荃灣西海濱長廊

荃灣西海濱長廊|港版鳥居隧道+海傍芒草+貓咪海濱 偽日本之旅免費打卡

親子好去處

廣告

荃灣西海濱長廊|疫情下已經好耐冇去過日本,不過香港有唔少日本風情嘅打卡位,可以同小朋友去一個偽日本之旅。荃灣西海濱除咗可以順便去附近嘅港版偽鳥居隧道打卡,仲可以去睇芒草同期間限定嘅貓咪海濱,快啲同小朋友去打卡啦!

圖文授權:Little twin stars龍鳳寶寶|編輯:Billie

荃灣西海濱長廊|日本鳥居 一秒到達

因為疫情關係,已經很久沒有一家大細去日本旅行,原來係香港都可以睇到港版偽鳥居!係荃灣海濱長廊往深井方向走就可以見到以橙色色調為主的港版鳥居,雖然是行車隧道,不過只要就啱角度,打卡嘅時候就會好似日本鳥居。隧道一間間的線條,配上一旁的海景,就好似去咗日本旅行咁!如果有興趣再向前行,沿路往深井方向的風景都好靚,令人覺得好舒服。

荃灣西海濱長廊 行車隧道影相好似鳥居一樣。
行車隧道影相好似鳥居一樣。(圖片來源:Little twin stars龍鳳寶寶)

荃灣西海濱長廊|海傍芒草 充滿秋天氣色

鳥居隧道之外,海濱長廊周邊還有很多芒草,天氣開始轉涼,啱哂同小朋友一齊去欣賞打卡,不用特別入去南生圍,都可以見到。芒草配上海景,充滿秋天氣息,點影都咁靚。海濱長廊的自然風景很美,每張照片都很漂亮。有體力又想同小朋友一起運動一下,海濱長廊沿路還有單車徑,可以吹住海風踩單車同時欣賞一大片嘅芒草。由於沿路都沒有很多遮蔭地方,所以建議黃昏時份去,而且要做足防曬和限蚊措施啊。

荃灣西海濱長廊 荃灣西海濱長廊可以見到很多的芒草。
荃灣西海濱長廊可以見到很多的芒草。(圖片來源:Little twin stars龍鳳寶寶)

荃灣西海濱長廊|貓咪癲噹海濱 玩得又睇得

睇完港版鳥居同海傍嘅芒草,不妨去睇埋荃灣海濱長廊的癲噹!小朋友可以跟住地圖找出打卡位,得意又有趣。其中有「彩色旋轉椅」,又可以轉又可以打卡。仲有「貓巴士」,有得揸車又有得響鈴,小朋友好鐘意。至於「貓拼圖」就可以轉板幫貓咪換衫換鞋,好玩得嚟又可以打卡!咁多個入面最神秘嘅係「美貓魚」,因為喺海邊岩石上面嘅關係,唔係咁易發現,囡囡好開心咁同美貓魚影咗張對比圖。有興趣同小朋友去打卡嘅媽媽要留意啦,癲噹係期間限定架,只係去到10月11日!

荃灣西海濱長廊 貓巴士超級得意!
貓巴士超級得意!(圖片來源:Little twin stars龍鳳寶寶)

荃灣西海濱長廊|維港癲噹開心村

日期:即日起至10月11日

地點:荃灣海濱公園長廊(荃灣西地鐵站B1 出口,右轉步行5分鐘,由荃灣西行向深井方向)

費用:免費

 

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你會帶仔女去嗎?

更多精選內容