《再見枕邊人》｜失蹤七年妻子突然現身、馬德鐘陷入困境

《再見‧枕邊人》劇情簡介

「真正的死亡是被遺忘」，如果連自己也把自己遺忘掉，又會是一個怎樣的故事？資深記者顧晴天（黃智雯 Mandy 飾）因為一次意外掉下山崖兼離奇流落印尼；昏迷長達六年半後終於醒來的晴天，不但身處異地，更失去所有記憶，及後在好心港人律師金長勝（羅天宇飾）的幫助下返回香港，並展開「尋找顧晴天」之旅…

另邊廂，晴天老公楊萬森（馬德鐘飾），經過七年的尋覓及守候終決定放棄，香港法例亦有指一個人失蹤七年後，其家屬可申請該人在法律上死亡，就在萬森決定與多年來對自己不離不棄的紅顏知己朱善美（張曦雯飾）結為夫婦、重新開始之際，晴天卻碰巧在二人的大婚之日重現萬森眼前。面對全心全意愛自己的新歡、及曾經有過不少愉快回憶的「失憶」舊愛，萬森陷入最大兩難…

《再見‧枕邊人》劇情反轉再反轉

《再見‧枕邊人》最大賣點，是首集甫開始觀眾已能完全代入主角晴天的視角，與晴天同步了解身邊每一個人，並以剝洋蔥式手法逐步邁向真相；變相觀眾將會與失憶的晴天一樣，即使看到去劇集中段，依然未能分清誰是好人、誰是壞人，更甚的是，就連自己過去是否好人，也因沒有了記憶而不能作出肯定答案，絕對細思極恐。除了所有角色都忠奸難辨，事件真相亦然，皆因劇集採用了「隱瞞式說故事」手法交代劇情，每集都刻意收起某些重要線索、並留待之後劇情才逐步揭出來，令觀眾收看時有「反轉再反轉」的驚喜。

觀乎劇組今日發布的官方宣傳海報設計相當特別，先說馬德鐘的角色海報，兩邊面除了一邊是彩色、一邊是黑白外，彩色那邊面的神情相當深藏不露、黑白那邊面除了露出饒有深意的奸笑外，還明顯佈滿不少裂痕，配以宣傳語句：「愛惜或是掩飾」，為楊萬森這個角色增添不少神秘色彩。至於女主角的主題海報則更特別，細心留意的話，左邊黑白裂痕臉其實是張曦雯飾演的朱善心，右邊彩色迷惘臉則是黃智雯飾演的顧晴天；令人驚喜的是，雖然是將黃智雯及張曦雯的臉拼合在一起，但卻出奇地「零違和」。

「身邊嘅人好似係好人、又好似唔係好人咁」

對於概念海報，黃智雯亦大叫 amazing：「其實我第一次睇呢個海報嘅時候，我都覺得好神奇嘅，因為冇諗過原來我同 Kelly 個樣合拼埋都幾似，我自己都諗咗幾秒，要睇番啲髮型先分到，我覺得成件事好 amazing！我覺得呢個海報設計同劇情幾夾，就好似楊萬森周旋喺我同 Kelly 中間咁。」Mandy 又透露晴天與張曦雯飾演的朱善美有不少相似地方：「我哋都係工作狂、好熱愛工作，失憶前嘅晴天其實都係好 aggressive、係非常之有明確目標嘅女人嚟。」

Mandy 更大讚劇集具追看性：「一開出故事就係顧晴天失憶咗 7 年後、再次返嚟見到佢丈夫同埋仔仔，到底 7 年前嘅意外真相係點呢？楊萬森或者身邊嘅人好似係好人又好似唔係好人咁，未到最後 1 秒都唔知道個真相係點，我覺得係好有追看性。」

《再見‧枕邊人》預告影片

張曦雯結婚戲淚漣漣 馬神嘴完張曦雯再鍚黃智雯

《再見．枕邊人》前年11 月拍攝嘅一場絡婚場面，男主角 馬德鐘就最有艷福喇，嘴完黃智雯之後擰轉頭又錫張曦雯，一次過娶兩個咁靚嘅老婆，可能恨死唔少男士呀。 一身婚紗拍攝嘅Mandy高貴又大方，不過佢就話他日自己嘅婚禮，可能會奉行簡約風格，隨時牛仔褲上陣出嫁，仲話如果去熱帶地方行婚禮，連泳衣出場都唔出奇呀。Mandy就話拍戲著婚紗次數已經夠晒多，所以到真正行禮簡簡單單已經足夠喇。

呢頭Mandy越講越興奮，嗰邊嘅Kelly就竟然眼淚漣漣，雖然要喊得咁悽涼啦，不過Kelly就話投入劇情唔算太困難喇。

張曦雯再同馬神繼《跳躍生命線》再同馬神演一對，不過今次角色就同上次有大不同，Kelly仲話個個角色都有唔少心計咁話呀。而 周志康今次就會扮演有暴力傾向嘅恐怖情人，仲會向老婆尹詩沛郁手郁腳，佢仲話自己非常變態咁話呀。