中年好聲音2｜肥媽拎張佳添婚姻狀況做比喻 吳大強告別選秀眼濕濕
上半場&下半場 出場15首名單如下，另外無綫在1月15日展開了《1+2助力賽》歌單投票，最高票數係下半場「羅啟豪 ＋譚輝智」的組合及歌曲，即看頭8首歌曲分數：
- 《莫再悲》吳大強＋鄭梓浩 / 82分
- 《姊妹》李佳＋陳俞霏 / 89分
- 《信自己》曹敏寶+陳蒨葶 /84分
- 《夢醒時分》龍婷＋王玥 /82分
- 《笑忘書》周吉佩＋林若盈 /85分
- 《如願》支嚳儀＋安雅希 /91分
- 《幸福之歌》顏志恒＋顏米羔 /88分
- 《假使世界原來不像你預期》丁文俊＋沈宗賢/81分
- 《漫步人路》 陳燕娜＋龍婷 / （下周登場）
- 《友共情》古淖文＋周吉佩 /（下周登場）
- 《我是一隻小小鳥》 李佳＋劉可 /（下周登場）
- 《Shall We Talk》 黃劍文 ＋魏嘉信 /（下周登場）
- 《最佳損友》 顏志恒 ＋梁浩賢/（下周登場）
- 《今日》林鉫徫 劉威煌/（下周登場）
- 《今天等我來》 羅啟豪 ＋譚輝智/（下周登場、網上投選票數最高分）
沈宗賢「賣慘」揀錯歌變最低分跌危險區 肥媽拎張佳添離婚作比喻極尷尬
中二生沈宗賢、中一生丁文俊合唱方皓玟原唱嘅《假使世界原來不像你預期》，丁文俊專門為後輩挑選呢首歌一齊合唱，但原來沈宗賢並不認識這首歌曲，勉強獻唱結果未能掌握歌曲的，周國豐更直指咬字音色共鳴都未夠水準。
不過肥媽在評價沈宗賢揀錯歌時，就以張佳添離婚作為比喻，令到場面甚尷尬！現年53歲的張佳添於1998年與香港填詞人及作曲家黃敬佩結婚，二人婚後育有一名女兒，但於2012年離異。他其後認識了澳洲籍女友張佩詩，二人婚後育有另一名女兒（2013年出生），現時亦已離婚，去年張佳添被指得在街頭與長髮女子咀嘴，十分肉緊，似乎又有新戀情。
「顏米羔」孖「顏志恒」化身Band仔唱到爆青筋
另一個最期待畫面，是有「顏志恒2.0」之稱的顏米羔與顏志恒終極合體，兩位顏氏宗親化身Band仔獻唱《幸福之歌》，激情四射的兩人唱到青筋暴現，周國豐說：「呢首歌係能量好高嘅歌，係會唱死人，米羔嘅能量釋放加上志恒嘅配合，成件事好Man。」伍仲衡則說：「米羔把聲好啱唱band sound，你把聲好有火同埋有少少反叛，唱呢首歌就好表現到你嘅態度。同埋要讚讚顏志恒，你和音進步咗好多，我記得你之前話唔識唱和音㗎喎。」
吳大強眼濕濕稱係最後一次比賽 點知跌入危險區
吳大強夥拍鄭梓浩出戰，但估唔到感動到眼濕濕嘅竟然係吳大強，佢喺台上表示：「今次可能我係唱歌比賽最後一次，所以心情特別興奮同緊張。」佢仲問返拍檔鄭梓浩自己嘅演出好唔。二人合唱林子祥原唱嘅《莫再悲》，鄭梓浩自然而且有時代感嘅唱功獲得評審認可，可惜因為欠缺拍子感，結果只得到82分。
吳大強好感觸，揚言今次可能係人生最後一次為比賽演唱！（圖片來源：TVB）
支嚳儀帶安雅希唱王菲《如願》成功晉級奪91分
聽到大家毛管戙嘅，仲有支嚳儀同安雅希嘅演出，評審張佳添仲讚支嚳儀呢次嘅表現，唔只平反咗佢之前失聲嗰幕，仲話佢呢次係喺好聲音呢個舞台上最正嘅演出。佢哋之後接受訪問時，支嚳儀就話幫安雅希起咗個花名叫「雞皮女王」，因為自己聽對方唱歌會起晒雞皮，成身嘅毛孔都會因為對方而起立。
林若盈就會同上屆冠軍周吉佩合唱，喺比賽入面多次跌入危險區嘅林若盈，就話吉吉分享咗唔少意見畀自己點樣可以再做好啲。
陳俞霏大爆發晒「俞Chill風」絕殺 「和音之鬼」李佳獲讚定海神針
沉寂多時的陳俞霏本集迎來大爆發，孖住「和音之鬼」李佳合唱《姊妹》，出名Hyper的俞霏在李佳神助攻下，將招牌「俞Chill風」絕殺發揮得淋漓盡致，唱跳之餘，還大晒親自創作的Rap，表現亮眼，張佳添大讚：「佳佳發揮咗定海神針作用，有李佳喺度你知道自己做緊啲咩，成首歌睇完好開心。」周國豐則說：「俞霏真係要多謝李佳，李佳出晒名好肯同埋好有能力去幫人，呢首歌其實唔係好適合去比賽，但李佳畀咗你好多自由發揮。」
陳蒨葶曹敏寶玩跳唱晒青春活力 張佳添：兩位《聲夢》學員入錯廠？
曹敏寶＋陳蒨葶同樣搶眼，兩位靚女跳唱《信自己》非常落力兼盡顯青春活力，張佳添笑言：「兩位《聲夢傳奇》學員你哋係咪入錯廠？嗰種青春活力我唔相信係《中年好聲音》，十個字送晒畀陳蒨葶，青春、活力、動感、養眼、自信。」肥媽則說：「初初話蒨葶似鄭秀文，NO！你係你自己。」
支嚳儀、安雅希合唱王菲《如願》奪最高分！魔人二重唱 驚人合拍 「神級助攻」不能一次細味！
吳大強、鄭梓浩合唱《莫再悲》大強最後一次參賽 背負沈重壓力 卻跌入危險區！｜
李佳、陳俞霏合唱《姊妹》唱到米高積遜上身 好在有佳佳做「定海神針」
曹敏寶、陳蒨葶合唱《信自己》青春、活力、動感、養眼、自信
龍婷、王玥合唱《夢醒時分》五位評審大讚龍婷唱得好 但竟跌落危險區！
周吉佩、林若盈合唱《笑忘書》兩位唱出屬於自己嘅演繹 令人回味！
顏志恒、顏米羔合唱《幸福之歌》顏氏宗親終極合體！化身Band仔唱到爆青筋
《假使世界原來不像你預期》有「大神」丁文俊助陣都攞最低分？沈宗賢你搞乜鬼？
第八部曲十五強獲「中一生」助陣，同訴人生之歌。 鄭梓浩、吳大強藉《莫再悲》互勉；王玥、龍婷變奏搖滾版《夢醒時分》。陳俞霏自創Rap詞，夥李佳頌唱《姊妹》情。 陳蒨葶、曹敏寶跳唱《信自己》，活力似「聲夢」學員？成長中經歷失望，林若盈、周吉佩以《笑忘書》療癒大家。安雅希、支嚳儀《如願》合作，唱到評審「拾回人性」？ 顏米羔、顏志恒唱着《幸福之歌》，領悟樂觀人生。沈宗賢、丁文俊《假使世界原來不像你預期》分數只有81分。
下周歌單：
- 《漫步人路》 陳燕娜＋龍婷 / （下周登場）
- 《友共情》古淖文＋周吉佩 /（下周登場）
- 《我是一隻小小鳥》 李佳＋劉可 /（下周登場）
- 《Shall We Talk》 黃劍文 ＋魏嘉信 /（下周登場）
- 《最佳損友》 顏志恒 ＋梁浩賢/（下周登場）
- 《今日》林鉫徫 劉威煌/（下周登場）
- 《今天等我來》 羅啟豪 ＋譚輝智/（下周登場、網上投選票數最高分）
