Edan新歌MV反串女裝震撼登場 與妹妹小如豬爭仔 網民笑爆：女爵安都幾靚女
呂爵安反串女裝震撼登場
Edan在MV中兩度反串演出，戴上假髮穿校裙化身「呂同學」，更穿上誇張波點裙亮相校園晚會，與妹妹小如豬爭奪男團ZPOT成員張肇維（Gordon）飾演的帥氣學長。他在社交網上載「女裝」相片，自嘲「應該係史上最黐線嘅一個MV，唔使講咁多，睇到呢幾張相仲唔睇一次個MV先？希望大家睇完個胃冇唔舒服啦」。Edan表示因與妹妹長得相似，反串「女爵安」能讓爭仔劇情更搞笑，這也是他首次且唯一一次反串女生演出。
小如豬首度拍MV獲哥哥激讚
Edan激讚妹妹「小如豬」演戲天分極高，在MV中使出渾身解數與「呂同學」競逐Gordon學長歡心，甚至鬧交扯頭髮場面都輕鬆完成。他大讚「作為導演，這位演員的表現有200分，十分滿意妹妹！自己對妹妹相當有信心，事前已覺得她一定做到我的要求，其實小如沒上過表演課，亦從沒在鏡頭前演過戲，但很多表情和動作一點就明，超級犀利！」兄妹合作全因「咁啱得咁橋」，某次接載妹妹時突發奇想邀請她做女主角，妹妹提出要Edan一同演出且鏡頭不能少的條件。
呂爵安升級做導演全程參與製作
繼《純銀子彈》後再次執導MV的Edan，坦言今次希望轉換新方向，調整劇情加入兄妹爭仔情節。他透露「由度橋到分鏡到剪接嘅參與度都真係100%，本導係玩得十分之爽同滿意的，完全呈現哂我腦海中嘅畫面，感恩！」新歌原本打算在3月14日白色情人節推出，但錄音期間生病，連MV也夾不到期拍攝，最終在愚人節推出。他解釋「本身話遲一個星期出，但我望一望，再過多陣就4月1，咁就唔爭在啦，等埋佢，繼續延續埋個傳統！」
網民爆笑留言瘋狂截圖轉載
網民看完MV後瘋狂截圖轉載，留言爆笑連連。有網民留言「ok女爵安唔膠嘅時候都勉強係一個靚女」、「其實咁睇法女爵安都好靚女喎」、「#呂氏兄妹個HASHTAG係咪要改成#呂氏姊妹？」更有網民笑言「痴線呂導，癲嘅mv，咁甜嘅歌結果出現女爵安」、「完全聽吾到隻歌，個心掛住睇個mv太顛，笑死」。粉絲「爵屎」上載包房睇MV首播短片，當Edan以紮住孖辮跑「騎呢步」時全場爆笑，留言「呂導，在下五體投地，真係決定跟足你一世」，大部分粉絲都佩服他為藝術犧牲的勇氣和專業度。
