揀中學頭都大？不如親身去睇！啓思中學10.31開放日：體驗IB/HKDSE雙軌課程 發掘子女「無限可能」
廿載育人里程碑 IB/HKDSE雙軌並行 培育具國際視野未來領袖
走過二十載育人之路，啓思中學見證住一代又一代年輕人茁壯成長。學校一直推行IB國際文憑及HKDSE本地文憑嘅雙軌課程，包括國際文憑中學項目（IB MYP）、國際文憑大學預科課程（IB DP）及香港中學文憑（HKDSE），畀學生根據自己嘅志向同能力揀最適合自己嘅路。學校以英語為主要教學語言（EMI），校園社群充滿活力，學生來自超過35個國家，畀仔女喺一個多元共融嘅國際化環境中學習同成長，自然更具備國際視野。
學校最引以為傲嘅，係貫穿三大課程嘅「探究式教學法」。老師會鼓勵學生喺試驗、錯誤同未知中主動學習，培養批判性同創造性思維。呢種教學模式唔單止能夠啟發學生嘅創新思維，更能培養出充滿自信、有責任感嘅世界公民。學校嘅學術成績亦同樣出色，過往就曾經出過IB滿分（45分）狀元，足證教學質素有保證。
10.31開放日焦點預告 親身體驗課堂、與師生家長面對面交流
想知學校嘅學習氛圍同環境係咪真係適合自己仔女？親身去開放日行一轉就最實際！今年嘅開放日活動非常豐富，家長同仔女可以透過唔同活動，全面體驗啓思中學嘅校園生活。
- 入學講座：想深入了解啓思中學嘅收生要求同入學程序？咁就唔可以錯過喺下午1時15分舉行嘅入學講座，校方會詳細講解申請入讀嘅各項資訊，幫你做好萬全準備。
- 皇牌活動：小五及小六課堂體驗班 開放日特設兩節專為小五及小六學生而設嘅課堂體驗班，名額只有15個，每位學生可由一位家長陪同。仔女可以親身感受啓思中學嘅探究式學習模式，機會難得！提提大家，報名參加體驗班嘅話，活動當日記得帶備學生證、手冊或成績表等文件，以核實學生年級。
活動詳情及交通貼士 立即報名預留名額
啓思中學開放日 2026 日期：2026 年 10 月 31 日（星期六） 時間：上午 11:00 至下午 3:30 地點：啓思中學（香港將軍澳蓬萊路 3 號）
為方便各位家長同仔女，學校亦有貼心交通安排：
- 免費穿梭巴士服務：由早上10:30起，每15分鐘一班往返港鐵坑口站A出口（名成街，近綠色小巴109M站）至啓思中學。
- 步行前往：由港鐵坑口站步行至校園只需約15分鐘。
- 泊車安排：溫馨提示，校園內不設泊車位。如需駕車，建議預留時間使用學校對面「清水灣半島」嘅時租停車場。
想參加「啓思中學開放日 2026」，就快啲把握機會，填妥網上表格報名啦！報名將會優先考慮申請 2027/28 學年入學嘅家庭。
順帶一提，學校現正亦招收中一至中四級別嘅插班生，有興趣嘅家長都可以透過學校網站了解更多詳情。
「在這裏，我們茁壯成長，服務社群，立足世界。」想為仔女嘅未來發掘更多可能，就由參加今次開放日開始！
報名及查詢
