中年好聲音2總決賽7強名單！50歲楊千嬅加盟做評判！呢兩位呼聲最高
《中年好聲音2 》7強名單、總決賽評判新增50歲楊千嬅：
- 古淖文 (35歲)｜職業：澳門藝人及司儀｜累積分數：45
- 安雅希 (36歲)｜職業：英文主播｜累積分數：40
- 譚輝智 (38歲)｜職業：廣告設計｜累積分數：39
- 顏米羔 (42歲)｜職業：電影導演｜累積分數：38
- 黃劍文 (40歲)｜職業：自由工作者｜累積分數：37
- 沈宗賢 (41歲)｜職業：吉隆坡髮形師｜累積分數：32
- 陳俞霏 (35歲)｜職業：音樂搬運工｜累積分數：29
—-出局—- - 劉威煌 (43歲)｜職業：製作公司的負責人
- 陳蒨葶 (37歲)｜職業：物業代理
- 陳燕娜 (35歲)｜職業：營業副總監
- 鄭梓浩 (54歲)｜職業：營養品直銷商
- 林若盈 (35歲)｜職業：歌唱導師
中年好聲音2｜「觀眾最愛好聲音大獎」網絡投票
《中年好聲音2》經過多個月的比賽，最後7強選手終於誕生！他們不斷挑戰自我，突破極限後，終於來到最後一戰的舞台，大家又覺得哪一位值得你的支持呢？觀眾只要3月17日起，參加《中年好聲音2》「觀眾最愛好聲音大獎」網絡投票，即可以幫助你所喜愛的歌手，令他有機會證明自己是《中年好聲音2》的人氣王！
《中年好聲音2》「觀眾最愛好聲音大獎」投票途徑如下：
TVB官方 Whatsapp 頻道 投票： bit.ly/sing2pollwa
TVB官方投票網頁： https://tvb.app.do/sing2poll
中年好聲音2 ｜總決賽7強名單｜1. 顏米羔 (42歲)｜職業：電影導演
2次奪得MVP：第9集《誰可相依》、第14集《淑女》
顏米羔原先是一名保險理財顧問，亦曾跨足電影界嘗試做導演。2017年，第一次執導拍三級電影《私人會所》，故事講述以香港高級私人會所為背景，描寫會所女生、城中名人、富二代同金融界交織的情慾故事。該電影演員包括馮海銳、李任燊、前港姐陳潔玲演出，大量激烈床戲，畫面非常進擊！顏米羔接受傳媒訪問曾指故事人物參照真實個案，唔少情慾戲更由顏米羔親自揸機！
中年好聲音2顏米羔起底
中年好聲音2 ｜總決賽7強名單｜2. 安雅希 晉級 MVP (36歲)｜職業：英文主播
3次奪得MVP：第12集《今生今世》、第15集《給自己的歌》、第24集《我不難過》（與黃洛妍合唱）
安雅希成功hold住情緒，穩定發揮獻唱《給自己的歌》成為MVP！安雅希再次刷新節目最高分紀錄，獲得95分，嘉賓評審張家誠更派出本季首個20分滿分。安雅希坦言歌曲送給父母，佢哽咽指年幼時爸爸、媽媽忙於工作，無法經常陪伴：「嗰個年代媽媽有請外籍老師教我英文，但嗰時係小朋友唔理解，覺得(爸媽)點解成日唔喺度，直到讀大學時自己打兩份工，先體驗到爸爸、媽媽原來係好唔容易，但當我理解咗之後，爸爸就生病，好想話畀大家聽一定要珍惜，可能等到你諗通想孝順時，已經冇機會喇…」哭成淚人嘅佢向到場支持嘅媽媽感謝又送上飛吻，場面感人。安雅希更多謝亡父遺傳好聲線，喺受訪時講起離世嘅爸爸，依然難掩悲傷哽咽。
中年好聲音2 ｜總決賽7強名單｜4. 譚輝智 (38歲)｜職業：廣告設計
4次奪得MVP：：第17集《左右為難》（與顏米羔合唱） 、第19集《今天等我來》（與羅啟豪合唱）、第21集《歸來吧》、第25集《抉擇》
第七回合，《十八強故事之歌 年終淘汰戰》18強選手挑選自己嘅「生命之歌」，唱出自己嘅人生故事，最終得分最低嘅兩位將被淘汰！譚輝智選唱李克勤原唱嘅《深深深》，佢用呢首歌唱出昔日留學生活嘅孤獨感，紮實唱功甚至令評審對呢首歌改觀。
中年好聲音2譚輝智
中年好聲音2 ｜總決賽7強名單｜5. 陳俞霏 (35歲)｜職業：音樂搬運工
MVP次數：零！
上一集「故事之歌」的18強回合繼續淚水泛濫，以 All Black 造型亮相的陳俞霏獻唱《沒結果》，她坦言這首歌是她人生的寫照，她哭着說：「好細個爸爸就過咗身，媽咪一個人獨力湊大我，好多單親家庭嘅孩子都會明白，佢哋（父母）唔係好識愛，但佢會畀到好多物質上嘅嘢我，同埋選擇咗道路畀我行，其實講到底我都係想你接我返一次學，只係想一家人一齊食一餐飯，我咁多年嚟冇同屋企人過個一次生日，好多嘢都係批評之下度過，無論點做都冇用，所以我覺得人生係好失敗。」人生閱歷豐富的肥媽聞言後語重心長說：「你覺得冇同屋企人食過一餐生日飯係好慘嘅事，你係錯嘅，你家人錫唔錫你佢永遠都係家人，同埋我哋嗰代讀得幾多書啫，其實你哋依家大個咗，應該知道我哋嗰代做嘢都好辛苦，我哋係用把口嚟教，我六年班都未畢業，點教我啲小朋友，咪日日鬧囉，但係出嚟都 OK，我哋唔識教呀，唔代表我哋唔愛你，你知唔知呀？」
中年好聲音2 ｜總決賽7強名單｜6. 沈宗賢 (41歲)｜職業：吉隆坡髮形師
MVP次數：零！
來自馬來西亞的沈宗賢獻唱《曲終人散》，他坦言上一段戀情對他傷害很深，他說：「佢係我好喜歡嘅一個女仔，佢為咗我同屋企人嘈交甚至反面，我當時係以唱歌維生，收入唔穩定，依家諗番起係辜負佢好多，分手嗰刻係好絕望，佢要出埠做嘢，但我嗰時仲喺度考慮，唔想放棄音樂，到我掙扎咗成年之後，有一日夜晚，佢同我講不如分開啦，當時我已經辭咗職放棄唱歌，但佢話已經太遲，叫我唔使放棄、繼續追尋我嘅夢想。」感性的宗賢獻唱前先來一個獨白：「可能這輩子我們注定只可做朋友，是我沒用，去找你的幸福吧。」唱到尾聲更忍不住爆喊，張家誠說：「我覺得你個人幾浪漫，好勇敢地唱番自己嘅故事，好 Touch 到我，覺得咁嘅男人幾浪漫，應該幾多女仔鍾意。」婉婉即踢爆宗賢分手後未有再拍拖，張家誠笑言：「吓，咁呢啲唔係浪漫，係傻仔，唔好意思！」伍仲衡搞笑踩多腳：「我真係要送你兩個字，戇居。」張佳添更笑言：「我真係無言，成個森林喺出面，我單身咗 8 年，但我永不孤單！」場面搞笑。
中年好聲音2 ｜總決賽7強名單｜7. 黃劍文（40歲）曾參加《全民造星III》
2次奪得MVP： 第26集《我要我們在一起》（與林志美合唱）
40歲黃劍文曾參加《全民造星III》，他表示為了迎戰特別做多咗運動，希望可以以最佳狀態上陣，他又指之前參加歌唱比賽，全部都好緊張影響發揮，希望今次可以放鬆心情去享受呢個舞台。
相關文章：中年好聲音2 ｜40歲黃劍文入行逾十年從未放棄音樂夢 參賽曾被罵「反骨」
黃劍文在之前的比賽中表現相對平穩，而他早幾集挑戰了女歌手王菲的男聲曲目《給自己的情書》。評審周國豐表示：「你喺Chorus方面嘅處理，我係戥你辛苦，好似同音樂玩緊追逐遊戲咁。」張佳添則說：「三拍歌其實好少咁用力去唱，結果你（演出）同編曲係兩件事，你係一個好有音樂感、音色好靚好入咪、好識唱歌嘅一個人，以上全部都係讚，但係唯一最大問題你係用錯演繹方法。」，「奄尖魔人」伍仲衡聽完劍文的演出後更搖晒頭！
黃劍文參加《中年2》被罵「反骨」
《中年好聲音2》猛將雲集，黃劍文屢戰屢敗，並不害怕被網民批評。有些人支持他，但也有一些負面的評論，他被冠以「反骨」、「還在追夢」等標籤。他深有感觸地表示，在網上有千幾個留言，大部分是支持他，但也有一些人抨擊我參加《中年2》。事實上，我參加過許多比賽，包括TVB第一屆《超級巨星》。因為不聽話，在慶功時喝到聲沙，最終只進入了30強就止步了。
中年好聲音2 ｜總決賽最7名單｜9.古淖文36歲－轉戰《中年好聲音2》
2次奪得MVP：第8集《我要》、第22集《不如不見/Desperado》
出生在澳門的混血兒古淖文，當年22歲已經行「妖艷」路線，最後奪得第5名後加入亞視。亞視倒閉後，擁有葡萄牙血統的他認為操一口流利葡語，就憑接葡語MC工作維生，雖然曾經參加過《中國新歌聲》的海選，但到第2輪Casting就被淘汰。
一直恨加入TVB的古淖文，選擇參加《中年好聲音2》並獲得不俗成績，早前在節目中憑《我要》一曲獲得全場MVP，獲評審伍仲衡大讚「呢首歌好啱古淖文，你個樣真係好妖。」，時隔14年終於憑「妖氣」創出新一片天，不過事後接受訪問時，古淖文就表示自己今次奪MVP其實唔完全係靠妖，而係團體合作的成果，這說法與評判陳慧嫻的看法一致：
「我嘅評選準則係成晚令到我最深刻印象嗰一位，佢帶動咗成隊嘅氣氛！」
劉威煌出局！ (43歲) 曾參加《超級巨星1》
憑《超級巨星1》入行嘅劉威煌於2014年正式離巢TVB，久未露面的他回巢參加《中年好聲音2》，參賽以來表現可算突出。
中年好聲音2劉威煌
《中年好聲音2》出局！ 陳蒨葶
陳蒨婷曾經係歌手轉職物業代理
陳蒨葶曾以黑色透視裝上陣的她獻唱《我的心裡沒有他》，她邊唱邊扭身扭勢，滲出陣陣女人味，成功俘虜評審獲得5燈佳績，周國豐說：「你揀啱咗歌，完全係好Fit，成件事係賞心悅目！」張佳添則盛讚：
「你設計過你嘅台風，一舉手一投足都好自如，你郁住嚟唱把聲仍然係好靚、好穩定，個台風好正，呢首歌暫時係你嘅代表作！」
陳蒨婷著浴袍賣樓片網上瘋傳 原來係猛料歌手拎過銷量冠軍
其實陳蒨婷並唔係無做過幕前工作，去年8月網上流傳一條樓盤宣傳影片，影片中的地產女經紀以浴巾示人，露出肩膀和雙腿，並坐在浴缸中大讚樓盤空間闊落。影片一出除引來同行譁然，消息更令事主迅即遭到起底，原來就係陳蒨葶（Sammi），更被翻出係許廷鏗同期的女歌手，奪過不少獎項！
中年好聲音2陳蒨葶
延伸閱讀：陳蒨葶曾經係歌手轉職物業代理 著浴袍賣樓片曾被瘋傳
陳蒨葶曾以藝名葉慧婷出道
片中女經紀陳蒨葶原名陳慧婷，現年已37歲，她的社交平台自我介紹一欄寫上「香港樂壇女歌手」。原來陳蒨葶當年24歲並於2010年以藝名葉慧婷出道加入樂壇，更在2011年4月推出首張個人EP《新一天》，馬上就在香港HMV銷量榜佔據第一位，亦先後在《新城勁爆頒獎禮》中奪得「新城勁爆新登場女歌手」及「新城勁爆躍進歌手」。回望同期的樂壇新人則有鄭欣宜、許廷鏗等，能夠脫穎而出也絕不惹少。
