:香港大嶼山愉景灣海澄湖畔路88號(顯示地圖)
預訂

 

資料、圖片授權:澄兄湜弟

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你會帶仔女去嗎?

更多精選內容